২ পিতর 3:4 - Chakma Bible

⁴ আর কবাক্, “তার্ এযানার্ যে এগেম্ এলঅ সিয়েনর কি অলঅ? পিত্‌থিমীগান সৃট্টির সময়ত্তুন্ ধুরি যেধোক্ক্যেন চলের্ ঠিগ্ সেধোক্ক্যেন আমার পূরোণি মানুচ্চুনোর্ মরণর পরেত্তুন্ ধুরি বেক্কানি সেবাবোত্যে গুরি চলের্।”

২ পিতর 3:4 ပူးပေါင်းရင်းမြစ်များ

পত্থম 19:14

সেক্কে লোটে বারেন্দি যেইনে যিগুনে তার জামেই অবাক্‌ তারারে কলঅ, “তুমি যাদিমাদি এ জাগাগান্‌ ছাড়ি যগোই কিত্তে লগেপ্রভু এ শঅরান্‌ ভস্ত গুরিবাত্তে যুক্কোল ওই আঘে।” মাত্তর্‌ তারা মনে গুরিলাক তে বিগিদি গরের্‌।

উপদেশক 1:9

যিয়েন ওই যেইয়্যে সিয়েন আরঅ অবঅ; যিয়েন গরা ওইয়্যে সিয়েন আরঅ গরা অবঅ; বেলান তলেদি নূয়ো বিলিনে কিচ্চু নেই।

উপদেশক 8:11

অন্যেয় কামর্ সাজা যুনি যাদিমাদি দিয়্যে ন-অয় সালে মানুচ্চুনোর্ মনানি অন্যেয় গুরিবাত্তে পুরোপুরি যুক্কোল্ অয়।

যিরমিয় 17:15

চঅ, তারা মরে কন্, “লগেপ্রভুর কধানি কুদু? ইক্কিনে সিয়েন পুরোন ওক্।”

যিহিষ্কেল 11:3

তারা কদন্, ‘ঘর বানেবার সময় কি ন-নয়? এ শঅরান যেন রানেদে পিলে আর আমি ওত্ত্যে য়েরা।’

মালাখি 2:17

তুমি নিজো কধালোই লগেপ্রভুরে বল্‌‌‌‌‌পোজ্যে গোজ্য। তো তুমি কত্তে, “কেধোক্ক্যেন্‌গুরি আমি তারে বল্‌পোজ্যে গোজ্যেই‌‌‌‌‌?” তুমি এবাবোত্যেগুরি গোজ্য-তুমি কোইয়োদে, “যিগুনে অন্যেই গরন্ তারা বেক্কুনে লগেপ্রভুর চোগেদি গম্ আর তে তারা উগুরে হুজি,” বা কোইয়োদে, “কুদু সেই গোজেনে যিবে ন্যায়বিচের্ গরে?”

মথি লেখ্যে গম্ হবর্ 16:27

মান্‌জ্য পুয়োবো তা স্বর্গদূত্তুনোরে সমারে নিইনে তা বাবর্ মহিমালোই এজের্। সেক্কে তে পত্তি মান্‌জ্যরে তারার্ কাম মজিম্ ফল দিবো।

মথি লেখ্যে গম্ হবর্ 16:28

মুই তমারে ঘেচ্চেকগুরি কঙর্, ইয়োত্ এমন কয়েকজন আগন্ যিগুনো ইধু মান্‌জ্য পুয়োবোরে রাজা ইজেবে রাজাগিরি গরানা ন-দেগানা সং তারা কনমতে মুরি ন-যেবাক্।”

মথি লেখ্যে গম্ হবর্ 24:28

যিয়েনত্ মরা কিয়্যে থেবঅ সিয়েনত্ শকুনুনে এইনে এক সমারে থুবেবাক্।

মথি লেখ্যে গম্ হবর্ 24:48

মাত্তর্ যুনি সেই চাগর্‌বো পাজি, তে নিজে মনে মনে কয়, মঅ গিরোজ্‌সো ফিরি এত্তে বোউত্ দেরি অবঅ ।

মার্ক 10:6

মাত্তর্ ইয়েন্অ লেগা আঘে যে, সৃট্টির আরাম্ভত্ গোজেনে তারারে মরদ্ আর মিলে ইজেবে বানেয়্যে।

মার্ক 13:19

কিয়া সে অক্তত্ এমন্ দুঘ্ অবঅ যিয়েন গোজেনে জগদ্‌থান সৃট্টিত্তুন্ ধুরি এ সময়ান সং ন-অয় আর সে পরেদিয়ো আর ন-অবঅ।

লূকে লেখ্যে গম্ হবর্ 12:45

মাত্তর্ যুনি সেই চাগর্‌‌‌বো নিজে মনে মনে কয় যে, মঅ গিরোজ্‌‌‌সো এত্তে দেরি গরের্। সেই সুযোগত্ যুনি তে অন্য চাগরুনোরে, মিলে আর মরদরে মার্‌‌‌পিট্ গরে, আর হানা-দানা গরানার্ পরেদি মাত্তল্ অলঅ।

প্রেরিত্‌ 7:60

পরেদি তে আঢু পাড়িনে রঅ ছাড়িনে কলঅ, “প্রভু, ইগুনোর্ এ পাপ্পানি ন-ধুরিচ্।” এ কধাগান কোইনে তে মুরি গেলঅ।

১ থিষলনীকীয় 2:19

আমা প্রভু যীশু যেক্কে এবঅ সেক্কে তা মুজুঙোত্ তুমি কি আমার আজা, হুজী আর বাঈনী গুরিবার্ জিদেনার্ মালাছড়া ন-অবা?

ফগদাং পেইয়্যে 3:14

লায়দিকেয়া শঅরর্ মন্ডলী দূত্‌তো ইধু এ কধাগান লেগ- যিবে আমেন, যে বিশ্বেজি আর সত্য সাক্ষী, যিবে গোজেনর্ সৃট্টির গড়াগান, তে এ কধাগান কর্: মুই তর্ কামর কধানি কোই পারং।