২ রাজাবলী 9:3 - Chakma Bible

³ সে পরেন্দি সে শিজিরিবোত্তুন্‌ তা মাধাবোত্‌ তেল্‌ ঢালিনে কবেদে, লগেপ্রভু কোইয়্যেদে, ‘ইস্রায়েলর রাজা ইজেবে মুই তরে অভিষেগ্ গুরিলুঙ।’ সে পরেন্দি দোরান্‌ খুলিনে ধাবা দিবে, দেরি ন-গুরিবে।”

২ রাজাবলী 9:3 ပူးပေါင်းရင်းမြစ်များ

১ রাজাবলী 1:34

ধর্মগুরু সাদোক আর ভাববাদী নাথন সিদু তারে ইস্রায়েলর রাজা ইজেবে অভিষেগ্ গরঅ। সে পরেন্দি তুমি ঢুল বাজেইনে রঅ ছাড়িনে কঅ, ‘রাজা শলোমন জিংকানিবর্‌ বাঁজোক্‌।’

১ রাজাবলী 19:16

ইয়েনবাদেয়ো নিম্‌শির নাদিন্‌ যেহূরে ইস্রায়েলর রাজার পদথ্‌ অভিষেগ্ গর্‌, আর তঅ পথ্‌তানত্‌ ভাববাদী অবাত্তে আবেল-মহোলার শাফটের পূঅ ইলীশায়রে অভিষেগ্ গর্‌।

২ রাজাবলী 8:13

সেক্কে হসায়েলে কলঅ, “বানা এক্কো কুগুরো ধোক্কেন্‌ তর্‌ এ চাগর্‌বো কেধোক্কেন্‌ গুরি এ সাহসর্‌ কামান্‌ গুরিবো?” ইলীশায় কলঅ, “তুই যে অরামর রাজা অবে সিয়েন্‌ লগেপ্রভু মরে দেগেই দিয়্যে।”

২ রাজাবলী 9:6

সেক্কে যেহূ উদিনে ঘরঅ ভিদিরে গেলঅ। সেক্কে সে ভাববাদীবো যেহূর মাধাবোত্‌ সে তেলান্‌ ঢালিনে কলঅ, “ইস্রায়েলর গোজেন লগেপ্রভু এ কধাগান কোইয়্যেদে, ‘লগেপ্রভুর মানুচ্চুনো উগুরে, অত্তাৎ ইস্রায়েলর উগুরে রাজা ইজেবে মুই তরে অভিষেগ্ গুরিলুঙ্‌।

২ বংশধর 22:7

ইয়েনর্‌ মাধ্যমে গোজেনে অহসিয়র পতন ঘোদেল। অহসিয় সিদু লুমিনে যোরাম লগে নিম্‌শির পুয়ো যেহূর বিরুদ্ধে যুদ্ধো গুরিবাত্তে গেলঅ। এ যেহূরে লগেপ্রভু আহাবর বংশবোরে ভস্ত গুরিবাত্তে অভিষেগ্ গোজ্যে।

যাত্রা 29:7

ইয়েনর্ পরেদি অভিষেকর্‌ তেলান্ তা মাদাবোত্‌ ঢালি দিইনে তারে অভিষেক্‌ গুরিবে।

দানিয়েল 2:1

নবূখদ্‌নিৎসরর্ রাজাগিরির্ দ্বিবজরত্ তে স্ববন দেগিলো; সেক্কে তা মনান্ থিদেনেইয়্যে অলঅ, তে ঘুম যেই ন-পারিলো।

দানিয়েল 4:35

পিত্‌‌‌‌থিমীর বেক্ মানুচ্চুন তাইদু কিচ্চু নয়। তে স্বর্গদূত্তুনোরে আর পিত্‌‌‌‌থিমীর মানুচ্চুনোরে নিইনে তা আওজ্ মজিম কাম গরে। এমন কনজন নেই যে, তার আঢ্‌‌‌‌তানি থামেই দি পারে বা তারে কোই পারে, ‘তুই কি গরর্?’ ”

দানিয়েল 5:18

ও মহারাজ, দাঙর্ গোজেনে তঅ আজু নবূখদ্‌‌‌নিৎসররে রেজ্য, খেমতা, বাঈনীপানা আর সয়-সাগোজ্যে দিয়্যে।

