২ পিতর 3:10 - Chakma Bible

¹⁰ মাত্তর্ প্রভুর দিন্নো চুরো ধোক্ক্যেন গুরি এবঅ। সেই দিন্নো দাঙর্ আগাজ্‌চান হু হু রঅ গুরিনে শেজ্ ওই যেবঅ আর চানান-বেলান্-তারাগুন বেক্কুন পুড়িনে ভস্ত ওই যেবাক্। পিত্‌থিমীগান আর সিয়েন ভিদিরে যিয়েনি আঘে সিয়েনি বেক্কানি পুড়ি যেবঅ।

২ পিতর 3:10 ပူးပေါင်းရင်းမြစ်များ

গীতসংহিতা 102:26

সিয়েনি ভস্ত ওই যেবঅ, মাত্তর্ তুই জিংকানিবর্ থেবে। কাবড় ধোক্ক্যেন সিয়েনি পূরোণ ওই যেবঅ; সিয়েনি তুই কাবড় ধোক্ক্যেন বুদুলি দিবে, আর সিয়নি ফেলেই দিয়্যে পুরিবো।

গীতসংহিতা 46:6

জাদ্‌তুনে বেক্কুনে রঅ ছাড়দন, রেজ্যগানি ভাঙি পড়ে; তে গুজুরি উদে, পিত্‌থিমীগান গুলি যায়।

গীতসংহিতা 97:5

লগেপ্রভুর মুজুঙোত্, বেক দুনিয়েগান প্রভুর মুজুঙোত্ মুড়ো-মুড়ি মুম ধোক্ক্যেন গুলি যেইয়্যে।

যিশাইয় 2:12

বেগত্তুন্ খেমতাবলা লগেপ্রভু অহংকারী আহ্ বাড়্‌বো গোজ্যে মানুচ্চুনোরে আর যিগুনে গম্ পোজিশনত্ আগন্ বেক্কুনোত্তে এক্কো দিন ঠিগ্ গোজ্যে; সেদিন্যে তারারে বেক্কুনোরে তলে ফেলা অবঅ।

যিশাইয় 24:19

পিত্‌থিমীগান কট্টা কট্টা অবঅ, পিত্‌‌‌থিমীগান ভাঙি পুরিবো, পিত্‌‌‌থিমীগান অমকদ গির্‌গিরেব।

যিশাইয় 34:4

আগাজর্ বেলান-চানান্-তারাগুন্ ভস্ত ওই যেবাক্ আর আগাজ্‌ছান বুদি থোইয়্যে কাবোজ্ ধোক্ক্যেন বুদি যেবঅ। যেবাবোত্যেগুরি আংগুর লুদি আর ডোমোর্ গাজত্তুন্ শুগুনো পাদানি পড়ি যায় সেধোক্ক্যেন্ গুরি বেক্ তারাগুন্ পড়িবাক্।

যিশাইয় 51:6

তুমি আগাজ ইন্দি রিনি চঅ আর তলেদি পিত্‌থিমীগান ইন্দি রিনি চঅ। আগাজ্‌‌‌চান ধূমো ধোক্ক্যেন অদাদত্ লুগিবো, পিত্‌‌‌‌থিমীগান কাবড় ধোক্ক্যেন পুরোণ ওই যেবঅ আর তা আদাম্মেগুনেয়ো মুরি যেবাক্। মাত্তর্ মর্ দিয়্যে উদ্ধোরান উমরত্তে থিদেবর্ অবঅ আর মর্ সততাগান উমরত্তে থেবঅ।‌

যোয়েল 1:15

হায়, কি দর্‌‌‌গরেপারা দিন! কিত্যে লগেপ্রভুর দিন কায়কুরে লুম্মেগি; ভস্তগুরিয়্যে দিন ইজেবে সেই দিন্নো বেগত্তুন্ খেমতাবলা গোজেন ইত্তুন্ এজের্।

যোয়েল 2:1

তুমি সিয়োনত্ তূরী বাজঅ, বাজঅ দযার্-সংকেত মঅ সুদ্ধো-সাংগ মুড়োবোত্। দেজত্ বজত্তি গুরিয়্যে বেক্কুনে গির্‌গিরাদোক্, কিত্যে লগেপ্রভুর্ দিন্নো এজের্; সেদিন্নো কায়কুরে লুম্মেগি।

যোয়েল 2:31

লগেপ্রভুর সেই মহৎ আর দর্‌‌গরেপারা দিনুন এবার্ আগেদি বেলান্ আন্ধার্ ওই যেবঅ আর চানান্ লো ধোক্ক্যেন অবঅ।

