২ শমূয়েল 13:21 - Chakma Bible

²¹ রাজা দায়ূদে এ কধাগান শুনিনে অমকদ রাগ গুরিলো।

২ শমূয়েল 13:21 ပူးပေါင်းရင်းမြစ်များ

পত্থম 34:7

এ ভিদিরে কধাগান্‌ শুনিনে যাকোব পুয়োগুনে মাদত্তুন্‌ ফিরি এলাক। তারা যেবাবোত্যে মনত্‌ দুঘ্ পেলাক্ সেবাবোত্যে অমকদ রাগঅ অলাক্, কিত্তে যাকোব ঝিবোর্ ইজ্জোত্‌তান বর্‌বাত্ গুরি দিইনে শিখিমে ইস্রায়েল উগুরে এক্কান্‌ অগমান কাম্‌ গোজ্যে, যিয়েন্‌ গোজ্যে সিয়েনর কনঅ উচিত্ ন এলঅ।

পত্থম 35:22

ইস্রায়েলে যেক্কে সে চাগালাত্ বজত্তি গরের্ সেক্কে রূবেণে তা বাপ আর এক্কো মোক্‌ বিল্‌হার সমারে ভান্ন্যেই কাম্‌ গুরিলো। কধাগান্‌ ইস্রায়েল কানত্‌ গেলঅ। যাকোবর বারজন পুয়ো এলাক।

২ শমূয়েল 12:10

তুই মরে ঈচ্ গোজ্যস্‌ আর হিত্তীয় ঊরিয়োর্‌ মোক্কোরে নেযেইনে নিজোর্‌ মোক্‌ বানেয়োচ্, সেনত্তে তঅ ঘর মানুচ্চুনে কনদিন্‌অ খুনোর আঢত্তুন মাব্ ন-পেবাক্।

২ শমূয়েল 12:5

এ কধাগান শুনিনে দায়ূদে সে থাগোয়্যে মানুচ্চো উগুরে রাগে ফূলি উদিলো। তে নাথনরে কলঅ, “জেদা লগেপ্রভুর নাঙে কঙর্, যে মানুচ্চো এ কামান্‌ গোজ্যে তারে মারে ফেলানা উজিত্।

২ শমূয়েল 13:20

তামরর্‌ ভেই অবশালোমে তারে পুযোর্‌ গুরিলো, “তঅ ভেই অম্নোনে কি তঅ ইজ্জোদ্‌তান্‌ বর্‌বাদ্ গোজ্যে? মঅ বোন্নো, তুই এ পৌইদ্যেনে কাররে কিচ্ছু ন-কোচ্‌, কিত্যে তে তর্‌ ভেই। তুই এ বেপারান্দোই মনান্‌ যাগুলুক্ ন-গুরিচ্‌।” সিয়োত্তুন্‌ ধুরি তামরে তা ভেই অবশালোমর্ ঘরত্‌ মন্ মরা গুরি থাহ্ ধুরিলো।

২ শমূয়েল 13:22

অবশালোমে অম্নোনরে গম্‌-বজং কিচ্ছু ন-কলঅ। তা বোন্নো তামরর ইজ্জোদ্‌তান্‌ বর্‌বাদ্ গোজ্যে বিলিনে তে অম্নোনরে ঈচ্ গরা ধুরিলো।

গীতসংহিতা 101:8

পত্তি বেন্যে দেজ পাজি মানুচ্চুনোরে মুই শেজ্ গুরিম, যেনে লগেপ্রভুর শঅরত্তুন্ পত্তি অন্যেয়গুরিয়্যেরে পিত্‌থিমীত্তুন্ তুলি দিয়্যে অয়।

১ শমূয়েল 2:29

সালে মর্‌ ঘরত্‌ যেদক্কানি উৎসর্ব গুরিবাত্তে মুই উগুম দুয়োং তুমি কিত্তে সিদুক্কুন য়েমান-উৎসর্ব আর অন্য উৎসর্বগুনোর অসর্মান গরর্‌? মর্‌ মানুচ্ ইস্রায়েলীয়গুনোর উৎসর্বগুনোর বেগত্তুন গম্‌ ভাক্কুন দিইনে নিজোরে পক্তামক্তা গুরিনে কিত্তে তুই মত্তুন্‌ বেশ্‌ তর্‌ পূঅগুনোরে দাঙর্‌ গুরি দেগর্‌?