২ রাজাবলী 9:7 - Chakma Bible

⁷ তর্‌ গিরোজ্‌ আহাবর বংশবোরে তুই ভস্ত গুরিবে। ঈষেবলে মঅ চাগরুনোরে, অত্তাৎ ভাববাদীগুনোরে আর লগেপ্রভুর অন্য বেক্‌ চাগরুনোরে যে লো ঝোরেয়্যে সিয়েনর হেনাবো মুই সুজিম্‌।

২ রাজাবলী 9:7 ပူးပေါင်းရင်းမြစ်များ

১ রাজাবলী 18:4

ইষেবলে যেক্কে লগেপ্রভুর ভাববাদীগুনোরে মারে ফেলেল সেক্কে ওবদিয় একশজন ভাববাদীরে লোইনে পঞ্চাশজন পঞ্চাশজন গুরিনে দ্বিবে গাদত্‌ লুগেই রাগেল। তে তারার্‌ হানা আর পানি যুগেই দিদো।

১ রাজাবলী 21:15

নাবোতরে পাত্তর্‌ মেলাহ্ মারিনে মারে ফেলা ওইয়্যে শুনিনে ঈষেবল আহাবরে কলঅ, “যাহ্, যিষ্রিয়েলীয় নাবোতে যে আংগুর ক্ষেদ্‌তান্‌ তইদু বিজিবাত্তে নঅ-চায় সিয়েন গজক্ গুরি নেযা। তে মুরি যেইয়্যে।”

১ রাজাবলী 21:21

সেনত্তে লগেপ্রভু কত্তে, ‘মুই তঅ উগুরে দযাগান ডাগি আনিম্‌। তরে মুই এক্কুবারে ভস্ত গুরিম্‌। চাগর্‌ ওক্‌ বা গিরোজ্‌ ওক্‌ তঅ বংশর্‌ পত্তি মরদরে মুই শেজ্‌ গুরি দিম্‌।

১ রাজাবলী 21:25

মোক্কোর্‌ ভেজে দেনালোই লগেপ্রভুর চোগোত্‌ যিয়েনি ভান্ন্যেই আহাবে সিয়েনি গুরিবাত্তে নিজোরে বিজি দিয়্যে। তা ধোক্ক্যেন্ আর কনজনে এবাবোত্যে কাম্‌ ন-গরন্‌।

২ রাজাবলী 10:10

তুমি জানি লঅ, আহাবর বংশর বিরুদ্ধে লগেপ্রভুর কোইয়্যে এক্কান্‌ কধায়ো মিজে ন-অবঅ। লগেপ্রভু তার্‌ চাগর্‌ এলিয়োর মাধ্যমে যিয়েনি গুরিবার কধা কোইয়্যে সিয়েনি গোজ্যে।”

২ রাজাবলী 10:11

পরেন্দি যেহূ যিষ্রিয়েলত্‌ আহাবর বংশর বাদ‌্‌বাগি মানুচ্চুনোরে, তার্‌ বেক্‌ মুরুব্বীগুনোরে, তার আজল সমাজ্যেগুনোরে আর তার ধর্মগুরুগুনোরে মারে ফেলেল। তারাত্তুন্‌ আর কনজনে বাঁজি ন-রলাক্‌।

২ বংশধর 22:7

ইয়েনর্‌ মাধ্যমে গোজেনে অহসিয়র পতন ঘোদেল। অহসিয় সিদু লুমিনে যোরাম লগে নিম্‌শির পুয়ো যেহূর বিরুদ্ধে যুদ্ধো গুরিবাত্তে গেলঅ। এ যেহূরে লগেপ্রভু আহাবর বংশবোরে ভস্ত গুরিবাত্তে অভিষেগ্ গোজ্যে।

যিরমিয় 26:5

ইয়েনি বাদেয়ো মুই বার্ বার্ মর্ যে চাগরুনোরে, অত্তাৎ ভাববাদীগুনোরে তমা ইধু পাদেয়োং তারা কধায়ো ন-শুনো।

মথি লেখ্যে গম্ হবর্ 23:35

সেনত্তে নিদ্দুজি হেবল খুনোত্তুন্ ধুরি আরাম্ভ গুরিনে তুমি যে বরখিয়র্ পুয়ো সখরিয়রে পবিত্র জাগা আর পূজোবো সংমোধ্যে খুন্ গোজ্য, সেই সখরিয়র খুন্ সং পিত্‌থিমীত্ যিদুক্কুন্ নিদ্দুজি মানুচ্ খুন্ ওইয়োন্ তুমি সেই বেক্ লো-গানির্ দায়ী অবা।

