২ শমূয়েল 16:21 - Chakma Bible

²¹ জোবত্‌ অহীথোফলে কলঅ, “রাজঘরর্‌ দেগাশুনো গুরিবাত্তে তঅ বাপ্পো তার যিদুক্কুন দ্বিতীয় ঘর মোগোরে ফেলে যেইয়্যে তুই তারা সমারে কিয়্যেন্দি মিজা। সালে ইস্রায়েলর বেক্কুনে হবর্‌ পেবাক্‌, তুই নিজোরে তঅ বাব ইদু ঘিনাইদে মানুচ্‌ ইজেবে গোজ্যচ্‌। সেক্কে তঅ লগে বেক্‌ মানুচ্চুনে জদবদে গুরি তঅ পক্ষেন্দি থেবাক্।”

২ শমূয়েল 16:21 ပူးပေါင်းရင်းမြစ်များ

পত্থম 34:30

যাকোবে পরেদি শিমিয়োন্‌ আর লেবিরে কলঅ, “তুমি এ দেজ মানুচ্চুনো মুজুঙোত, বিশেজ্ গুরি কনানীয় আর পরিষীয়গুনো মুজুঙোত্‌ জগন্য কাম্‌ গুরিনে দজাদ্‌ ফেলেয়্য। মঅ মানুচ্চুনে জনেদি কম। তারা এগত্তর্‌ ওইনে মরে হাম্‌লা গুরিবাক্, আর সেক্কে পরিবার্‌ সুমুত্তো মুই মুরি যেম্‌।”

পত্থম 35:22

ইস্রায়েলে যেক্কে সে চাগালাত্ বজত্তি গরের্ সেক্কে রূবেণে তা বাপ আর এক্কো মোক্‌ বিল্‌হার সমারে ভান্ন্যেই কাম্‌ গুরিলো। কধাগান্‌ ইস্রায়েল কানত্‌ গেলঅ। যাকোবর বারজন পুয়ো এলাক।

পত্থম 38:16

সেনত্তে তে পদ কুরে তামর মুজুঙোত্ যেইনে কলঅ, “আয়, তঅ লগে মরে ঘুম্‌ যেবাত্তে দে।” নিজো পূদবোবোরে তে চিনি ন-পারিলো। তামরে কলঅ, “ইয়েনত্তে তুই মরে কি দিবে?”

পত্থম 6:4

গোজেন পুয়োগুন লগে এ মিলেগুনোর মিজেনার কারনে যে পুয়োগুনোর্ জর্ম অলঅ তারা এলাক্ পুরোণি দিনোর নাঙ্‌ গিন্যে বোলী মানুচ্‌। সে সময়োত্‌ আর তা পরেদিয়ো পিত্‌থিমীত্‌ নেফিলীয় নাঙে এক জাদর মানুচ্‌ এলাক্।

২ শমূয়েল 10:6

অম্মোনীয়গুনে বুঝি পারিলাক্, তারা দায়ূদোর ঘিনাইদে মানুচ্‌ ওইয়োন। সেনত্তেই তারা বৈৎ-রহোব আর সোবাত্তুন্‌ কুড়ি আজার অরামীয় সৈন্য, এক আজার সৈন্যসুমুত্তো মাখার রাজারে আর টোবত্তুন্‌ বার আজার মান্‌জ্যরে ভাড়া গুরিলাক্।

২ শমূয়েল 12:11

লগেপ্রভু আরঅ কলঅ, মুই তঅ গিরিত্তুন্‌ তত্তেই দযাগান টানি আনিম। তঅ চোগো মুজুঙোত্‌ মুই তঅ মোক্কুনোরে নেযেইনে তঅ নিজো মানুচ্চুনোরে দিম্। তে বেক্কুনোর্‌ চোগো মুজুঙোত্‌ তারারে নেযেইনে ঘুম যেবঅ।

২ শমূয়েল 13:5

যোনাদবে কলঅ, “তুই অসুগোর্‌ ছলনা দিইনে বিচ্ছোনত্‌ পড়ি থাগ্‌। তঅ বাপ্পো যেক্কে তরে চেবাত্তে এবঅ সেক্কে তুই তারে কবে, ‘দোয়্যে গুরিনে মঅ বোন তামররে পাদেবে যেনে তে এইনে মরে কিজু হেবাত্তে দে। সে হানাগানি তে মঅ মুজুঙোদ্ বানোক্‌ যেনে মুই সিয়েনি দেগিনে তা আঢত্তুন্‌ হেই পারং।’”

২ শমূয়েল 15:16

সেক্কে রাজা আঢা মারিলো আর তা ঘরর্‌ বেক্কুনে তা পুনে পুনে গেলাক্‌। রাজঘরান্‌ দেগাশুনো গুরিবাত্তে তে দশজন দ্বিতীয় ঘর মোগোরে থোই গেলঅ।

২ শমূয়েল 16:20

যেরেন্দি অবশালোমে অহীথোফলরে কলঅ, “এবেরা আমি কি গুরিবোং? তুই কি সল্লা দুয়োচ্‌?”

