২ শমূয়েল 14:14 - Chakma Bible

¹⁴ মাদিত্‌ পানি ঢালিলে যেন সিয়েন আর তুলি নেযেই ন-পারে সে বাবোত্যে গুরিনে দঅ আমি মুরিবোং। মাত্তর্‌ গোজেনে পরাণান্‌ কাড়ি ন-নেযায় বরং তে এমন্‌ বেবস্থা গুরিলো যেনে নিগিলেই দিয়্যে মানুচ্চুন্ তাত্তুন্‌ দূরোত্‌ ন-থান্।

২ শমূয়েল 14:14 ပူးပေါင်းရင်းမြစ်များ

২ শমূয়েল 11:25

দায়ূদে তারে কলঅ, “তুই যোয়াবরে কবে তে যেনে ইয়েন্দোই চিদে ন-গরে, কিত্যে যুদ্ধোত্‌ লাম্বা ছুড়িগানে কাররে বাদ ন-দে। শঅরানর্‌ বিরুদ্ধে আরঅ জদবদে যুদ্ধো গুরিনে তে যেনে সিয়েন এক্কুবারে ভস্ত গুরি ফেলায়। এ কধাগান তুই যোয়াবরে কোইনে তারে উচ্ছোমি তুমি দিবে।”

২ শমূয়েল 14:15

মানুচ্চুনে মরে দর্‌ বুগ্ লাগেই দুয়োন বিলিনে মঅ গিরোজ্‌ মহারাজরে মুই এ কধাগান কবাত্তে এচ্চ্যং। মুই মনে গোজ্যংগে, মুই রাজার লগে কধা কোই চেম্‌; অলে তে মঅ কধাগান শুনিবো।

১ রাজাবলী 11:39

তারার্‌ অবাধ্যগানর্‌ কারনে মুই দায়ূদোর বংশধরুনোরে নিজো গুরিম্‌, মাত্তর্‌ উমরত্তে নয়।’”

ইয়োব 14:14

মানুচ্‌ মুরিনে কি আরঅ জেদা অন্? যুনি অন্‌, সালে মর্‌ জদবদে কাম্‌ গরানার্‌ বেক্‌ দিনুনোত্তে মুই নুয়ো গুরিনে উদিবাত্তে বাজ্জেই থেম্‌।

ইয়োব 30:23

মুই হবর্ পাং তুই মরে মরণ ইন্দি নেযর্, পুরো জেদা মানুচ্চুনোত্তে ঠিগ্ গোজ্যে জাগানত্ নেযর্।

ইয়োব 34:15

সালে বেক্ মানুচ্চুনে একসমারে ভস্ত ওই যেদাক্, তারা আরঅ ধূল্যে ওই যেদাক্।

ইয়োব 34:19

তে শাজন্‌গুরিয়্যেগুনোর তপ্পে ন-লয়, নাঢা মানুচ্চুনোরে ফেলেইনে তাগোয়্যেগুনোরে দাঙর্ মনে ন-গরে, কিত্যে তারা বেক্কুনে তার্ আঢ্‌‌তোই বানেয়্যে।

গীতসংহিতা 22:14

মরে পানি ধোক্ক্যেন্ গুরি ঢালি দিয়্যে ওইয়্যে, মর্ বেক্ আড়র্ জড়াগুন্ খুলি যেইয়োন, মঅ মনান্ মুমো ধোক্ক্যেন্ ওইনে মঅ ভিদিরেদিগান গুলি পড়ের্।

গীতসংহিতা 22:15

মাত্যে পিলের্ শুগুনো কট্টা ধোক্ক্যেন্ মঅ বলান্ শুগেই এচ্চ্যে, আর মঅ জিলান্ তাগারাত্ বাচ্চেগোই; তুই মরে গোরত্ পোড়েই রাগেয়োচ্।

গীতসংহিতা 58:7

গঙার পানি ধোক্ক্যেন্ তারা মিলেই যান; তারার ধনুলোই টান দিয়্যে সেলর কট্টানি ভাঙি পোড়োক্।

গীতসংহিতা 77:8

তার অমকদ কোচ্‌পানাগান কি উমরত্যে থুম্ ওই গেলঅ? তার শমক্তান্‌অ কি উমরত্যে বিফল ওই গেলঅ?

গীতসংহিতা 79:3

যিরূশালেম চেরোকিত্যে তারা পানি ধোক্ক্যেন গুরি তারার লো-গানি ঢালি দুয়োন; তারারে গোর্ দিবাত্যে কনজন নেই।

গীতসংহিতা 90:10

আমা আয়ু বানা সত্তুর বজর, বল্ থেলে আশি বজর্‌অ অয়; আমা আয়ু যেদক অদঅ সাৎ থাইদ্যে বানা দুখ্ আর কষ্ট; বজর যায় চোগ্ কাদানাত্ আর আমিও শেজ্ ওই যেই।

গীতসংহিতা 90:3

মান্‌জ্যরে তুই ধূল্যেত্ ফিরি নেযাচ্; তুই কোই থাচ্, “ও মানুচ্চুনোর পুঅগুন, তুমি আরঅ ধূল্যেত্ ফিরি যঅ।”

যাত্রা 21:13

মাত্তর্‌ খুন গুরিবার্‌ সল্লা যুনি তার্‌ ন-থায়্‌, যুনি ইয়েন্‌ অদাদৎ ঘুদি যেইয়্যে কনঅ‌ ঘটনা অয়্‌ যেনে মুই মানা ন-গরং, মাত্তর্‌ তে এন্ এক্কান জাগাত্‌ ধেই যেই পারিবো যিয়েন মুই তমাত্যেই ঠিগ্ গুরি দিম্‌।