লেবীয় 8:12

পরেদি তে অভিষেগ-তেলান কিজু লোইনে হারোণর্‌ মাদা উগুরে ঢালি দিইনে তারে লগেপ্রভুর্ নাঙে ফারক গুরিবাত্তে অভিষেগ গুরিলো।

মথি লেখ্যে গম্ হবর্ 10:16

চঅ, মুই হোক্ক্যে বাঘ ইধু ভেড়া ধোক্ক্যেন্ তমারে পাদাঙর্। ইয়েনত্তে সাপ ধোক্ক্যেন্ উজিয়ার্ আর কোদোর ধোক্ক্যেন্ সরল অ।

মথি লেখ্যে গম্ হবর্ 2:13

পন্ডিত্‌তুনে যানার্ পরেদি প্রভুর এক্কো দূতে স্ববনত্ যোষেফরে দেগা দিইনে কলঅ, “উদ্, পুয়োবো আর তা মাবোরে লোইনে মিসর দেজত্ ধেই যাহ্ আর মুই যেদকদিন সং ন-কং সেদকদিন সং সিধু থেচ্, কিয়া পুয়োবোরে মারে ফেলেবাত্তে হেরোদে তারে তোগেব।”

মথি লেখ্যে গম্ হবর্ 26:7

সেই মিলেবো এক্কো ধুব্ পাত্তর পিলেত্ গুরিনে অমকদ মংগা আতর্ আনিলো। যীশু যেক্কে হেবাত্তে বুজিলো সেক্কে তে তা মাঢাবোত্ সেই তুম্বাজ্ তেলান্ ঢালি দিলো।

১ শমূয়েল 10:1

সে পরেন্দি শমূয়েলে এক্কো তেলর শিঝিরি নেযেইনে শৌলর মাদাবো উগুরে তেল ঢালি দিলো। তে তারে গালত্‌ চুমিনে কলঅ, লগেপ্রভু তা মানুচ্চুনো উগুরে তরে নেতা ইজেবে অভিষেগ্ গুরিলো।

১ শমূয়েল 15:1

শমূয়েল শৌলরে কলঅ, “লগেপ্রভু তা মানুচ্‌ ইস্রায়েলীয়গুনো উগুরে তরে রাজা ইজেবে অভিষেগ্ গুরিবাত্তে মরে পাদেয়্যে। ইক্কিনে তুই লগেপ্রভুর কধানি শুনিচ্‌।

১ শমূয়েল 15:17

শমূয়েলে কলঅ, “একদিন তুই নিজোর্ চোগেন্দি চিগোন্‌ এলে, মাত্তর্‌ তো কি তুই ইস্রায়েলীয়গুনোর বেক্‌ গুট্টিগুনোর চেলা ন-অচ্‌? লগেপ্রভুই তরে ইস্রায়েল দেজ উগুরে রাজা ইজেবে অভিষেগ্ গোজ্যে।

১ শমূয়েল 16:2

শমূয়েলে কলদে, “মুই কেধোক্ক্যেনগুরি যেম্‌? শৌল এই কধাগান শুনিলে দঅ মরে মারে ফেলেব।” লগেপ্রভু কলদে, “তুই এক্কো গোরু ছঅ তঅ সমারে নেযেবে আর কবেদে, তুই লগেপ্রভুর নাঙে উৎসর্ব গুরিবাত্তে এচ্ছোস।

১ শমূয়েল 9:16

“এযেত্যেকেল্যে এই সময়োত্‌ মুই বিন্যামীন-গুট্টির বামত্‌ এক্কো মান্‌জ্যরে তইদু পাদেম্‌। মর্‌ মানুচ্চুনোর, অত্তাৎ ইস্রায়েলীয়গুনোর নেতা অবাত্তে তুই তারে অভিষেগ্ গুরিবে। পলেষ্টীয়গুনোর আঢত্তুন্‌ তেয়ই মর্‌ মানুচ্চুনোরে উদ্ধোর গুরিবো। মর্‌ মানুচ্চুনোর ইন্দি মুই মনযোগ দুয়োং, কিত্যে তারার কানানিগানি মর্‌ কানত্‌ এইনে লুম্মেগি।”