২ রাজাবলী 8:19 - Chakma Bible

¹⁹ তো লগেপ্রভু নিজোর্‌ চাগর্‌ দায়ূদো কধানি মনত্‌ গুরিনে যিহূদারে ভস্ত গুরিবাত্তে ন-চেলঅ, কিত্তে তে দায়ূদ আর তা বংশধরুনোরে জিংকানিবর্‌ এক্কো চেরাগ দিবো বিলিনে শমক্‌ খেইয়্যে।

২ রাজাবলী 8:19 ပူးပေါင်းရင်းမြစ်များ

২ শমূয়েল 21:17

মাত্তর্‌ সরূয়ার পূঅ অবীশয় দায়ূদোরে রোক্ষ্যে গুরিলো। তে সে পলেষ্টীয়বোরে আঘাত্‌ গুরিনে মারে ফেলেল। সেক্কে দায়ূদো মানুচ্চুনে শমক্‌ গুরিনে দায়ূদোরে কলাক্, “তুই আর্ কনদিনঅ আমা লগে যুদ্ধোত্‌ ন-যেবে, ইস্রায়েলর চেরাক্কো মারেই ন-দিচ্‌।”

২ শমূয়েল 7:15

মাত্তর্‌ মঅ কোচ্‌পানাগান মুই কনদিন্‌অ তা উগুরেত্তুন তুলি ন-নেযেম্, যেধোক্ক্যেন গুরি মুই শৌল উগুরেত্তুন তুলি নেযেয়োং আর তঅ পথ্‌তানত্তুন্‌ তারে সোরেই দুয়োং।

২ শমূয়েল 7:16

তর্‌ বংশ আর রেজ্যগান তর্‌ মুজুঙোত্‌ জিংকানিবর্‌ থিদেবর্ থেবঅ। তর্‌ সিংহাসনান্‌ অবঅ জনম্‌ভরা।’”

১ রাজাবলী 11:12

মাত্তর্‌ তঅ বাপ্পো দায়ূদোর কধা মনত্‌ গুরিনে তঅ জিংকানিত্‌ মুই সিয়েন ন-গুরিম্‌, মাত্তর্‌ তঅ পূঅবোর্‌ আঢত্তুন্‌ মুই সিয়েনি কারি লোম্‌।

১ রাজাবলী 11:13

মাত্তর্ রেজ্যর্‌ বেক্কান মুই তাত্তুন কারি ন-নেযেম, মাত্তর্‌ মঅ চাগর্‌ দায়ূদো কধা আর মর্‌ বেঈ নেযেয়্যে যিরূশালেমর কধা মনত্‌ গুরিনে ইক্কো গুট্টি মুই তঅ পূঅবোরে দিম্‌।”

১ রাজাবলী 11:36

মর্‌ থেবারঘর্‌ ইজেবে বেঈ লোইয়্যে যিরূশালেম শঅরত্‌ যেইনে মর্‌ মুজুঙোত্‌ মঅ চাগর্‌ দায়ূদোর ইক্কো বংশ থায় সেনত্তে মুই তা পূঅবোরে ইক্কো গুট্টির্‌ ভারান্‌ দিম্‌।

২ রাজাবলী 11:2

মাত্তর্‌ বেক্‌ রাজার পুয়োগুনোরে মারে ফেলেবার আগেন্দি রাজা যিহোরামর ঝি অহসিয়োর বোন যিহোশেবা অহসিয়োর পুয়ো যোয়াশরে রাজার পুয়োগুনো ভিদিরেত্তুন্‌ চুর্‌ গুরি আনিলো। অথলিয়াত্তুন্‌ লুগেই রাগেবাত্তে যিহোশেবা যোয়াশে আর তার্‌ ওযাবুড়িবোরে এক্কো ঘুম্‌ যাইদে রুমোত্‌ রাগেল। সেনত্তে যোয়াশে মারা ন-পড়িলো।

২ রাজাবলী 19:34

মুই মর্‌ আর মঅ চাগর্‌ দায়ূদত্তে এ শঅরান্‌ ঘিরি রাগেইনে সিয়েন্‌ রোক্ষ্যে গুরিম্‌।’ ”

২ বংশধর 21:7

তো লগেপ্রভু দায়ূদোত্তে যে সুদোমান্‌ থিদেবর্ গোজ্যে সেনত্তে তা বংশবোরে তে ভস্ত গুরিবাত্তে ন-চেলঅ। তে দায়ূদ আর তার্‌ বংশধরুনোরে উমরত্তে এক্কো চেরাগ্‌ দিবো বিলিনে এগেম্ গোজ্যে।

গীতসংহিতা 132:10

তঅ চাগর দায়ূদোত্তে তঅ অভিষেগ্ গোজ্যে মানুচ্চুনোর্ তবনাগানি তুই ফিরেই ন-দিচ্।

গীতসংহিতা 132:17

মুই সিদু দায়ূদোত্তে এক্কো খেমতাবলা বংশ তুলি দিম; মর্ অভিষেগ্ গোজ্যে মানুচ্চুনোত্তে মুই এক্কো চেরাগ্ জ্বালেবার সুদোম্ গোজ্যং।

যিশাইয় 37:35

মুই মত্তে আর মঅ চাগর্ দায়ূদোত্তে এ শঅরান্ ঘিরি রাগেনে সিয়েন রোক্ষ্যে গুরিম।’ ”

যিশাইয় 7:14

সেনত্তে প্রভু নিজে তমা ইদু এক্কান চিহ্নো দেগেব। সিয়েন অলঅ, এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।

হোশেয় 11:9

মর্ দর্‌‌‌গরেপারা রাগ্‌‌‌কান মুই ফগদাং ন-গুরিম, ইফ্রয়িমরে আর ভস্ত ন-গুরিম, কিত্যে মুই গোজেন, মানুচ্ নয়; মুই তঅ ভিদিরে থেইয়্যে সেই পবিত্র মানুচ্চো। মুই রাগ্ ন-আনিম।