যোয়েল 3:14

সাজা দিবার কলগ্‌কানত্ বোউত্ মান্‌‌‌জ্য ভিড়্, বোউত্ মান্‌জ্যর ভিড়্,‌‌ কিত্যে সাজা দিবার কলগ্‌কানত্ লগেপ্রভুর দিনুন্ কায়কুরে লুম্মেগি।

আমোষ 9:13

লগেপ্রভু আর কত্তে, “সে দিনুন্ এজের্ যেক্কে এদক্ শোজ্য জোর্মেবাক্ যে, সিগুন বেক্কুন কাবিবার আগে আরঅ চাষ গুরিবার সময় এবঅ আর এদক্ আংগুর অবাক্ যে, সিগুন বেক্কুন মাড়িবার আগেদি আরঅ ফসল লাগেবার সময় এবঅ। দাঙর্ দাঙর্ মুড়োগুনোত্তুন্ বোউত্ নূয়ো আংগুর-রস পাহ্ যেবঅ আর সিগুনে বেক চিগোন্ চিগোন্ মুড়োগুনোরে যেন ধোইনে নেযেব।

আমোষ 9:5

বেগত্তুন্ খেমতাবলা প্রভু লগেপ্রভু দেজ্‌চানরে ধুরিলে গুলি যায় আর সিয়েন ভিদিরে বজত্তি গুরিয়্যে বেক্কুনে আবিলেচ্ হান। তা ধরানাগান্দোই পুরো দেজ্‌‌‌‌‌চান মিসর য়্যেল্ গাঙ ধোক্ক্যেন ফুলি উদে, সে পরেদি লামি যায়।‌‌

মীখা 1:4

মুম্ যেবাবোত্যেগুরি আগুনোত্ গুলি যায়, খামা জাগানদি যেবাবোত্যেগুরি পানি গোজ্যে যায় সেবাবোত্যেগুরি তা টেঙ তলাত্ মুড়ো-মুড়িগুন ফাদি যেবঅ, কলগ্‌কানি ফাদি যেবঅ।

নহূম 1:5

দাঙর্ দাঙর্ মুড়োগুন তা মুজুঙোত্ গির্‌‌‌‌গিরান আর চিগোন চিগোন মুড়োগুন গলি যান। তে আজিল্ অলে পিত্‌‌‌‌থিমীগান আর সিয়েন ভিদিরে বজত্তিগুরিয়্যেগুন বেক্কুনে গির্‌‌‌‌গিরান।

মালাখি 4:5

“চঅ, লগেপ্রভুর সেই মহৎ আর দর্‌গরেপারা দিন্নো এবার্ আগেদি মুই লগেপ্রভু তমা ইধু ভাববাদী এলিয়রে পাধেই দিম।

মথি লেখ্যে গম্ হবর্ 24:35

আগাজ্ আর পিত্‌থিমীগান্ শেজ্ অবঅ, মাত্তর্ মঅ কধানি উমরত্তে থেবঅ।

মার্ক 13:31

আগাজ্ আর পিত্‌থিমীগান্ শেজ্ অবঅ, মাত্তর্ মঅ কধানি উমরত্তে থেবঅ।

লূকে লেখ্যে গম্ হবর্ 12:39

“তুমি ঘেচ্চেকগুরি ইয়েন গুরি পারিদা যে, চুর্ কন্ সময় এবঅ সিয়েন্ যুনি ঘর গিরোজ্‌‌‌সো হবর্ পেদঅ সালে জাগি থেদঅ আর সেই চুর্‌‌‌বোরে তা ঘরত্ সুমিবাত্তে ন-দিদো।

রোমীয় 8:20

কিয়া সৃট্টির্ উদ্দেশ্যগান্ বিফল ওই যেইয়্যে। খালিক্, নিজোর্ আয়োজে সিয়েন ন-অয়; গোজেনে তারে বিফলতার্ আঢত্ ইরি দিয়্যে। মাত্তর্ তা সমারে সমারে এ আজাগান দিয়্যেদে যে,

১ করিন্হীয় 1:8

আমা প্রভু যীশু খ্রীষ্ট থুম্ অয় সং তমারে থির্ রাগেব, যিয়েনর কারনে তার্ এবার্ দিনোত্ তুমি নানান্ বাবোত্যে বদ্‌নাঙর্ বারেদি থেবা।

১ করিন্হীয় 5:5

সেক্কে সেই মানুচ্চোরে শদান আঢত্ দি দিয়্যে পরিবো, যেন তা কিয়্যেগান ভস্ত অয় মাত্তর্ আত্মাগান প্রভু যীশুর্ এবার্ দিনোত্ উদ্ধোর্ পায়।