রোমীয় 12:19

কোচ্‌পেইয়্যে ভেইয়ুন, তুমি নিজে হেনা ন-শুজিবা, বরং গোজেনরে সাজা দিবাত্তে দুয়ো। পবিত্র বোইবোত্ প্রভু কয়, “অন্যেয়র্ সাজা দিবার্ অধিকার বানা মত্তুনই আঘে; যার্ যিয়েন পাওনা মুই তারে সিয়েনই দিম্।”

রোমীয় 13:4

তমা ভালেদিত্যে তে গোজেনর্ সেবাগুরিয়্যে ইজেবে কাম্ গরে। তুমি যুনি অন্যেয় গরঅ সালে দোরেয়ো, কিয়া অন্যেয় গুরিয়্যেগুনোরে সাজা দিবার্ অধিকার্ তার্ আঘে। তে দঅ গোজেনর্ সেবাগুরিয়্যে; যিগুনে অন্যেয় কাম্ গরন্ তারারে তে গোজেনর্ ওইনে সাজা দে।

দ্বি’লম্বর বিররণ 32:35

অন্যেয়র সাজা দিবার অধিকার মর্; যার যিয়েন পাওনা মুই তারে সিয়েনই দিম্‌। অক্ত অলেই শত্রুগুনোর টেঙানি বিঝিদি যেবঅ; তারার ভস্তর্ দিনুন্‌ তারা ইদু এই যেইয়্যে। তারাত্তে যিয়েনি ঠিগ্ গুরি রাগা ওইয়্যে, সিয়েনি যাদিগুরি তারা উগুরে এই যেবঅ।”

দ্বি’লম্বর বিররণ 32:43

ও বেক জাদর্‌ মানুচ্চুন, তুমি লগেপ্রভুর মানুচ্চুনো সমারে তার বাঈনী গরঅ, কিত্যে তে তার চাগরুনোর লো-গানর্ হেনা শুজিবো, তার শত্রুগুনোরে সাজা দিবো আর তার দেজ্‌চান আহ তা মানুচ্চুনোর পাপ ঢাগিবার বেবস্থা গুরিবো।

ইব্রীয় 10:30

আমি তারে কোই পারিই যিবে কোইয়্যে, “অন্যেয়র্ সাজা দিবার্ অধিকার বানা মত্তুনই আঘে; যার্ যিয়েন পাওনা মুই তারে সিয়েনই দিম্।” তে আরঅ এক জাগাত্ কোইয়্যে, “প্রভুই তার্ মানুচ্চুনো উগুরে ন্যায়বিচের্ গুরিবো।”

ফগদাং পেইয়্যে 18:20

সেক্কে সেই স্বর্গদূত্‌‌তো কলঅ, “ও স্বর্গগান, সেই শঅরানর্ ভস্ত অনাত্যে হুজি অ। গোজেনর্ মানুচ্চুন, দ্বিপাদেয়্যেগুন আর ভাববাদীগুন, হুজী অ। তমা বিরুদ্ধে তে যাহ্ গোজ্জ্যে সিয়েনত্যে গোজেনে তা বিচেরান গোজ্জ্যে।”

ফগদাং পেইয়্যে 19:2

কিয়া তার্ বিচেরান সত্য আর ন্যায্য। যে তার্ পর্‌পাগোল্যেলোই গোদা পিত্‌থিমীগানরে অসিজি গোজ্জ্যে সেই দাঙর্ বেশ্যেবোরে গোজেনে সাজা দিয়্যে আর তা চাগরুনোর্ লোর্ হেনা সুজোনাগান তে তা উগুরে নেযেয়্যে।”

ফগদাং পেইয়্যে 2:20

তো তঅ বিরুদ্ধে মর্ এ কধাগান কবার্ আঘেদে, তুই ইষেবল নাঙে সেই মিলেবোর্ অন্যেয় সোজ্জ্য গরর্। এই ইষেবলে নিজোরে ভাববাদী কয়। তা শিক্ষ্যেলোই তে মর্ চাগরুনোরে ভুলোয় যেন তারা বেগেয়্যে গরন্ আর মূত্তি ইধু উৎসর্ব গোজ্জ্যে হানা হান্।