২ রাজাবলী 9:25 - Chakma Bible

²⁵ সেক্কে যেহূ তা লগে সেনাপতি বিদ্‌করকরে কলঅ, “তারে তুলি নেযেইনে যিষ্রিয়েলীয় নাবোতর ভূইয়ানত্‌ ফেলেই দে। মনত্‌ তুলি চাহ্, মুই আর তুই তা বাপ্পো আহাবর পিজেন্দি রথ্‌তানত্‌ গুরিনে যেক্কে যেইর্‌ সেক্কে লগেপ্রভু আহাবর বিরুদ্ধে এ কধাগান কোইয়্যে,

২ রাজাবলী 9:25 ပူးပေါင်းရင်းမြစ်များ

১ রাজাবলী 19:17

হসায়েলর অসিগান্‌ যিগুনে বাদ দিইনে যেবাক্‌ যেহূ তারারে মারে ফেলেব আর যেহূর ছুড়িগানরে যিগুনে বাদ দিইনে যেবাক্‌ ইলীশায় তারারে মারে ফেলেব।

১ রাজাবলী 21:1

ইয়েনর্‌ পরেন্দি যিষ্রিয়েলীয় নাবোতর আংগুর ক্ষেততান্‌দোই এক্কান্‌ ঘটনা ঘুদি গেলঅ। এ আংগুর খেততান্‌ এলদে যিষ্রিয়েলত্‌ শমরিয়ার রাজা আহাবর রাজঘরর্‌ কায়।

১ রাজাবলী 21:19

তুই তারে কঅ, লগেপ্রভু কত্তে, ‘তুই কি ইক্কো মান্‌জ্যরে মারে ফেলেইনে তা সোম্বোত্তিগানি গজক্ ন-গরচ্‌?’ সে পরেন্দি তারে কঅ, লগেপ্রভু কত্তে, ‘কুগুরুনে যিয়েনত্‌ নাবোতর্‌ লোগান লেইলেই হেইয়োন্‌ সিয়েনত্‌ তারা তঅ লোগান, অয় তর্‌ লোগান লেইলেই হেবাক্‌।’”

২ রাজাবলী 15:12

লগেপ্রভু যেহূরে যিয়েনি কোইয়্যে, “তঅ বংশত্তুন চের্‌ আজু সং ইস্রায়েলর সিংহাসনত্‌ বুজিবাক্‌,” সিয়েন্‌ পূরোণ অলঅ।

২ রাজাবলী 9:26

‘মুই লগেপ্রভু কঙর্‌, গেল্যেকেল্যা মুই নাবোত আর তা পুয়োগুনোর্‌ লো-গানি দেখ্যং, আর এ ভূইয়ান উগুরে তত্তুন্‌ হামাক্কাই মুই সিয়েনির হেনা সুজিম্‌।’ সালে তুই ইক্কিনে লগেপ্রভুর কধা মজিম তারে তুলি নেযেইনে সে ভূইয়ানত্‌ ফেলেই দে।”

যিশাইয় 13:1

আমোস পুয়ো যিশাইয় বাবিল পৌইদ্যেনে দর্শন পেইয়্যে।

যিহিষ্কেল 12:10

তুই তারারে কঅ, প্রভু লগেপ্রভু কোইয়্যেদে, এই চিহ্নোগান যিরূশালেমর শাজন্‌গুরিয়্যে আর সিদুগোর্ ইস্রায়েলীয়গুনোত্তে।

নহূম 1:1

নীনবী পৌইদ্যেনে লগেপ্রভুর কধা। ইল্‌কোশ আদামর নহূমে যে দর্শনান্ পেইয়্যে সিয়েন ইয়েনত্ লেগা আঘে।

মালাখি 1:1

মালাখিরে দিইনে ইস্রায়েল ইধু লগেপ্রভুর কধানি।

মথি লেখ্যে গম্ হবর্ 11:30

ইয়োত্ তুমি মনত্ জিরেন্ পেবা, কিয়া মঅ জুঙোলান্ বুয়োই নেযানা সোজা আর মঅ ভারান্ পাদল্।”