২ শমূয়েল 13:28 - Chakma Bible

²⁸ অবশালোমে তা মানুচ্চুনোরে এ উগুমান দিলো, “চঅ, আংগুরো-রস হেইনে যেক্কে অম্নোনর মনান্‌ বেশ্ হুজি ওই উদিবো সেক্কে মুই তমারে কোম, ‘অম্নোনরে মার,’ আর তুমি তারে মারে ফেলেবা। তুমি ন-দোরেয়ো। মুই দঅ তমারে সে উগুমান দুয়োঙর্‌। তুমি সাহস গরঅ আর বোলী অ।”

২ শমূয়েল 13:28 ပူးပေါင်းရင်းမြစ်များ

পত্থম 9:21

তে একদিন্যে আংগুর-রস হেইনে মাত্তল্ অলঅ আর নিজো তাম্বুলো ভিদিরে লাংটা ওইনে পড়ি রলঅ।

২ শমূয়েল 11:13

দায়ূদে তারে বাত্যেলে পরেন্দি তে দায়ূদো সমারে হানা-দানা গুরিলো আর দায়ূদে তারে মদ খাবেইনে মাত্তল্‌ বানেল। মাত্তর্‌ রেত্‌ অলে ঊরিয় রাজার কামগুরিয়্যেগুনো সমারে নিজো বিচ্ছোনত্‌ পড়ি রলঅ, ঘরত্‌ ন-গেলঅ।

২ শমূয়েল 11:15

সিয়েনত্‌ তে এ কধাগান লেখ্যে, “যিয়েনত্‌ জদবদে যুদ্ধো চলের্‌ সিয়েনত্‌ সৈন্যগুনোর মুজুঙোন্দি সুর্‌বোত্‌ ঊরিয়রে পাদেবা, সে পরেন্দি তা পিজেন্দিত্তুন্‌ তুমি সুরি যেবা যেনে তে আঘাত্‌ পেইনে মুরি যায়।”

২ শমূয়েল 12:10

তুই মরে ঈচ্ গোজ্যস্‌ আর হিত্তীয় ঊরিয়োর্‌ মোক্কোরে নেযেইনে নিজোর্‌ মোক্‌ বানেয়োচ্, সেনত্তে তঅ ঘর মানুচ্চুনে কনদিন্‌অ খুনোর আঢত্তুন মাব্ ন-পেবাক্।

২ শমূয়েল 13:27

মাত্তর্‌ অবশালোমে কোজোলি গুরিলে তে অম্নোনরে আর তা সমারে বেক্‌ রাজার পূঅগুনোরে পাধেই দিলো।

২ শমূয়েল 14:6

তর্‌ এ চাগরানীবোর্‌ দ্বিবে পূঅ এলঅ। তারা একদিন্যে মাদত্‌ মারামারি গত্তন্‌ আর সিয়েনত্‌ এন্‌ কনজনে তারারে কারি লবার মানুচ্ ন-এলাক্। সেনত্তেই তারা দ্বিজনেই মুরি গেলাক্।

১ রাজাবলী 20:16

তারা দ্বিবুজ্যে অক্তত্‌ নিগিলিলাক্‌। নানান্‌ চাগালাত্‌ শাজন্‌গুরিয়্যেগুনোর্‌ সে গাবুজ্যে সৈন্যগুনে পৌইল্যা যাহ্ ধুরিলাক্‌। ইন্দি বিন্‌হদদ আর তা লগে আগন্দে বত্রিশজন রাজা তারার্‌ তাম্বুলো ভিদিরে মাত্তল্‌ অনার্‌ পরেন্দিয়ো মদ হাদন্‌। সে অক্তত্‌ বিন্‌হদদে তোগেবাত্তে মানুচ্‌ পাধেই দিলে তারা তারে হবর্ দিলাক্‌, “শমরিয়াত্তুন্‌ মানুচ্চুনে উজেই এজদন্‌।”

ইষ্টের 1:10

সাত দিনোত্‌ রাজা অহশ্বেরশে আংগুর-রস হেইনে অমকদ হুজি ওই উদিলো আর মহূমন, বিস্থা, হর্বোণা, বিগ্‌থা, অবগথ, সেথর আর কর্কস নাঙে তার্‌ সাতজন সেবাগুরিয়্যেরে উগুম্‌ দিলো যেনে রাণী বষ্টীরে রাজমুকুট পিনেইনে তা মুজুঙোত্‌ আনা অয়। রাণী চাদে দোল এলঅ বিলিনে রাজা মানুচ্চুনোর্‌ আর দাঙর্‌ পোজিশনর্‌ কামগুরিয়্যেগুনোর্‌ মুজুঙোত্‌ তার্‌ দোলান্‌ দেগেবাত্তে চেইয়্যে।

গীতসংহিতা 104:15

আংগুর-রস যিয়েনে মান্‌জ্যর মনানিরে হুজি গরে, তেল যিয়েন তার মুয়োনরে জোল্‌জোল্যে গরে, আর রুটি যিয়েনে তা মনানত্ বল্ আনে।

যাত্রা 1:18

সেক্কে রাজাবো সেই ওঝাগুনোরে ডাগি আনিনে কলঅ, “কিত্তে তুমি এ কামান্‌ গরর্? মরদ পূয়োগুনোরে বাঁজেই রাগর্‌ কিত্তে?”

