২ শমূয়েল 1:12 - Chakma Bible

¹² শৌল আর তা পূঅ যোনাথন আর লগেপ্রভুর সৈন্যদলর যিদুক্কুন্‌ ইস্রায়েলীয় যুদ্ধোত্‌ মুরি যেইয়োন্‌ তারাত্যে তারা সাজোন্যে সং কানিলাক আহ্‌ আবিলেচ্‌ গরা ধুরিলাক আর কিচ্ছু ন-হেলাক্।

২ শমূয়েল 1:12 ပူးပေါင်းရင်းမြစ်များ

২ শমূয়েল 3:35

বেলান্‌ থাগদে থাগদে যেনে দায়ূদে কিজু হায় সেনত্তে মানুচ্চুনে তারে কোজোলী গরা ধুরিলাক্; মাত্তর্‌ দায়ূদে শমক্‌ হেইনে কলঅ, “বেলান্‌ ডুবিবার আগেন্দি যুনি মুই পিদে বা অন্য কিজু হাং সালে গোজেনে যেনে মরে সাজা দে আর সিয়েন জদবদে গুরি দে।”

গম্ উপদেজ্ 24:17

তঅ শত্রুবো পড়ি গেলে রঙ্গফুত্তি ন-গুরিচ্; তে উজোদ্ হেলে তঅ রিবেঙানরে হুজি অবাত্তে ন-দিচ্।

যিরমিয় 9:1

হায়, মঅ মাঢাবো যুনি পানির ঝুর্‌ঝুরি অদঅ, আর মঅ চোগ্‌কো অদঅ পানির পয়নালা! সালে মঅ জাদর্ যে মানুচ্চুনোরে মারে ফেলা ওইয়্যে তারাত্তে মুই দিনে রেদে কানিদুং।‌‌‌

আমোষ 6:6

তুমি কদরা ভুরিনে আংগুর-রস খঅ আর বেগত্তুন্ গম্ তুম্বাজ্ তেল কিয়্যেত্ মাজঅ, মাত্তর্ তুমি যোষেফর্, অত্তাৎ ইস্রায়েলর ভস্ত অনাত্তে দুঘ্ ন-পেয়ো।

মথি লেখ্যে গম্ হবর্ 5:44

মাত্তর্ মুই তমারে কঙর্, তমা শত্রুগুনোরেয়ো কোচ্‌পেয়ো। যিগুনে তমারে অত্যেচার্ গরন্ তারাত্তে তবনা গোজ্য,

২ করিন্হীয় 11:29

কেঅ বল্‌‌পোজ্যে অলে মুই কি তার্ বল্‌‌পোজ্যেগানর্ ভাগি ন-অং? কারঅ কারনে কেঅ পাপত্ পড়িলে মুই কি মনত্ জ্বালা ন-পাং?

১ পিতর 3:8

শেজদি কং, তমার বেক্কুনো মনানি যেন একবাবোত্যে অয়। তুমি একজন আরেকজনর্ দুঘে দুঘ্ পঅ, ভেইয়ো ধোক্ক্যেন কোচ্‌‌পানার মনভাব রাগঅ আর দোয়্যেলু আহ্ চিদে অ।

১ শমূয়েল 31:13

সে পরেন্দি তারা তারার আড়ুন নেযেইনে সিদুগোর্‌ এক্কো ঝাউ গাজর্‌ তলে গোর্ দিলাক্ আর সাত দিন সং উবোস থেইনে কাদেলাক্।

১ শমূয়েল 31:6

এবাবোত্যেগুরি সেদিন্যে শৌল, তার তিন্নো পূঅ, তার অাত্যের্ বোইয়্যেবো আর তা সমারে মানুচ্চুনে একলগে মুরি গেলাক্।