২ রাজাবলী 9:26 - Chakma Bible

²⁶ ‘মুই লগেপ্রভু কঙর্‌, গেল্যেকেল্যা মুই নাবোত আর তা পুয়োগুনোর্‌ লো-গানি দেখ্যং, আর এ ভূইয়ান উগুরে তত্তুন্‌ হামাক্কাই মুই সিয়েনির হেনা সুজিম্‌।’ সালে তুই ইক্কিনে লগেপ্রভুর কধা মজিম তারে তুলি নেযেইনে সে ভূইয়ানত্‌ ফেলেই দে।”

২ রাজাবলী 9:26 ပူးပေါင်းရင်းမြစ်များ

১ রাজাবলী 21:13

সে পরেন্দি দ্বিজন বজং মানুচ্‌ এইনে নাবোতর্‌ মুজুঙোত্‌ বজিনে মানুচ্চুনোর্‌ ইদু তা বিরুদ্ধে এ সাক্ষীগান্‌ দিলাক্‌, তে গোজেন্‌ আর রাজার বিরুদ্ধে অগমানর্‌ কধা কোইয়্যে। সে পরেন্দি মানুচ্চুনে তারে শঅরর্‌ বারেন্দি নেযেইনে পাত্তর্‌ মেলাহ্ মারিনে মারে ফেলেলাক্‌।

১ রাজাবলী 21:19

তুই তারে কঅ, লগেপ্রভু কত্তে, ‘তুই কি ইক্কো মান্‌জ্যরে মারে ফেলেইনে তা সোম্বোত্তিগানি গজক্ ন-গরচ্‌?’ সে পরেন্দি তারে কঅ, লগেপ্রভু কত্তে, ‘কুগুরুনে যিয়েনত্‌ নাবোতর্‌ লোগান লেইলেই হেইয়োন্‌ সিয়েনত্‌ তারা তঅ লোগান, অয় তর্‌ লোগান লেইলেই হেবাক্‌।’”

২ রাজাবলী 9:21

সেক্কে যোরামে উগুম দিলো, “মর্‌ রথ্‌তানত্‌ ঘোড়াগুন্‌ চোরেই দে।” ঘোড়াগুন্‌ লাগা অলে পরেন্দি ইস্রায়েলর রাজা যোরাম আর যিহূদার রাজা অহসিয় নিজোর নিজোর্‌ রথ্‌তোই চড়িনে যেহূর লগে দেগা গুরিবাত্তে নিগিলিলাক্‌। যিষ্রিয়েলীয় নাবোতর ভূইয়োত্‌ যেহূর লগে তারার্‌ দেগা অলঅ।

২ রাজাবলী 9:25

সেক্কে যেহূ তা লগে সেনাপতি বিদ্‌করকরে কলঅ, “তারে তুলি নেযেইনে যিষ্রিয়েলীয় নাবোতর ভূইয়ানত্‌ ফেলেই দে। মনত্‌ তুলি চাহ্, মুই আর তুই তা বাপ্পো আহাবর পিজেন্দি রথ্‌তানত্‌ গুরিনে যেক্কে যেইর্‌ সেক্কে লগেপ্রভু আহাবর বিরুদ্ধে এ কধাগান কোইয়্যে,

২ বংশধর 24:25

আহত অবস্থায় যোয়াশরে ফেলেই রাগেইনে অরামীয়গুনে গেলাক্‌। ধর্মগুরু যিহোয়াদার পুয়োবোরে মারে ফেলানার্‌ কারনে যোয়াশর কামগুরিয়্যেগুনে তা বিরুদ্ধে কুজুরোমি গুরিনে বিচ্ছোন উগুরে তারে মারে ফেলেলাক্‌। তে মুরি যানার্‌ পরেন্দি তারে দায়ূদ-শঅরত্‌ গোর্ দিয়্যে অলঅ, মাত্তর্‌ রাজাগুনোর্‌ গোরত্‌ তারে গোর্ দিয়্যে ন-অলঅ।

২ বংশধর 25:4

মাত্তর্‌ তে তারার্‌ ঝি-পুয়োগুনোরে মারে ন-ফেলেল বরং মোশির বোইবোত্‌ যে রীদি-সুদোমানি লেগা এলঅ সে মোজিম্‌ কাম্‌ গুরিলো। সে বোইবোত্‌ লগেপ্রভুর এ উগুমান্‌ লেগা এলঅ, “ঝি-পুয়োগুনোর পাপত্তে বাবত্তুন্‌ বা বাপ্পোর পাপত্তে ঝি-পুয়োগুনোরে মারে ফেলানা ন-চলিবো, মাত্তর্‌ বেক্কুনোত্তুন্‌ তার্‌ নিজোর্‌ পাপত্তে মরা পুরিবো।”

গীতসংহিতা 9:13

ও লগেপ্রভু, মঅ উগুরে দোয়্যে গর্; চাহ্, মঅ শত্রুগুনে কিবাবোত্যে গুরিনে মরে অত্যেচার গত্তন্। মরণর্ দোরোত্তুন্ তুই মরে তুলি আন্,

যাত্রা 20:5

তুমি তারারে পূজোয়ো ন-গুরিবা, তারারে সেবায়ো ন-গুরিবা, কিত্তে বানা মুয়ই লগেপ্রভু তমার্‌ গোজেন। মর্‌ পাওনা ভোক্তিগান মুই চাং। যিগুনে মরে ঘিনেন্‌ তারার্‌ পাবর্‌ সাজা-মুই তারারে তিনোত্তুন্‌ ধুরি চের্‌ পুরুষ সং দুয়োং।

যিহিষ্কেল 18:19

তো তুমি কত্তে, বাবর্ দুজোত্তে কিত্তে পুয়োবো সাজা ন-পেবঅ? সেই পুয়োবো দঅ ন্যায় আর ঠিগ্ কাম গোজ্যে আর মর্ বেক সুদোমানি যত্তন্ গুরি পালেয়্যে, সেনত্তে তে হামাক্কায় বাঁজিবো।

হবক্‌‌‌‌কূক 2:10

তুই ভালোক্ জাদরে ভস্ত গুরিনে নিজো পরিবার উগুরে লাজানাগান আন্যস্ আর বাঁজিবার অধিকারান্ আরেই ফেলেয়োচ্।

দ্বি’লম্বর বিররণ 24:16

ঝি-পূঅগুনোর পাপর কারণে বাপ্পোত্তুন বা বাপ্পোর্‌ পাবত্তে ঝি-পূঅগুনোরে মারে ফেলেই ন-পারিবো। বেক্কুনোত্তুন্‌ তার নিজোর পাবত্তে মরা পুরিবো।

দ্বি’লম্বর বিররণ 5:9

তুমি তারারে পূজোয়ো ন-গুরিবা, তারারে সেবায়ো ন-গুরিবা, কিত্যে বানা মুয়ই লগেপ্রভু তমার গোজেন। মর্‌ পেবার্‌ ভোক্তিগান মুই চাং। যিগুনে মরে ঘিনান্‌ তারার্‌ পাপর্‌ সাজা মুই তারার্‌ তিন আর চের্‌ বংশ সং দি থাং।