উপদেশক 10:19

আজিহুজিত্তে হানার্ যুক্কোল্ গরা অয়; আংগুর-রস্‌চানে জিংকানিত্ হুজি আনে; টেঙা-পোজে বেক্কানি যুগেই দে।

উপদেশক 9:7

সেনত্তে তুই যেইনে হুজিয়ে রাজিয়ে তঅ হানাগান্ হা আর মনঅ হুজিয়ে আংগুরো-রস্ হা, কিত্তে তর্ এ কামানি গোজেনে আগে এলাফেলা গোজ্যে।

দানিয়েল 5:30

সেই রেদোত্ বাবিলীয়গুনোর রাজা বেল্‌‌‌শৎসররে মারে ফেলা অলঅ,

নহূম 1:10

তুমি মাদি ফেগঅ ভিদিরে দলামজা ওই যেবা আর মদ হেইনে মাত্তল্ অবা; তুমি নাড়া ধোক্ক্যেন পুড়ি যেবা।

লূকে লেখ্যে গম্ হবর্ 21:34

“তুমি উজিয়ার্ থেয়ো যেন তমা মনানি ওলোমোত্ত্য, মাত্তলে ধুরিনে আর সংসারর্ চিদেলোই লুঙি ন-পড়। সিয়েন ন-অলে ফাল্ যেবাবোত্যেগুরি অদাদত্ বানা যায় সেবাবোত্যেগুরি অদাদত্ সে দিন্নো তমা উগুরে, এমন কি, পিত্‌থিমীর বেক্ মানুচ্চুনো উগুরে এইনে পুড়িবো।

প্রেরিত্‌ 5:29

সেক্কে পিতরে আর অন্য প্রচারক্কুনে জোব্ দিলাক্, “মান্‌জ্যর্ উগুম পালানাত্তুন্ বরং গোজেনর্ উগুম আমার পালানা উচিত্।

যিহোশূয় 1:9

মুই তরে উগুম দুয়োঙর, সেনত্তেই তুই বোলী অ আর মনত্‌ সাহস আন্‌। ন-দোরেচ্‌ বা ঝিমেয়্যে ন-ওস্, কিত্যে তুই যিয়োদোই যেদে সাৎ তর্‌ গোজেন লগেপ্রভু তঅ‌ লগে থেবঅ‌।”

বিচের গুরিয়্যেগুন 19:22

ইঙিরিনে যেক্কে তারা সুন্‌যুগ্‌ গুরিনে সময় কাদাদন্‌ সেক্কে শঅরর্‌ কয়েক্কো বজং মানুচ্‌ এইনে ঘরান্‌ ঘিরিলাক্‌। তারা দোরানত্‌ লাদি মারদে মারদে ঘরঅ গিরোজ্‌সো সে বুড়ো মানুচ্চোরে কলাক্‌, “যে মানুচ্চো তঅ ঘরত্‌ এচ্চ্যে তারে নিগিলেই দে। আমি তা লগে সিনেলী গুরিবোং।”

বিচের গুরিয়্যেগুন 19:6

সেনত্তেই তারা দ্বিজনে হানা-দানা গুরিবাত্তে বুঝিলাক্‌। মিলেবোর বাপ্পো কলঅ, “এচ্চ্যে রেত্তো থাগঅ আর এক্কেনা রঙ্গ-ফুর্তি গরঅ।”

বিচের গুরিয়্যেগুন 19:9

সে পরেন্দি যেক্কে সে মানুচ্চো তা দ্বিতীয় ঘরর্‌ মোক্কোরে আর গাবুরবোরে লোইনে যেবাত্তে যুক্কোল্‌ অলঅ সেক্কে তা শোর্‌বো কলঅ, “চঅ, ইক্কুনি পেরায়্‌ সাজোন্যে ওই যেইয়্যে, রেত্তো ইদু কাদঅ; বেল্যমাদন্ দঅ পেরায়্‌ ডুবেল্লোই। ইদু থাগঅ আর রঙ্গ-ফুর্তি গরঅ। কেল্যে বেন্যেপোত্যে উদিনে তমা ঘরর্‌ পদেন্দি আঢা মাজ্য।”

রূত 3:7

হানা-দানার পরেন্দি বোয়সর মনান্‌ যেক্কে খুজি অলঅ সেক্কে তে থুবেই-রাগেয়্যে শোজ্যর এক কিত্তেন্দি যেইনে ঘুমোত্‌ পুরিলো। রূতে চুবে চুবে যেইনে তা টেঙ উগুরেত্তুন কাবড়ান্‌ সোরেইনে সিয়োত্‌ ঘুমোত্‌ পুরিলো।

১ শমূয়েল 18:22

শৌল তার কামগুরিয়েগুনোরে এই উগুমান দিলো, “তুমি ভিদিরে ভিদিরে দায়ূদোর লগে কধা কোইনে তারে এই কধাগান কঅ, ‘রাজা তঅ উগুরে হুজি ওইয়্যে, আর তার কামগুরিয়্যেগুনে বেক্কুনে তারে কোচ্‌পান। সেনত্যেই তুই এবেরা রাজার জামেই অ।’”

১ শমূয়েল 28:10

শৌল সেক্কে লগেপ্রভুর নাঙে শমক্‌ খেইনে কলদে, “জেদা লগেপ্রভুর নাঙে কঙত্তে, ইয়েনত্যে তঅ উগুরে কনঅ সাজা ন-এবঅ।”

১ শমূয়েল 28:13

রাজা তারে কলঅ, “তর্‌ কনঅ দোরেবার্‌ নেই; তুই কি দেগর্‌?” মিলেমানুচ্চো কলঅ, “মুই দেগঙর্‌, এক্কো দেবেদা মাদি তলেত্তুন্‌ উদি এজের্‌।”