২ শমূয়েল 15:24 - Chakma Bible

²⁴ রাজা যেক্কে শঅরত্তুন্‌ নিগিলি যার্‌ সেক্কে ধর্মগুরু সাদোক আর বেক্‌ লেবীয়গুনেয়ো তা সমারে এলাক্। লেবীয়গুনে গোজেনর্‌ সাক্ষ্য-সুন্দুক্কো বুয়োই নেযাদন্‌। শঅরত্তুন্‌ বেক্‌ মানুচ্চুন্‌ নিগিলি ন-যানা সং লেবীয়গুনে গোজেনর সুন্দুক্কো লামেই রাগেলাক্ আর ধর্মগুরু অবিয়াথরেয়ো তারা সমারে গেলঅ।

২ শমূয়েল 15:24 ပူးပေါင်းရင်းမြစ်များ

২ শমূয়েল 15:27

সে পরেন্দি রাজা ধর্মগুরু সাদোকরে কলঅ, “তুই দঅ বেক্কানি দেগর্‌। তঅ পূঅ অহীমাস আর অবিয়াথরর্‌ পূঅ যোনাথনরে লগে গুরিনে তুই গমেডালে শঅরত্‌ ফিরি যাহ্।

২ শমূয়েল 15:35

ধর্মগুরু সাদোকে আর অবিয়াথরে সিদু তঅ সমারে থেবাক্। রাজঘরত্‌ তুই যিয়েনি শুনিবে সিয়েনি তারারে জানেবে।

২ শমূয়েল 20:25

শবা এলদে রাজার লিগিয়্যে; সাদোক আর অবিয়াথরে এলাক্কে ধর্মগুরু।

২ শমূয়েল 6:13

যিগুনে লগেপ্রভুর সুন্দুক্কো বুয়োই নেযাদন্‌ তারা ছয় পোইদে উজেই যাদে ন-যাদে দায়ূদে এক্কো বলদ গোরু আর এক্কো পক্তামক্তা গোরু ছঅ উৎসর্ব গুরিলো।

২ শমূয়েল 8:17

অহীটূবোর পূঅ সাদোক আর অবিয়াথরর পূঅ অহীমেলকে এলদে ধর্মগুরু আর সরায় এলদে রাজার লিগিয়্যেবো।

১ রাজাবলী 1:8

মাত্তর্‌ ধর্মগুরু সাদোক যিহোয়াদারর পূঅ বনায়, ভাববাদী নাথন, শিমিয়ি, রেয়ি আর দায়ূদোর বীর যোদ্ধাগুনে আদোনিয়র পক্ষেন্দি ন-মিজেলাক্।

১ রাজাবলী 2:26

পরেন্দি রাজা ধর্মগুরু অবিয়াথররে কলঅ, “তুই অনাথোতত্‌ নিজোর জাগাত্‌ ফিরি যা। তুই মুরিবার যোগাজ্যে, মাত্তর্‌ ইক্কিনে মুই তরে মারে ন-ফেলেম, কারণ তুই তর্‌ বাবা দায়ূদোর সময়োত্‌ লগেপ্রভুর সুন্দুক্কো বুয়োই নেযেয়োচ্‌ আর মঅ বাপ্পোর বেক্‌ দুখ-কষ্টর ভাগি ওইয়োচ্‌।”

১ রাজাবলী 2:35

রাজা সেক্কে যোয়াবর জাগানত্‌ যিহোয়াদার পূঅ বনায়রে সেনাপতি ইজেবে নেযা অলঅ আর অবিয়াথরর জাগাত্‌ বোজেল ধর্মগুরু সাদোকরে।

১ বংশধর 15:2

সে পরেন্দি তে কলঅ, “গোজেন সুন্দুক্কো লেবীয়গুনে বাদে আর কনজনে ন-বুয়োন, কিত্তে লগেপ্রভুর সুন্দুক্কো বুয়োবাত্তে আর জিংকানিবর্‌ তার্‌ সেবা গুরিবাত্তে লগেপ্রভু তারারে বেঈ লোইয়্যে।”

