২ রাজাবলী 8:24 - Chakma Bible

²⁴ যেরেন্দি যিহোরামে তা পূরোণি মানুচ্চুনোর্‌ ইদু গেলঅ আর তারে দায়ূদ-শহরত্‌ তার্‌ পূরোণিমানুচ্চুনোর্‌ লগে গোর্ দিয়্যে অলঅ। তার্‌ পুয়োবো অহসিয় তা জাগানত্‌ রাজা অলঅ।

২ রাজাবলী 8:24 ပူးပေါင်းရင်းမြစ်များ

১ রাজাবলী 11:43

সে পরেন্দি তে তার পূরোণি মানুচ্চুনোর ইদু গেলগোই। তারে তা বাপ্পো দায়ূদো শঅরত্‌ গোর্ দিলাক্। পরেন্দি তা পূঅবো রহবিয়ামে তা জাগানত্‌ রাজা অলঅ।

১ রাজাবলী 14:20

বেইশ্‌ বজর্‌ রাজাগিরি গরানার্‌ পরেন্দি তে তার পূরোণি মানুচ্চুনোর্‌ ইদু গেলগোই আর তা জাগানত্‌ তা পূঅবো নাদবে রাজা অলঅ।

১ রাজাবলী 14:31

যেরেন্দি রহবিয়ামে তার্‌ পূরোণি মানুচ্চুনোর্‌ ইদু গেলগোই আর তারে দায়ূদ-শঅরত্‌ গোর্ দিয়্যে অলঅ। তা মাবোর্‌ নাঙান্‌ এলদে নয়মা; তে জাদন্দি এলদে ইক্কো অম্মোনীয়। রহবিয়ামর পরেন্দি তার্‌ পূঅবো অবিয়ামে তা জাগানত্‌ রাজা অলঅ।

১ রাজাবলী 2:10

ইয়েনর্ পরেন্দি দায়ূদে তার পূরোণি মানেইয়ুনোর ইদু গেলগোই আর তারে দায়ূদ-শঅরত্‌ গোর্ দিয়্যে অলঅ।

২ রাজাবলী 14:20

তার্‌ কিয়্যেগান ঘোড়া পিদিত্‌ গুরিনে যিরূশালেমত্‌ ফিরেই আনা অলঅ আর দায়ূদ-শঅরত্‌ তার্‌ পূরোণি মানুচ্চুনোর লগে তারে গোর্ দিয়্যে অলঅ।

২ রাজাবলী 15:38

যেরেন্দি যোথমে তা পূরোণি মানুচ্চুনোর ইদু গেলগোই আর তা পূরোণি মানুচ্‌ দায়ূদো শঅরত্‌ তারে তা পূরোণি মানুচ্চুনোর লগে গোর্ দিয়্যে অলঅ। ইয়েনর্ পরেন্দি তার্‌ পুয়ো আহসে তা জাগানত্‌ রাজা অলঅ।

২ রাজাবলী 16:20

যেরেন্দি আহসে তা পূরোণি মানুচ্চুনো ইদু গেলগোই আর দায়ূদ-শঅরত্‌ তা পূরোণি মানুচ্চুনোর্‌ লগে তারে গারা অলঅ। তা জাগানত্‌ তা পুয়োবো হিস্কিয় রাজা অলঅ।

২ রাজাবলী 8:23

যিহোরামর অন্য বেক্‌ কামর্‌ কধানি “যিহূদার রাজাগুনোর বিজগ” নাঙে বোইবোত্‌ লেগা আঘে।

২ রাজাবলী 9:28

তার্‌ কামগুরিয়্যেগুনে তারে রথ্‌তানত্‌ গুরিনে যিরূশালেমত্‌ নেযেলাক্‌ আর দায়ূদ-শঅরত্‌ তা পূরোণি মানুচ্চুনোর্‌ লগে তাত্তেই ঠিগ্‌ গোজ্যে গোরানত্‌ তারে গোর্ দিলাক্‌।

১ বংশধর 3:11

যিহোশাফট পুয়ো যিহোরাম, যিহোরাম পুয়ো অহসিয়, অহসিয় পুয়ো যোয়াশ,

২ বংশধর 21:1

পরেন্দি যিহোশাফটে তা পূরোণি মানুচ্চুনো ইদু গেলগোই আর দায়ূদ-শঅরত্‌ তার্‌ পূরোণি মানুচ্চুনোর লগে তারে গোর্ দিয়্যে অলঅ। তা জাগানত্‌ তার্‌ পুয়ো যিহোরামে রাজা অলঅ।

২ বংশধর 21:17

তারা যিহূদাগান আক্রমণ গুরিনে সিদু সুমিনে রাজঘরর্‌ বেক্‌ পযাপিরানি আর যিহোরাম পুয়োগুনোর আরি মোগ্‌কুনোরে নেযেল। তার্‌ চিগোন্‌ পুয়ো অহসিয় (যিহোয়াহস) বাদে আর কনঅ পুয়ো তাইদু ন-রলাক্‌।

২ বংশধর 21:20

যিহোরামে বত্রিশ বজর্‌ বয়জত্‌ রাজা ওইয়্যে আর আস্‌তো বজর্‌ যিরূশালেমত্‌ রাজাগিরি গোজ্যে। তার্‌ মরাণার্‌ কারনে কনজনে আবিলেচ্‌ ন-খান্‌। দায়ূদ-শঅরত্‌ তারে গোর্ দিয়্যে ওইয়্যে মাত্তর্‌ রাজাগুনোর গোরানিত্‌ তারে গোর্ দিয়্যে ন-অয়।

২ বংশধর 21:7

তো লগেপ্রভু দায়ূদোত্তে যে সুদোমান্‌ থিদেবর্ গোজ্যে সেনত্তে তা বংশবোরে তে ভস্ত গুরিবাত্তে ন-চেলঅ। তে দায়ূদ আর তার্‌ বংশধরুনোরে উমরত্তে এক্কো চেরাগ্‌ দিবো বিলিনে এগেম্ গোজ্যে।

২ বংশধর 22:1

যিরূশালেমর মানুচ্চুনে যিহোরামর চিগোন্‌ পুয়ো অহসিয়রে যিহোরামর জাগানত্‌ রাজা বানেলাক্‌, কিত্যে লুদেয়্যেগুনে আরবীয়গুনো সমারে লুদেবাত্তে এইনে যিহোরামর বেক্‌ দাঙর্‌ পুয়োগুনোরে মারে ফেলেয়োন। সেনত্তে যিহূদার রাজা যিহোরামর পুয়ো অহসিয় রাজাগিরি গরানা আরাম্ভ গুরিলো।

২ বংশধর 25:23

ইস্রায়েলর রাজা যিহোয়াশে বৈৎ-শেমসত্‌ অহসিয়র নাদিন, অত্তাৎ যোয়াশর পুয়ো যিহূদার রাজা অমৎসিয়রে বন্দী গুরিলো। সে পরেন্দি যিহোয়াশে যিরূশালেমত্‌ যেইনে সিদুগোর্‌ দেবালান্‌ ইফ্রয়িম-গেদোত্তুন্‌ কোণাবোর্‌ গেট্টো সং পেরায় চের্‌শঅ আত্‌ লাম্বা এক্কান্‌ কট্টা ভাঙি দিলো।