২ শমূয়েল 17:7

হূশয় অবশালোমরে কলঅ, এবারত্‌ অহীথোফলে যে বুদ্ধিগান দিয়্যে সিয়েন গম্‌ নয়।

২ শমূয়েল 2:7

সেনত্যেই ইক্কিনে তুমি দরমর অহ্ আর বুগোত্‌ সাহস রাগঅ। তমা গিরোজ্‌ শৌলে মুরি যেইয়্যে আর যিহূদা-গুট্টির মানুচ্চুনে মরে তারা উগুরে রাজা ইজেবে অভিষেগ্ গোজ্যন্‌।”

২ শমূয়েল 20:3

দায়ূদে যিরূশালেমত্‌ তার নিজো ঘরত্‌ ফিরি এজানার পরেন্দি যে দশজন দ্বিতীয় ঘর মোগোরে তে রাজঘরান চেবাত্তে ফেলে যেইয়্যে তারারে তে এক্কান ঘরত্‌ রাগেল আর ঘরান চুগি দিবার্‌ বেবস্থা গুরিলো। তে তারারে হানা-দানা, উরোন-পিরোন্ দিলো মাত্তর্‌ আর্ তারা সমারে ন-থেলঅ। সিদু তারা রানিমিলে ইজেবে মরণ সং আক্‌‌সোয়ে অবস্থায় রলাক্‌।

১ রাজাবলী 11:25

শলোমনে যেদকদিন বাঁজি এলঅ সেদকদিন রষোণে ইস্রায়েলর লগে শত্রুতা গুরিলো আর সে সময়ানত্‌ হদদেয়ো ইস্রায়েলর বিরুদ্ধে কাম গুরিলো। ইস্রায়েলর বিরুদ্ধে এক্কান শত্রুতাভাব্‌ গুরিনে রষোণে অরাম দেজত্‌ রাজাগিরি গুরিদো।

১ রাজাবলী 2:17

তে সেক্কে কুয়ো ধুরিলো, “তুই রাজা শলোমনরে কঅ যেনে তে শূনেমীয়া অবীশগরে মত্তে বৌ দে। তে তর্‌ কধাগান ন-ফেলেব।”

১ রাজাবলী 2:22

জোবত্‌ রাজা শলোমনে তা মাবোরে কলঅ, “আদোনিয়ত্তে কিত্তে তুই শূনেমীয়া অবীশগরে চর্‌? তুই তাত্তেই রেজ্যগান্‌অ দঅ চেই পারিদে, কিত্যে তে মর্‌ দাঙর্‌ ভেই; অয়, তাত্তে, ধর্মগুরু অবিয়াথরত্তে আর সরূয়ার পূঅ যোয়াবত্তেয়ো সিয়েনি চেই পারিদে।”

লেবীয় 18:8

সাদাঙা মা-সমারে কিয়্যেদি মিজেনা ন-চলিবো। সিয়েন্‌ গুরিলে বাপ্পোরে অগমান গরা অবঅ।

লেবীয় 20:11

যে তার্‌ সাদাঙা মা সমারে কিয়্যেদি মিজেয়্‌ তে তার্‌ বাপ্পোরে অসর্মান গরে। সিয়েন্‌ গুরিলে তারে আর তার্‌ সাদাঙা মাবোরে মারে ফেলা পুরিবো। তারা নিজোর্‌ মরণানত্তে নিজেই দায়ী।

সখরিয় 8:13

ও যিহূদা আর ইস্রায়েল, বেক্ জাদর্ মানুচ্চুনে আগে তমা নাঙানি অভিশাব্ ইজেবে বেবহার গুরিদাক্, মাত্তর্ ইক্কিনে মুই তমারে উদ্ধোর্ গুরিম আর তারা তমা নাঙানি আশিদ্‌‌বাদ ইজেবে বেবহার গুরিবাক্। তুমি ন-দোরেয়ো, বরং দরমর অ।

১ করিন্হীয় 5:1

শুনো যাত্তে, তমা ইধু সিনেলীর্ পাপ আঘে, আর সেই সিনেলীগান এদক্ বেশ্ ওইয়্যেদে, অযিহূদীগুনেয়ো সিয়েনি ন-গরন্। এন্‌ কি, একজনে তার্ সাদাঙা মাবোরে নিজো মোগো ধোক্ক্যেন গুরি থোইয়্যে।

১ শমূয়েল 13:4

সেক্কে বেক্‌ ইস্রায়েলীয়গুনে শুনিলাক্, শৌল পলেষ্টীয়গুনোর সৈন্য-তাম্বুলানি আক্রমণ গোজ্যে আর পলেষ্টীয়গুনে ইস্রায়েলীয়গুনোরে ইংসের্‌ চোগেন্দি দেখ্যন্‌। সেক্কে ইস্রায়েলীয়গুনোরে ডাগা অলঅ যেনে তারা গিল্‌গলত যেইনে শৌল সমারে মিজেন্‌।

১ শমূয়েল 27:12

মাত্তর্‌ আখীশ দায়ূদোরে বিশ্বেজ্ গুরিদো আর ভাবিদো দায়ূদে এ কামানি গুরিনে তার নিজোর জাত্‌ ইস্রায়েলীয়গুনোর ইদু নিজোরে অমকদ ঘিনাইদে চোগোত্‌ তুল্যে আর সেক্কে তে জিংকানিবর্‌ তার চাগর্‌ ওই থেবঅ।