যিহিষ্কেল 48:11

এই বিশেষ ভাগ্‌কান অবদে মর্ নাঙে যুদো গোজ্যে সাদোক বংশর্ ধর্মগুরুগুনোত্তে। তারা মরে সেবা গরানাত্ বিশ্বেজি এলাক্ আর ইস্রায়েলীয়গুনো সমারে ভান্ন্যেই পধেদি যেইয়্যে লেবীয়গুনো ধোক্ক্যেন তারা ভান্ন্যেই পধেদি ন-যান্।

গণাণা 4:15

“হারোণ আর তার্‌ পূঅগুনে যেক্কে এই বেক্‌ পবিত্র পজা-পিরানি আর পবিত্র তাম্বুলোর পজা-পিরানি নাঢি দেনা শেজ্ গুরিবাক আর মানুচ্চুনে তাম্বুলান বুদিনে যেবাত্তে যুক্কোল্‌ অবাক্‌ সেক্কে কহাতীয়গুনে এই বেক্কানি বুয়োই নেযেবাত্তে এবাক। মাত্তর্‌ কনঅ পবিত্র জিনিজোত্‌ তারার্‌ আত্‌ বাজেই ন-পারিবাক্। বাজেলে তারা মুরি যেবাক। মিলন-তাম্বুলোত্‌ যেদক্কানি জিনিস থেবঅ কহাতীয়গুনোর্‌ সিয়েনি বুয়োই নেযা পুরিবো।

গণাণা 7:9

মোশি কহাতীয়োগুনোরে কিচ্ছু ন-দিলো, কিত্যে সুদ্ধো-সাংগ জিনিস্‌চানির্‌ দেগাশুনোর্‌ ভারান এলঅ তারা উগুরে আর সিগুনোই এলাক তারার্‌ কাঁনাদ্‌ গুরি বুয়োই নেযেবার্‌ কধা।

যিহোশূয় 3:6

পরেন্দি তে ধর্মগুরুগুনোরে কলঅ‌, “তুমি সাক্ষ্য-সুন্দুক্কো তুলি নেযেইনে মানুচ্চুনোর আগে আগে গাঙান্‌ পার্‌ ওই যঅ‌।” সেনত্তেই তারা সাক্ষ্য-সুন্দুক্কো তুলি নেযেইনে মানুচ্চুনোর আগে আগে যাহ্ ধুরিলাক্‌।

যিহোশূয় 6:4

সাতজন ধর্মগুরু সাত্‌তো বাশি লোইনে সুদোম-সুন্দুগোর্‌ আগে আগে যেবাক্‌। সাত দিনোত্‌ তুমি শঅরর্‌ চেরোকিত্তে সাতবার ঘুরিবা আর তা লগে ধর্মগুরুগুনে বাশি বাজেবাক্‌।

যিহোশূয় 6:6

সেক্কে নূনর পূঅ‌ যিহোশূয় ধর্মগুরুগুনোরে ডাগিনে কলঅ, “তুমি সাক্ষ্য-সুন্দুক্কো তুলি নেযঅ‌ আর সাতজন ধর্মগুরু সাত্‌তো বাশি লোইনে লগেপ্রভুর সুন্দুগোর আগে আগে যঅ।”

১ শমূয়েল 22:20

অহীটূবোর নাদিন, অত্তাৎ অহীমেলকর এক্কো পূঅ কনঅ বাবদে রোক্ষ্যে পেইনে দায়ূদো ইদু ধেই গেলঅ। তার নাঙান্‌ এলদে অবিয়াথর।

১ শমূয়েল 4:11

গোজেনর সাক্ষ্য-সুন্দুক্কো শত্রুগুনে নেযেলাক্। এলির দ্বিবে পূঅ হফ্‌নি আর পীনহসে মারা পড়িলাক্।