২ শমূয়েল 15:20 - Chakma Bible

²⁰ তুই দঅ বানা সেদিন্যে এচ্ছোস্‌। আর এচ্ছ্যে কি তরে আমা লগে ঘুরি বেড়েবাত্তে মর্‌ নেযানা উজিত? মুই নিজে হবর্‌ ন-পাং মুই কুদু যাঙর্‌। তুই ফিরি যাহ্ আর তঅ দেজর্‌ মানুচ্চুনোরেয়ো লগে নেযা। ন-ফুরেইয়্যে কোচ্‌পানা আর বিশ্বেজ্ তমার্‌ সমাজ্যে ওক্‌।”

২ শমূয়েল 15:20 ပူးပေါင်းရင်းမြစ်များ

২ শমূয়েল 2:5

সেক্কে তে মানুচ্‌ পাদেইনে যাবেশ-গিলিয়দর মানুচ্চুনোরে এ কধাগান কলঅ, “তুমি যে তমার গিরোজ্‌ শৌলরে গোর্ দিইনে তা উগুরে বিশ্বেজ্‌চান্ দেগেয়ো সেনত্যেই লগেপ্রভু যেনে তমারে বর্ দে।

২ শমূয়েল 2:6

তে যেনে ইক্কিনে তার অমকদ কোচ্‌পানা আর বিশ্বেজ্ তমারে দেগায়, আহ্ তমার্‌ সেই কামানিত্যে মুইয়ো তমা লগে গম্‌ বেবহার গুরিম।

গীতসংহিতা 25:10

লগেপ্রভুর বেবস্থা আর রীদি-সুুদোম মজিম্ যিগুনে আঢন্, তারা ইদু তার বেক্ পথ্‌তানিত্ অমকদ কোচ্‌‌পানা আর বিশ্বেজে ভরা।

গীতসংহিতা 56:8

মুই যে কয়বার পৌল্যেই পৌল্যেই বেড়েয়োং সে কধা দঅ তুই হবর্ পাজ্; মঅ চোগো পানিলোই তর্ পিলেবো তুই ভুরি নেযা। ইয়েনি বেক্কানি দঅ তঅ বোইবোত্ লেগা আঘে।

গীতসংহিতা 57:3

স্বর্গত্তুন তার বলান্ লামি এবঅ; যিগুনে মরে লড়ান্ তারার দুজ্‌ছানির কধা কবাত্তে তে ন-ছাড়িবো। গোজেনর ইত্তুন তার অমকদ কোচ্‌পানা আরি বিশ্বেজ্‌ছান লামি এবঅ।

গীতসংহিতা 59:15

তারা হানা তোগেবাত্তে ইন্দি-উন্দি ঘুরোন্; পেট ন-ভুরিলে তারা গদা রেত্তো ঘুম ন-যান।

গীতসংহিতা 61:7

তে জিংকানিবর গোজেনর মুজুঙোত্ বজত্তি গুরিবো; তারে রোক্ক্যে গুরিবাত্তে তর্ অমকদ কোচ্‌পানা আর বিশ্বেজ্‌ছানরে তুই কামত্ লাগা।

গীতসংহিতা 61:8

মুই জিংকানিবর তর্ নাঙ্ গিনেদে গান গেম্, আর দিনকে দিন মঅ মান্যেগানি ছিড়েম্।

গীতসংহিতা 85:10

অমকদ কোচ্‌পানা আর বিশ্বেজর এগত্তর্ ঘুদিবো; ন্যায় আর ভালেদিগানে এক্কান আরেক্কানরে চুমিবো।

গীতসংহিতা 89:14

সততা আর ন্যায়বিচের উগুরে তর্ সিংহাসনান্ থিয়্যেই আঘে; কোচ্‌পানা আর বিশ্বেজ্‌ছান তর্ আগেন্দি যায়।

গম্ উপদেজ্ 14:22

যিগুনে বজং কাম গুরিবাত্তে ফন্দি গরন্ তারা কি ভান্ন্যেই পধেদি ন-যান? মাত্তর্ যিগুনে বজং কাম গুরিবাত্তে সল্লা গরন তারার বিশ্বেজ্ আর সততাগান্ আঘে।

গম্ উপদেজ্ 3:3

বিশ্বেজ্‌চান আর গম কামানিয়ে যেন কনদিন্অ তরে ছাড়িনে ন-যায়; তঅ গত্তনাত্ সিয়েনি বানি রাগা, তঅ মন খাতাদ্ সিয়েনি লিগি রাগা।

আমোষ 8:12

মান্‌‌জ্যে লগেপ্রভুর কধা শুনিবাত্তে পূগেত্তুন্ ধুরি পোজিমেদি আর উত্তোরেত্তুন্ ধুরি দোগিণেদি যাদে যাদে ঘুরি বেড়েবাক্, মাত্তর্ সিয়েন ন-পেবাক্।

যোহন 1:17

মোশির্ মাধ্যমে রীদি-সুদোম দিয়্যে ওইয়্যে, মাত্তর্ যীশু খ্রীষ্টর্ মাধ্যমে দোয়্যে আর সত্য এচ্চ্যে।

১ শমূয়েল 23:13

এ কধাগান শুনিনে দায়ূদে তা লগে প্রায় ছয়শত্‌ মানুচ্‌ নেযেইনে কিয়ীলা ছাড়িনে গেলগোই আর এক জাগাত্তুন আরেকজাগাত্‌ ধেইনে বেড়া ধুরিলো। দায়ূদে কিয়ীলাদত্তুন্‌ ধেই যেইয়্যে শুনিনে শৌল আর সিদু ন-গেলঅ।