২ শমূয়েল 15:30 - Chakma Bible

³⁰ ইন্দি দায়ূদে কানদে কানদে জৈতুন মুড়োবো উগুরে উদো ধুরিলো। তে মাঢাবো ঢাগিনে জদা ছাড়া আঢের্‌। মানুচ্চুনেয়ো বেক্কুনে তা লগে মাধাগুন ঢাগিনে কানদে কানদে উগুরে উদো ধুরিলাক্।

২ শমূয়েল 15:30 ပူးပေါင်းရင်းမြစ်များ

২ শমূয়েল 15:29

সেনত্তেই সাদোক আর অবিয়াথরে গোজেন সুন্দুক্কো লোইনে যিরূশালেমত্‌ ফিরি গেলাক্ আর সিয়োদোই থেলাক্।

২ শমূয়েল 19:4

রাজা তা মুয়োন্‌ ঢাগিনে ইয়েন কোইনে গুজুরি গুজুরি কানা ধুরিলো, “হায়, মঅ পূঅবো অবশালোম! হায়, অবশালোম, মঅ পূঅবো, মঅ পূঅবো!”

২ শমূয়েল 19:5

সেক্কে যোয়াবে ঘর ভিদিরে যেইনে রাজারে কলঅ, “যিগুনে তঅ জিংকানিগান, তঅ ঝি-পূঅগুনোর জিংকানিগান আর তঅ মোক্কো আর দ্বিতীয় ঘর মোক্কুনোরে রোক্ষ্যে গোজ্যন্‌ তুই এচ্চ্যে তর্‌ সে মানুচ্চুনোরে অগমান গুরিলে।

ইষ্টের 6:12

ইয়েনর্ পরেন্দি মর্দখয়ে আরঅ রাজঘরর্‌ গেদোত্‌ গেলঅ। মাত্তর্‌ হামনে মনত্ দুঘে মাঢাবো লুগেইনে যাদিমাদি গুরিনে ঘরত্‌ গেলঅ।

গীতসংহিতা 42:3

মঅ চোগোর পানিগানই মর্ দিনো-রেদোর খরাগ্ ওইয়্যে; আর ইন্দি মান্‌‌জ্যে মরে বানা কদন্, “কুদু গেলঅ তর্ গোজেনে?”

গীতসংহিতা 43:5

ও মর্ পরাণান, কিত্তেই তুই আজা আরেয়োজ্? কিত্তেই এদক্ চুলুবুলু ওইয়োচ্? গোজেন উগুরে আজা রাগা, কিয়া মুই আরঅ তার্ বাঈনী গুরিম; তেয়ই মর্ উদ্ধোরগুরিয়্যে আর মর্ গোজেন।

যিহিষ্কেল 24:17

তুই ভিদিরে ভিদিরে ভঅ নিজেস্ ফেলেবে। তুই মরাগুনোত্তে আব্‌‌‌‌‌‌‌‌‌সোজ্ ন-গুরিচ্। তুই মাপালার্ বান্ আর টেঙত্ জদা পিন্; তর্ মুয়োর্ তলেদিগান ন-ঢাগিচ্ বা মানুচ্চুনোর পাদেয়্যে হানাগানি ন-খেয়ো।”

যিহিষ্কেল 24:23

তমা মাঢাত্ তুমি মাপালার্ বানিবা আর টেঙত্ জদা পিনিবা। তুমি আবিলেচ্ ন-হেবা বা ন-কানিবা, মাত্তর্ নিজো নিজো পাপত্তে বল্‌‌‌‌‌‌‌‌‌‌পোজ্যে ওই যেবা আর একজন আর একজন ইধু ফোবেবা।

সখরিয় 14:4

সেদিন্যে তে এইনে যিরূশালেমর পূগেদি জৈতুন মুড়োবো উগুরে থিয়্যেব; সেক্কে জৈতুন মুড়োবো পূগেন্দিত্তুন্ পোজিমেদি ফাদি যেবঅ আর অদ্দেক্ উত্তোরে আহ্ অদ্দেক্ দোগিণে সুরি যেইনে এক্কান দাঙর্ কলগর্ সিরিস্‌টি গুরিবো।

মথি লেখ্যে গম্ হবর্ 5:4

যিগুনে দুঘ্ গরন্ তারা বর্‍‍‍পেইয়্যে, কিয়া তারা সান্ত্বনা পেবাক্।

লূকে লেখ্যে গম্ হবর্ 19:29

যেক্কে তে জৈতুন মুড়োবো ধাগত্ বৈৎফগী আর বৈথনিয়া আদাম ইধু লুমিলো সেক্কে তা দ্বিজন শিচ্চ্যরে ইয়েন কোইনে আগে দিপাধেল,

লূকে লেখ্যে গম্ হবর্ 19:37

এবাবোত্যেগুরি যীশু যিরূশালেম ইধু এইনে যে পধ্‌‌‌‌তান্ জৈতুন মুড়োত্তুন্ লামি যেয়্যে সেই পধ্‌‌‌‌থানত্ এলঅ। যীশু সমারে তার্ বোউত্ শিচ্চ্য এলাক্। সেই শিচ্চ্যগুনে তার্ যে বেক আমক্ কামানি দেক্কোন্ সিয়েনিত্তে খুজীয়্যে রঅ ছাড়িনে গোজেনরে বাঈনী গুরিনে কুয়ো ধুরিলাক্,

লূকে লেখ্যে গম্ হবর্ 19:41

তারা যেক্কে যিরূশালেম ইধু এলাক্ সেক্কে যীশু শঅরান্ দেগিনে কানিলো ।

লূকে লেখ্যে গম্ হবর্ 21:37

সে সময়োত্ যীশু পত্তি দিন উবোসনা-ঘরত্ শিক্ষ্যে দিদো, মাত্তর্ রেদোত্ বারেদি যেইনে জৈতুন মুড়োবোত্ থেদঅ।

লূকে লেখ্যে গম্ হবর্ 22:39

যীশু সেই জাগায়ান্ ফেলেইনে নিজো সুদোম্ মজিম্ জৈতুন মুড়োবোত্ গেলঅ। তা শিচ্চ্যগুনেয়ো তা পিজে পিজে গেলাক্।

প্রেরিত্‌ 1:12

সেক্কে শিচ্চ্যগুনে জৈতুন মুড়োবোত্তুন্ যিরূশালেমত্ ফিরি এলাক্। যিরূশালেম শঅরত্তুন্ এ মুড়োবো এক কিলোমিটার দূরোত্ এলঅ।

রোমীয় 12:15

যিগুনে ফুত্তি গরন্ তারা সমারে হুজি অ; যিগুনে কানন্ তারা সমারে কানঅ।

১ করিন্হীয় 12:26

যুনি এক্কান ভাগর্ সর্মান অয় সালে বেক্ ভাগ্‌কানই তা সমারে হুজি অয়।