২ শমূয়েল 15:12 - Chakma Bible

¹² উৎসর্ব গুরিবার্‌ অক্তত্‌ অবশালোমে দায়ূদোর গীলোনীয় মন্ত্রী অহীথোফলরে তা আদাম গীলোত্তুন্‌ ডাগিনে আনিলো। কুজুরোমিগান বেশ্ দাঙর্‌ ওই উদিলো, কিত্যে অবশালোম পক্ষেন্দি মানুচ্চুন্‌ বেজত্তুন বেশ্‌ বাড়া ধুরিলাক্।

২ শমূয়েল 15:12 ပူးပေါင်းရင်းမြစ်များ

২ শমূয়েল 15:31

সেক্কে দায়ূদোরে কন্না কলঅ, “অবশালোম লগে কুজুরোমিগুরিয়্যে গুনোর ভিদিরে অহীথোফলেয়ো আঘে।” এ কধাগান শুনিনে দায়ূদ ইয়েন কোইনে তবনা গুরিলো, “ও লগেপ্রভু, তুই অহীথোফলর্‌ সল্লাগানরে ফোলেই ন-দিচ্।”

২ শমূয়েল 16:15

ইন্দি অবশালোমে আর ইস্রায়েলর বেক্‌ মানুচ্চুনে যিরূশালেমত্‌ গেলাক্। অহীথোফলেয়ো তারা সমারে এলঅ।

২ শমূয়েল 17:14

অবশালোম আর ইস্রায়েলর বেক্‌ মানুচ্চুনে কলাক্, “অহীথোফলর সল্লাগানিত্তুন্‌ অর্কীয় হূশয়র সল্লাগানি গম্‌।” আজলে অবশালোমর্‌ উগুরে ভস্তগান্ অানিবাত্তে লগেপ্রভু অহীথোফলর গম্‌ সল্লাগানরে বিফল গুরি দিবো বিলিনে ঠিগ্ গুরি রাগেয়্যে।

২ শমূয়েল 17:23

অহীথোফলে যেক্কে দেগিলো, তা সল্লা মজিম্‌ কাম গরা ন-অলঅ সেক্কে তে তা গাধাবো উগুরে গদিবো চাবিনে তা নিজো আদাম ঘরত্‌ গেলঅ। তা ঘরর্‌ বেক্কানি বেবস্থা গুরিনে তে গত্তনাত্‌ ধুরি বানিনে মুরিলো। তা বাব গোরবোত্‌ তারে গোর্ দিয়্যে অলঅ।

২ শমূয়েল 23:34

মাখাথীয় অহস্‌বয়ের পূঅ ইলীফেলট, গীলোনীয় অহীথোফলর পূঅ ইলীয়াম,

১ রাজাবলী 21:12

তারা উবোস্‌ থেবার ফগদাং গুরিনে নাবোতরে মানুচ্চুনোর্‌ ইদু এক্কান্‌ বিশেষ জাগা দিলাক্‌।

১ রাজাবলী 21:9

সে চিদিগানিত্‌ তে লেখ্যেদে, “তুমি উবোস্‌ থেবার্ ফগদাং গরঅ আর মানুচ্চুনোর্‌ ইদু নাবোতরে এক্কান্‌ বিশেষ জাগা দুয়ো।

১ বংশধর 27:33

অহীথোফলে এলদে রাজার বুদ্ধিদিয়্যে, অর্কীয় হূশয় এলদে রাজার সমাজ্যে।

গীতসংহিতা 41:10

মাত্তর্ তুই, ও লগেপ্রভু, মঅ উগুরে দোয়্যে গর্; মরে তুল্, যেনে মুই তারার উগুরে হেনা শুজি পারং।

গীতসংহিতা 41:9

এন্ কি, যে মর্ পরাণর দাংগু, যিবে উগুরে মর্ এদক্ বিশ্বেজ্, যে মর্ সমারে হানা-দানা গরে, তেয়ো মঅ বিরুদ্ধে টেঙ্ তুল্যে।

গম্ উপদেজ্ 15:8

পাজিগুনোর উৎসর্বয়ানি লগেপ্রভু ঘিনেই, মাত্তর্ গম্ মানুচ্চুনোর তবনাগানি তে হুজি অয়।

গম্ উপদেজ্ 21:27

পাজিগুনোর উৎসর্বয়ানি লগেপ্রভু ঘিনেই, আর সিয়েনি যুনি ভান্ন্যেই আজাই আনা অয় সালে সিয়েনি আরঅ ঘিন্ গরেপারা অয়।

যিরমিয় 6:20

ও মর্ মানুচ্চুন, শিবা দেজত্তুন্ যে আগর্‌বাট্টি এজে বা দূর্ দেজত্তুন্ যে মিদে বচ এজে সিয়েনত্ মর্ কি দরকার? তমার পুজ্যে-উৎসর্বর অনুষ্ঠানানে মরে হুজি ন-গরে।”

গণাণা 23:1

পরেদি বিলিয়মে বালাকরে কলঅ, “তুই মত্তে ইয়েনত্‌ সাত্তো পূজো বানেইনে সাত্তো বলদ গোরু আর সাত্তো ভেড়া ছাগল উৎসর্বত্তে যুক্কোল্ গুরিচ্‌।”

গণাণা 23:14

ইয়েন্‌ কোইনে বালাকে তারে পিস্‌গা মুড়োবো উগুরে যে সোফীম নাঙে মাদ্‌তো আঘে সিয়েনত্‌ নেযেল। সিয়েনত্‌ তে সাত্তো পূজো বানেইনে এক এক্কো উগুরে এক্কো গুরি দামাড়া গোরু আর এক্কো গুরি ভেড়াছাগল উৎসর্ব গুরিলো।

গণাণা 23:30

বিলিয়মর্‌ কধা মজিম বালাকে সিয়েনোই গুরিলো। তে পত্তি পূজো উগুরে এক্কোত্‌ দরে বলদ গোরু আর এক্কোত্‌ দরে ভেড়াছাগল উৎসর্ব গুরিলো।

যোহন 13:18

“মুই তমা বেক্কুনো কধা ন-কঙর্। মুই যিগুনোরে বেঈ লোইয়োং তারারে দঅ মুই হবর্ পাং। মাত্তর্ পবিত্র বোইবোর্ এ কধাগান্ পূরোণ উয়ো পরিবো, ‘যে মঅ সমারে হানা-দানা গরে, তেয়ো মঅ বিরুদ্ধে টেং তুল্ল্যে।’

তীত 1:16

মুয়োদি তারা কন্দে তারা গোজনরে জানন্, মাত্তর্ তারার্ কামানিলোই তারা তারে অস্বীগের্ গরন্। তারা ঈচ্‌গরা খেইয়্যে আর অবাধ্য; তারা কনঅ গম কামর্ যগাজ্জ্যে নয়।

যিহোশূয় 15:51

গোশন, হোলোন আর গীলো। এ এগারগান শঅর্‌ আর ইয়েনির কায়-কুরে বেক্‌ আদামানি তারা পেইয়োন।