২ করিন্হীয় 1:14

মুই এ আজাগান্ গরং, তুমি যেবাবোত্যে গুরি কিজু আমারে বুঝি পাজ্জ্য, সেবাবোত্যে গুরি পুরোপুরি বুঝি পারিবা যে, প্রভু যীশুর্ এবার্ দিনোত্ তুমি যেবাবোত্যে গুরি আমার্ দেমাগ বিষয় অবা সেবাবোত্যে আমিয়ো তমাত্যেই বাড়্ গুরি পারিবোং।

১ থিষলনীকীয় 5:4

মাত্তর্ ভেইলগ, তুমি দঅ আন্ধারত্ বজত্তি ন-গরর্ যে, সে দিন্নো চুরো ধোক্ক্যেন তমা উগুরে এইনে লুমিবো। তুমি দঅ বেক্কুনে পহ্‌রর্ আর দিনোর্ মানুচ্‌। আমি রেদোর্ বা আন্ধারর মানুচ্‌ নয়।

২ পিতর 3:11

বেক্কানি যেক্কে এবাবোত্যেগুরি ভস্ত অবাত্যে যার্ সেক্কে তমার কিবাবোত্যে মানুচ্‌ অনা উচিত? আওজ্ গুরিনে গোজেন দিন্নোরে বাজ্জেই থেইনে তমার পবিত্র আর গোজেন উগুরে ভোক্তিবলা জিংকানি কাদানা উচিত। সেদিন্ন্যে দাঙর্ আগাজ্‌চান পুড়ি যাদে যাদে ভস্ত ওই যেবঅ আর বেলান-চানান আর তারাগুন আগুনোত্ গলি যেবাক্।

২ পিতর 3:7

আর গোজেনর্ সেই একই কধালোই ইক্কিনে আগাজ্‌চান আর পিত্‌থিমীগান আগুনোত্ পুড়ি দিবাত্যে থুয়ো ওইয়্যে; গোজেন উগুরে ভোক্তি নেইয়্যে মানুচ্চুনোর বিচের আর ভস্তর্ দিন্নো সং সিয়েন রোক্ষ্যে গরা অর্।

যিহূদা 1:6

ইয়েনবাদে যে স্বর্গদূত্‌তুনে নিজোর্ অধিকারান রোক্ষ্যে ন-গুরিনে নিজোর্ জাগায়ানি ফেলেই যেইয়োন তারার কধানি ইদোত্ তুলো। সেই দাঙর্ দিন্নোর্ বিচেরর্ আজায় গোজেনে তারারে উমরত্যে আন্ধারত্ বানি থোয়্যে।

ফগদাং পেইয়্যে 16:15

যীশু কত্তে, “চঅ, মুই চুরো ধোক্ক্যেন এইম্। বর্‌পেইয়্যে সেই মানুচ্চো, যে জাক্ক্যে থায় আর নিজোর্ পোজাগ্‌কানি পিনি থায়, যেন তাত্তুন্ লাংদা ওইনে ঘুরো ন-পরে আর মান্‌জ্যে তার লাজানাগান ন-দেগন্।”

ফগদাং পেইয়্যে 20:11

সিয়েন পরেদি মুই এক্কান দাঙর্ ধুব্ সিংহাসন আর সিয়েন উগুরে একজনরে বৈ থাগদে দেগিলুং। তা মুজুঙোত্তুন্ পিত্‌থিমীগান আর আগাজ্‌চান ধেই গেলঅ, তারার্ জাগায়ান আর কনমিক্ক্যে ন-থেলঅ।

ফগদাং পেইয়্যে 21:1

সে পরেদি মুই এক্কান নুয়ো স্বর্গ আর এক্কান নুয়ো পিত্‌থিমী দেগিলুং। পত্তম স্বর্গগান আর পত্তম পিত্‌থিমীগান থুম্ ওই যেয়্যে আর সাগরান্‌অ আর দেগা ন-গেলঅ।

ফগদাং পেইয়্যে 3:3

ইয়েনত্যে যিয়েন তুই পেইয়োচ্ আর শুন্ন্যচ্ সিয়েন ইদোত্ তুল্ আর পালন গর্, আর এ অবস্থাত্তুন্ মনান ফিরা। যুনি তুই জাগি ন-উদোচ্ সালে মুই চুরো ধোক্ক্যেন এইম্, আর মুই কন্‌ অক্‌তদ্ তইধু এইম্ সিয়েন তুই হবর্‌অ ন-পেবে।

ফগদাং পেইয়্যে 6:14

ভাজ্ গুরি থোইয়্যে কাগোজ ধোক্ক্যেন আগাজ্‌চান ভাজ্ ওই গেলঅ; আর পত্তি মোন্‌মুড়ো আর দ্বীপ নিজোর্ নিজোর্ জাগানত্তুন্ সরি গেলাক্।