২ শমূয়েল 13:14 - Chakma Bible

¹⁴ মাত্তর্‌ অম্নোনে তামর কধা ন-শুনিলো। তামরত্তুন্‌ বেশ্‌ বোলী অনায় তে তা ইজ্জোদ্‌তান্ বর্‌বাদ্ গুরিলো।

২ শমূয়েল 13:14 ပူးပေါင်းရင်းမြစ်များ

২ শমূয়েল 12:11

লগেপ্রভু আরঅ কলঅ, মুই তঅ গিরিত্তুন্‌ তত্তেই দযাগান টানি আনিম। তঅ চোগো মুজুঙোত্‌ মুই তঅ মোক্কুনোরে নেযেইনে তঅ নিজো মানুচ্চুনোরে দিম্। তে বেক্কুনোর্‌ চোগো মুজুঙোত্‌ তারারে নেযেইনে ঘুম যেবঅ।

২ শমূয়েল 13:15

ইয়েনর্ পরেন্দি অম্নোনে তারে অমকদ ঈচ্ গরা ধুরিলো। আজলে তে তারে যেত্তমান কোচ্‌পেইয়্যে ইক্কিনে তাত্তুনো বেশ্‌ ঈচ্ গরা ধুরিলো। অম্নোনে তারে কলঅ, “তুই উদিনে যাগোই।”

ইষ্টের 7:8

রাজঘরর্‌ বাগানত্তুন্‌ রাজা হানা ঘরানত্‌ ফিরি এলঅ আর সেক্কেনে ইষ্টেরে যে আসনানত্‌ এলান্‌ দিইনে বোই এলঅ সিয়েন উগুরে হামনে পোজ্যে এলঅ। সেক্কে রাজা রঅ ছাড়িনে কলঅ, “এ মানুচ্চো কি মঅ মুজুঙোত্‌ রাণীর ইজ্জোদ্‌তান্ বর্‌বাদ্ গুরিবো?” রাজার মুয়োত্তুন্‌ এ কধাগান নিগিলেনার্‌ লগে লগে মানুচ্চুনে হামনর মুয়োন্‌ নাঢি দিলাক্‌।

লেবীয় 18:9

নিজোর বোন বা সাদাঙা বোনো সমারে কিয়্যেদি মিজেনা ন-চলিবো-তে বাপ্পোর্‌ ঝি ওক্‌ বা মাবোর্‌ ঝি ওক্‌, আর তারার্‌ জর্ম একই ঘরত্‌ ওক্‌ বা যুদো যুদো জাগাদই ওক্‌।

দ্বি’লম্বর বিররণ 27:22

সে মানুচ্চো অভিশাব্ খেইয়্যে, যে তার সাদাঙা বোন্নো লগে সিনেলী গরে-তে বাবর্‌ ঝি ওক্‌ বা মাবোর ঝি ওক্। সেক্কে বেক্কুনে কবাক, আমেন।

বিচের গুরিয়্যেগুন 20:5

রেদোত্‌ গিবিয়ার মানুচ্চুনে মরে তোগেবাত্তে এইনে ঘরান্‌ ঘিরিলাক্‌। তারা মরে মারে ফেলেবাত্তে চেইয়োন, মাত্তর্‌ মঅ বদলে তারা মঅ দ্বিতীয় ঘরঅ মোক্কোরে নেযেইনে জোর গুরিনে তা লগে সিনেলী গুরিলাক্‌, সেক্কে তে মুরি গেলঅ।