২ শমূয়েল 13:31 - Chakma Bible

³¹ এ কধাগান শুনিনে রাজা থিয়্যেইনে নিজো কাবড়ান ফাদিনে মাদিত্‌ পুরিলো। তা কামগুরিয়্যেগুনে বেক্কুনে নিজো নিজো কাবড় ফাদিনে তা কায়-কুরে থিয়্যেই রলাক্।

২ শমূয়েল 13:31 ပူးပေါင်းရင်းမြစ်များ

পত্থম 37:29

পরেদি রূবেণে সে গাত্তো ইধু যেইনে যোষেফরে ন-দেগিনে দুগে তা কাবড়ান ফাদি ফেলেইনে ভেইয়ুনো মুজুঙোত যেইনে কলঅ, “যোষেফে দঅ সে গাদ্‌তোত্‌ নেই। মুই ইক্কিনে কি গুরিম?”

পত্থম 37:34

যাকোবে তা কাবড়ানি পাদিনে কমরত্‌ বস্তা পিনিনে তা পুয়োবোত্তে ভালোক্‌ দিন সং আবিলেচ্ গুরিলো।

২ শমূয়েল 1:11

এ কধাগান শুনিনে দায়ূদ আহ্‌ তা সমারে এলাক্কে মানুচ্চুনে নিজো কাবড়ানি ফাদিলাক্‌।

২ শমূয়েল 12:16

সেক্কে দায়ূদে পূঅবোত্তে গোজেন ইদু কোজোলী গরা ধুরিলো। তে উবোস্‌ থেলঅ আর তা ঘরত্‌ যেইনে মাদিত্‌ ঘুম যেইনে রেত্তো কাদেল।

২ শমূয়েল 13:30

তারা ধেই যাদে সলাবোত্ দায়ূদো কানত্‌ এ হবরান্‌ এলঅ, অবশালোমে রাজার বেক্‌ পূঅগুনোরে মারে ফেলেয়্যে, তারাত্তুন্‌ একজনেয়ো জেদা নেই।

২ শমূয়েল 3:31

ইয়েনর্ পরেন্দি দায়ূদ যোয়াব আর তা সমারে বেক্‌ মানুচ্চুনোরে কলাক্, “তুমি যার্‌ যার্‌ কাবড়ানি ফাদিনে বস্তাফাদা উরো আর আবিলেচ্‌ গত্তে গত্তে অব্‌নেরর্‌ মরাকিয়্যেগানর্ আগলত্যা আগলত্যা আঢঅ।” মরাকিয়্যেগান বুয়োই নেযেবার খাট্‌তানর পুনে পুনে রাজা দায়ূদে নিজেয়ো আঢিলো।

ইয়োব 1:20

এ কধাগান শুনিনে ইয়োবে থিয়্যেইনে মনত্‌ দুঘে তা কাবড়ান ফাদি ফেলেল আর চুলান্‌ কাবি ফেলেল। সে পরেন্দি মাদিত্‌ মাধা নিগিরিনে গোজেনরে তা মনর্‌ ভোক্তি জানেইনে কলঅ,

যিহোশূয় 7:6

সেক্কে যিহোশূয় আর ইস্রায়েলীয়গুনোর বুড়ো নেতাগুনে নিজোর কাবড়ানি ফাদিনে লগেপ্রভুর সুন্দুগোর মুজুঙোত্‌ সাজোন্যা সং মাদি উগুরে মাদা নিগিরিনে রলাক্‌। তারা নিজোর মাদা উগুরে ধূল্যে ছিদি দিলাক্‌।