২ রাজাবলী 9:21 - Chakma Bible

²¹ সেক্কে যোরামে উগুম দিলো, “মর্‌ রথ্‌তানত্‌ ঘোড়াগুন্‌ চোরেই দে।” ঘোড়াগুন্‌ লাগা অলে পরেন্দি ইস্রায়েলর রাজা যোরাম আর যিহূদার রাজা অহসিয় নিজোর নিজোর্‌ রথ্‌তোই চড়িনে যেহূর লগে দেগা গুরিবাত্তে নিগিলিলাক্‌। যিষ্রিয়েলীয় নাবোতর ভূইয়োত্‌ যেহূর লগে তারার্‌ দেগা অলঅ।

২ রাজাবলী 9:21 ပူးပေါင်းရင်းမြစ်များ

১ রাজাবলী 20:14

আহাবে পূযোর্‌ গুরিলো, “মাত্তর্‌ কারে দিইনে তে সিয়েন্‌ গুরিবো?” ভাববাদীবো কলঅ, “লগেপ্রভু কত্তে, নানান্‌ চাগালাত্‌ শাজন্‌গুরিয়্যেগুনোর্‌ তলে যে গাবুজ্যে সৈন্যগুন্‌ আগন্‌ তারা সিয়েনি গুরিবাক্‌।” আহাবে পূযোর্‌ গুরিলো, “যুদ্ধোগান্‌ কন্না আরাম্ভ গুরিবো?” জোবত্‌ ভাববাদীবো কলঅ, “তুই গুরিবে।”

২ বংশধর 22:7

ইয়েনর্‌ মাধ্যমে গোজেনে অহসিয়র পতন ঘোদেল। অহসিয় সিদু লুমিনে যোরাম লগে নিম্‌শির পুয়ো যেহূর বিরুদ্ধে যুদ্ধো গুরিবাত্তে গেলঅ। এ যেহূরে লগেপ্রভু আহাবর বংশবোরে ভস্ত গুরিবাত্তে অভিষেগ্ গোজ্যে।

মীখা 1:13

ও লাখীশোত্ বজত্তি গুরিয়্যে মানুচ্চুন, তুমি রথ সমারে ঘোড়াগুনোরে লাগেই দুয়ো। ইস্রায়েলর অন্যেয়ান পত্তমে তমা ভিদিরে পাহ্ যেইয়্যে বিলি সিয়োন-ঝিবোরে তুমি পাপর্ পধেদি নেযেয়ো।

গণাণা 20:14

পরেদি মোশি কাদেশত্তুন্‌ মানুচ্‌ পাদেইনে ইদোম দেজর্‌ রাজাবোরে কোই পাদেল, “আমি, তর্‌ ইস্রায়েলীয় ভেইয়ুন, তরে এক্কান্‌ কধা কবাত্তে চেই। তুই আমার্‌ দুঘ-কষ্টর্‌ কধা জানচ্‌।