উপদেশক 9:5

জেদা মানুচ্চুনে হবর্ পান্, তারাত্তুন্ মরা পুরিবো, মাত্তর্ মরাগুনে কিচ্চু হবর্ ন-পান্। তারার্ আর্ কনঅ বক্‌শিজ্ নেই, কিত্তে তারা কধানিয়ো মানুচ্চুনে ভুলি যান্।

আবিলেচ্ 3:31

প্রভু দঅ উমরত্তে মান্‌‌‌জ্যরে ধাবেই ন-দে।

যিহিষ্কেল 18:23

পাজি মান্‌জ্যর মরনত্ কি মুই হুজি অং? বরং তে যেক্কে তা ভান্ন্যেই পধত্তুন ফিরি এইনে বাঁজে সেক্কেয়ই মুই হুজি অং।

লেবীয় 26:40

“মঅ উগুরে অবিশ্বেজর্‌ আর বিপক্কত্তে মুই তারার্‌ বিপক্ষে যেইনে শত্রুগুনোর্‌ দেজত্‌ তারারে নেযেম্‌। মাত্তর্‌ সিয়েনত্‌ যুনি তারা নিজোর আর তারার্‌ আগমানুচ্চুনোর সেই বেক্‌ দুষ্‌চানি কাম্‌ খান আর তারার অবাধ্য মনান্‌ নরম গরে আরঅ তারার্‌ দুজোর্‌ সাজা মানন্‌,

গণাণা 35:15

এই ছগান অবঅ ইস্রায়েলীয়গুনোর, ইস্রায়েলীয় বানেয়্যে আদাম্মেগুনোর্‌ আর অন্য দেজর আদাম্মেগুনোর্‌ জিরেবার-শঅর্‌। কনঅ মানুচ্ অদাদৎ কাররে মারে ফেলেলে সিদু ধেই যেই পারিবো।

গণাণা 35:25

বিচের-সভার মানুচ্চুনে সেক্কে লুয়োগানর্‌ হেনা যিবের সুজিবার কধা তা আদত্তুন্‌ খুন গোজ্যে মানুচ্চোরে রোক্ষে গুরিনে আরঅ তারে সেই জিরেবার-শঅরানত্‌ পাধেই দিবাক্‌ যিয়েনত্‌ তে ধেই যেইয়্যে। পবিত্র তেল্‌লোই অভিষেগ গোজ্যে দাঙর্‌ ধর্মগুরুবোর্‌ ন-মরানা সং সেই মানুচ্চোত্তুন্‌ সিয়েনত্‌ থাহ্ পুরিবো।

গণাণা 35:28

দাঙর্‌ ধর্মগুরুবোর্‌ মরণ ন-অনা সং সেই মানুচ্চোত্তুন জিরেবার্‌-শঅর ভিদিরে থাহ্ পুরিবো। বানা দাঙর্‌ ধর্মগুরুবোর্‌ মরাণার্‌ পরেদি তে নিজোর্‌ জাগানত্‌ ফিরি এই পারিবো।

মথি লেখ্যে গম্ হবর্ 22:16

তারা হেরোদ দলর্ কয়েক্কো মান্‌জ্য লগে নিজোর্ কয়েক্কো শিচ্চ্যরে যীশু ইধু পাধেলাক। তারা যীশুরে কলাক্, “মাষ্টরবাবু, আমি হবর্ পেই তুই এক্কো গম্ মানুচ্। গোজেন পথ্‌তান পৌইদ্যেনে তুই সত্য শিক্ষ্যে দি থাচ্। মান্‌জ্যে কি মনে গুরিবাক্ ন-গুরিবাক্ সিয়েনিলোই তর্ কি অয়, কিয়া তুই কারঅ মু চেইনে কিচ্ছু ন-গরচ্।

প্রেরিত্‌ 10:34

সেক্কে পিতরে কধে আরাম্ভ গুরিলো, ইক্কিনে মুই ঘেচ্চ্যেক্‌গুরি বুঝিলুং গোজেন চোগোত্ বেক্কুনে সং।

রোমীয় 2:11

ইয়েনত্ দেগা যায়, গোজেনর্ চোগেদি বেক্কুনে সং সং।

দ্বি’লম্বর বিররণ 10:17

তমা গোজেন লগেপ্রভু বেগ্‌ দেব-দেবেদাগুনো উগুরে আর তে প্রভুগুনোর্‌ প্রভু। তে দাঙর্‌, খেমতাবলা আর ভোক্তিপূর্ণ দর্‌ জাগেয়্যে গোজেন। তে কারঅ পক্ষ ন-নেযায় আর ঘুষঅ ন-খায়।

ইব্রীয় 9:27

গোজেনে ঠিগ্ গুরি থোইয়্যেদে যে, পত্তি মানুচ্‌ একবার্ মুরিবো আর সে পরেদি তার্ বিচের্ অবঅ।

১ পিতর 1:17

বাবা গোজেনে পত্তি মান্‌জ্যর কাম ধগে তার্ বিচের্ গরে, কারঅ মুয়োদি চেইনে সিয়েন ন-গরে। ইয়েনত্যে যুনি তারে তুমি বাবা বিলিনে ডাগঅ সালে এ পিত্‌থিমীত্ যেদকদিন বিদেশী ইজেবে আঘঅ সেদকদিন তা উগুরে ভোক্তিবলা দরে তমা জিংকানিগানি কাদঅ।