২ শমূয়েল 14:25 - Chakma Bible

²⁵ পুরো ইস্রায়েল দেজত্‌ অবশালোম ধোক্ক্যেন্‌ এদক দোল্‌ আর কনজন ন-এলাক্। দোল্‌ চেঙেরাত্তে তে বেক্কুনোত্তুন্‌ বেশ্‌ বাইনী পেদঅ। তা মাঢাবোর্‌ তাল্লোত্তুন্‌ ধুরি টেঙ পাদা সং কনজাগাত্‌ দাগ্‌-দুগ্ ন-এলঅ।

২ শমূয়েল 14:25 ပူးပေါင်းရင်းမြစ်များ

১ রাজাবলী 1:6

তা বাপ্পো কনঅ কামত্‌ তারে কনদিন্অ মানা ন-গরে, ন-কইয়ো, “কিত্তে তুই এ কামান গোজ্যস্?” তে অবশালোম ধোক্ক্যেন্‌ চাদে দোল্‌ এলঅ; তার জর্ম ওইয়্যেদে অবশালোমর্ পরেন্দি।

ইয়োব 2:7

ইয়েন পরেদি শদান্‌নো লগেপ্রভুর মুজুঙোত্তুন্‌ নিগিলি গেলঅ‌ আর ইয়োবর মাধাবো তাল্লোত্তুন্‌ ধুরিনে টেঙঅ‌ পাদা সং চুলোনি-পড়ানি ঘালোই তারে দুঘ্‌ দিয়্যে ধুরিলো।

গম্ উপদেজ্ 31:30

দোল্ বেবহার ছলনা গুরি পারে, দোলান্ জিংকানিবর্ নয়, মাত্তর্ যে মিলেবো লগেপ্রভুরে ভোক্তি গুরিনে দরায় তে বাঈনী গরা খায়।

যিশাইয় 1:6

টেঙ তলাত্তুন্ ধুরি মাঢাবো তাল্লোগান সং কনজাগাত্ গম্ অবস্থা নেই, আগেদে বানা আঘাত, মার্ হেইয়্যে দাগ্ আর লগেলগ্ ঘা। সিয়েনি সাব্ গরানা বা বানি দিয়্যে ন-অয়, তেল্লোই পিড়ে কমায়ো ন-অয়।

যিহিষ্কেল 23:15

কমরত্ তারার্ কমর্ বিজোনি, মাঢা উগুরে খবং; তারা বেক্কুন্ চাদে বাবিল দেজর্ সেনাপতিগুনো ধোক্ক্যেন্।

দানিয়েল 1:4

সে গাবুজ্যেগুনোত্তুন্ উয়ো পড়িবো থুদো নেইয়্যে, দোল্, জ্ঞানী আর বুদ্ধিবলা, বেক্ শিক্ষ্যেনি শিগিবাত্তে চোট্‌পোট্যে আর রাজদরবারত্ কাম গুরিবার যগাজ্যে। অসপনস্‌‌‌রে উগুম দিয়্যে অলঅ যেনে তে এ গাবুজ্যেগুনোরে বাবিলীয়গুনোর কধা আর পুদি পৌইদ্যেনে শিক্ষ্যে দুয়োন্।

মথি লেখ্যে গম্ হবর্ 23:27

ফক্কর্ ধর্ম-মাষ্টর্ আর ফরীশীগুন, তমাত্যে কত্তমান্ দর্‌গরেপারা! তুমি চিবিদিলোই বানেয়্যে গৌর ধোক্ক্যেন্, যিয়েনর বারেদিগান্ দোল্ মাত্তর্ ভিদিরেদিগান্ মরা মান্‌জ্য আড়্-গোড়া আর নানান্ বাবোত্যে কজরালোই ভোজ্যে।

দ্বি’লম্বর বিররণ 28:35

লগেপ্রভু তমার আদুগুনোত্‌ আর টেঙত্‌ এধোক্ক্যেন বিষফোড়া দিইনে দুখ্‌ দিবো যিবে কনদিনঅ গম্‌ ন-অবঅ। সে ফোড়াগুন্‌ তমার টেঙর্‌ তলেত্তুন্‌ ধুরি মাদাবোর্‌ তাল্লো সং বেক্‌ জাগানিত্‌ অবঅ।

১ শমূয়েল 16:7

মাত্তর্‌ লগেপ্রভু শমূয়েলরে কলঅ, “তার চেঙারাগান কেধোক্ক্যেন বা তে কু্‌দ্দুর লাম্বা সিয়েন তুমি চেবাত্তে ন-যেয়ো, কিত্যে মুই তারে এলাফেলা গোজ্যং। মান্‌জ্যে যিয়েন দেগিদাক সাৎ সিয়েন্দোই কিচ্ছু ন-অবঅ, কিত্যে মান্‌জ্যে দেগন্দে বারেন্দি চেঙারাগান্‌ মাত্তর্‌ লগেপ্রভু চাইদে মনান্‌।”

১ শমূয়েল 9:2

শৌল নাঙে কীশর এক্কো পূঅ এলঅ। তে এলদে বয়জসান্দোই গাবুজ্যে আর চাদে দোল্‌। ইস্রায়েলীয়গুনো ভিদিরে তা ধোক্ক্যেন দোল্‌ কেঅ ন-এলাক্। তে অন্য বেক্কুনোত্তুন্‌ প্রায় এক ফুট লাম্বা এলঅ।