২ পিতর 1:4 - Chakma Bible

⁴ তে নিজোর মহিমায় আর গুণেদি আমা ইধু বোউত মূল্যবান আর দাঙর্ এগেম্ গোজ্জ্যে। ইয়েনর উদ্দেচ্চ্যগান অলঅ, মান্‌জ্যর ভান্ন্যেই আওজর্ কারনে জগদত্ যেদক্কানি কাজর্ জমা ওইয়্যে সিয়েনত্তুন্ তুমি রোক্ষ্যে পেইনে যেন গোজেনর্ খাচ্চ্যদর্ ভাগী অ।

২ পিতর 1:4 ပူးပေါင်းရင်းမြစ်များ

রোমীয় 9:4

তারা দঅ ইস্রায়েল জাদর্ মানুচ্‌। গোজেনে তারারে পুয়ো ইজেবে অধিকার্ দিয়্যে, নিজোর্ মহিমা দেগেয়্যে, তারাত্যে বেবস্থা থিদেবর্ গোজ্জ্যে, রীদি-সুদোম দিয়্যে, তারে সেবা আর উবোসনার্ পধ্ গুরি দিয়্যে আহ্ বোউত্ এগেম্‌অ গোজ্জ্যে।

২ করিন্হীয় 1:20

তে নিত্য “অয়”। গোজেনর্ বেক্ এগেমানি খ্রীষ্টর্ মাধ্যমে “অয়” ওই উদে। সেনত্যে গোজেনর্ বাঈনী গুরিবাত্যে খ্রীষ্টর্ মাধ্যমে আমি “আমেন” কোই।

২ করিন্হীয় 3:18

ইয়েনত্যে আমি যিগুনে খ্রীষ্ট সমারে মিজেয়্যেই, আমি বেক্কুনে খুলো মুয়োদি আনাত্ দেখ্যে ফোটু ধোক্ক্যেন গুরি প্রভুর মহিমাগান্ দেগদে দেগদে নিজেয়ো মহিমায় বাড়ি উদিনে বুদুলি যেইনে তা ধোক্ক্যেন ওই যের্। প্রভুর, অত্তাৎ পবিত্র আত্মার্ খেমতালোই ইয়েন অয়।

২ করিন্হীয় 6:17

গোজেনে আরঅ কোইয়্যেদে, “ইয়েনত্যে তুমি অবিশ্বেজিগুনো ভিদিরেত্তুন্ নিগিলি এজঅ আর ফারগ্ অ। কনঅ অসিজি জিনিস ন-ধোজ্জো, সালে মুই তমারে মানি লোম্।”

গালাতীয় 3:16

অব্রাহাম আর তার্ গুট্টিগুনো ইধু গোজেনে এগেম্ গোজ্জ্যে। পবিত্র বোইবো ন-কয়, “গুট্টিগুনো ইধু,” অত্তাৎ ভালোক্ গুট্টি ইধু, বরং কোইয়্যেদে, “তর্ গুট্টিগুনো ইধু,” অত্তাৎ এক্কো গুট্টি ইধু, আর সেই গুট্টিগুনোর্ বংশ অলঅ খ্রীষ্ট।

গালাতীয় 6:8

পাপ-খাচ্চ্যদরে হুজী গুরিবার বীজি লাগেলে সিয়েনত্তুন্ ভস্তর্ ফসল এবঅ। মাত্তর্ পবিত্র আত্মারে হুজী গুরিবার বীজি লাগেলে সিয়েনত্তুন্ উমর্‌অ জিংকানির্ ফসল এবঅ।

ইফিষীয় 4:13

ইয়েনর্ উদ্দেচ্চ্যগান অলঅ, আমি যেন বেক্কুনে গোজেন পুয়োবো উগুরে বিশ্বেজ্ গুরিনে আর তারে গমেডালে কোই পারিনে এক ওই; আর খ্রীষ্ট যেবাবোত্যে বেক্‌ গুণেদি ভরা, আমিয়ো যেন সেবাবোত্যেগুরি বেক্‌ গুণেদি ভরা ওইনে পেলেং পেলেং ওই। সেক্কে আমি আর চিগোন গুরো ধোক্ক্যেন ন-থেবং।

