২ রাজাবলী 9:34 - Chakma Bible

³⁴ সে পরেন্দি যেহূ ভিদিরে যেইনে হানা-দানা গুরিলো। পরেন্দি তে কলঅ, “তুমি সে অভিশাব হেইয়্যে মিলেবোরে গারেবার্‌ বেবস্থা গরঅ, কিত্তে তে এক্কো রাজার্‌ ঝি এলঅ।”

২ রাজাবলী 9:34 ပူးပေါင်းရင်းမြစ်များ

১ রাজাবলী 16:31

নবাটর পূঅবো যারবিয়ামে যেদক্কানি পাপ গোজ্যে সিয়েনিরে তে সামান্য বেপার্‌ বিলিনে মনে গুরিদো। বানা সিয়েনি নয়, তে সীদোনীয়গুনোর রাজা ইৎবালর ঝি ঈষেবলরে লল আর বাল দেবেদার সেবা আর পূজো গরা ধুরিলো।

১ রাজাবলী 18:41

সে পরেন্দি এলিয় আহাবরে কলঅ, “তুই যেইনে হানা-দানা গর্‌, কিত্তেই অমকদ ঝড়র্‌ রঅ শুনো যার্‌।”

১ রাজাবলী 21:25

মোক্কোর্‌ ভেজে দেনালোই লগেপ্রভুর চোগোত্‌ যিয়েনি ভান্ন্যেই আহাবে সিয়েনি গুরিবাত্তে নিজোরে বিজি দিয়্যে। তা ধোক্ক্যেন্ আর কনজনে এবাবোত্যে কাম্‌ ন-গরন্‌।

২ রাজাবলী 9:33

যেহূ কলঅ, “তারে তলেন্দি ফেলেই দুয়ো।” সেক্কে তারা ঈষেবলরে তলেন্দি ফেলেই দিলাক্‌ আর যেহূর রথ্‌তান ঘোড়াগুনে তারে টেঙন্দি উরিলাক্‌। সেক্কে তা লো-গান্‌ ছিদি পুরিনে দেবালত্‌ আর ঘোড়াগুনো ইদু বাঁজিলো।

২ রাজাবলী 9:35

মাত্তর্‌ মানুচ্চুনে যেক্কে তারে গোর্ দিবাত্তে বারেন্দি গেলাক্‌ সেক্কে তা মাধাবোর কুলোচারাবো, আঢ্ আর টেঙানি বাদে আর কিচ্ছু নঅ-পেলাক্‌।

ইষ্টের 3:15

রাজার উগুম্‌ পেইনে হবর্‌-বোইয়্যেগুনে যাদিমাদি নিগিলি গেলাক্‌ আর শূশনর্ তাম্বুলত্‌অ সেই উগুমান্‌ জানেই দিয়্যে অলঅ। সে পরেন্দি রাজা আর হামনে আংগুর-রস হেবাত্তে বজিলাক্‌ আর ইন্দি শূশন শঅর ভিদিরে কিজিক্-কাজাগ্ পড়ি গেলঅ।

গম্ উপদেজ্ 10:7

গোজেন ভক্তগুনোর্ স্মৃতিগানিয়ে আশিদ্‌বাদ আনে, মাত্তর্ পাজিগুনোর নাঙানি পুযি যায়।

যিশাইয় 65:15

মর্ বেঈ লোইয়্যে মানুচ্চুনে কাররে নিন্দে গুরিবাত্তে তমা নাঙানি বেবহার গুরিবাক্। প্রভু লগেপ্রভু তমারে মারে ফেলেব, মাত্তর্ তা চাগরুনোরে তে আর এক্কান নাঙ্ দিবো।

আমোষ 6:4

তুমি এ্যদো দাদর্ কাম গোজ্যে খাদত্ ঘুম যঅ আর তমা বিচ্ছোনত্ আল্‌‌সি গুরিনে কিয়্যেগান টানঅ। তমা পালত্তুন্ তুমি বেঈ লোইয়্যে ভেড়া ছঅ আর গোরু ছর্ য়েরা খঅ।

মথি লেখ্যে গম্ হবর্ 25:41

পরেদি তে তার্ বাঙেদি মানুচ্চুনোরে কবঅ, ও অভিশাব্ পেইয়্যে মানুচ্চুন্, মত্তুন্ তুমি দূর্ অ। শদান্ আর তা দূত্‌তুনোত্তে যে উমর কালর্ আগুন যুক্কোল্ গরা ওইয়্যে সিয়েন ভিদিরে যঅ।