ইব্রীয় 12:10

আমা জগদ বাব্‌পুনে যিয়েন গম্ মনে গুরিদাক্ সেধোক্ক্যেনগুরি আমারে শাসন গোজ্জ্যন্, আর সিয়েন কয়েক্ দিনোত্যে; মাত্তর্ আমা ভালেদিত্যে গোজেনে আমারে শাসন গরে যেন আমি তার্ পবিত্রতাগান পেই।

ইব্রীয় 9:15

গোজেনে যিগুনোরে ডাগিনে উমরত্যে অধিকার দিবার্ এগেম্ গোজ্জ্যে তারা যেন সিয়েন পান্ সেনত্যে খ্রীষ্ট এক্কান নূয়ো বেবস্থাগানর্ উগিল্ ওইয়্যে। এই অধিকারান পানা মান্‌জ্যত্যে সম্ভব ওইয়্যে, কিয়া পত্তম বেবস্থা অদেঅদে থেবার সময়োত্ মান্‌জ্যে যেদক্কানি পাপ গোজ্জ্যন সেই বেক্ পাপর্ আঢত্তুন্ মান্‌জ্যরে উদ্ধোর্ গুরিবার দাম ইজেবে খ্রীষ্ট পরাণান্ দিয়্যে।

যাকোব 1:27

রানী মিলে আর বাপ্-মা নেইয়্যেগুনোর্ দুঘোত্ তারার্ দেগাশুনো গরানা আর জগদর্ বেক্‌ কাজরানিত্তুন্ নিজোরে সাব্ রাগানা অলঅ বাবা গোজেনর্ চোগেদি খাটি আর সত্য ধর্ম।

২ পিতর 1:1

মুই শিমোন-পিতর যীশু খ্রীষ্টর্ এক্কো চাগর্ আর দূত। আমার গোজেন আর উদ্ধোর গুরিয়্যে যীশু খ্রীষ্ট ন্যায়বলা, আর সেনত্যে তুমিয়ো আমা ধোক্ক্যেন এক্কুই যদবদে বিশ্বেজ্ গোজ্জ্য। ইয়েনত্যে মুই তমা ইধু এ চিধিগান লেগঙর্।

২ পিতর 3:13

মাত্তর্ আমি গোজেনর্ এগেম্ মজিম নুয়ো আগাজ্ আর নুয়ো পিত্‌থিমীগানত্যে বাজ্জ্যেই আঘি। সিয়েনত্ বেক্কানি গোজেনর্ আওজ্ মজিম অবঅ।

২ পিতর 3:9

কনঅ কনঅ মান্‌জ্যে মনে গরন্ প্রভু তার্ এগেমান্ পূরোণ গত্তে দেরি গরের্, মাত্তর্ সিয়েন নয়। আজলে তে তমা উগুরে ধৈজ্জ্য ধরের্, কিয়া কেঅ যে ভস্ত ওই যায় তে সিয়েন ন-চায়, বরং বেক্কুনে যেন পাপত্তুন্ মনানি ফিরান ইয়েনই তে চায়।

১ যোহন 2:25

ইয়েনই অলঅ উমর্‌‍অ জিংকানি, যিয়েন খ্রীষ্ট আমারে দিবার এগেম্ গোজ্জ্যে।

১ যোহন 3:2

পরাণর্ পুয়ো-ছাগুন, ইক্কিনে আমি গোজেনর্ পুয়ো, মাত্তর্ যেরেদি কি অবং সিয়েন এজঅ ফগদাং ন-অয়। মাত্তর্ আমি কোই পারিই, খ্রীষ্ট যেক্কে ফগদাং অবঅ সেক্কে আমি তা ধোক্ক্যেন অবং, কিয়া তে আজলে যেধোক্ক্যেন, সেই চেঙেরালোই আমি তারে দেগিবোং।