২ রাজাবলী 8:18 - Chakma Bible

¹⁸ আহাবর বংশর মানুচ্চুনো ধোক্ক্যেন্‌ তে ইস্রায়েলর রাজাগুনোর্‌ পধেন্দি আদিদো, কিত্তে তে আহাবর এক্কো ঝি রে লোইয়্যে। লগেপ্রভুর চোগেন্দি যিয়েনি ভান্ন্যেই তে সিয়েনিই গুরিদো।

২ রাজাবলী 8:18 ပူးပေါင်းရင်းမြစ်များ

১ রাজাবলী 21:25

মোক্কোর্‌ ভেজে দেনালোই লগেপ্রভুর চোগোত্‌ যিয়েনি ভান্ন্যেই আহাবে সিয়েনি গুরিবাত্তে নিজোরে বিজি দিয়্যে। তা ধোক্ক্যেন্ আর কনজনে এবাবোত্যে কাম্‌ ন-গরন্‌।

১ রাজাবলী 22:44

ইস্রায়েলর রাজার লগে তে আঢ্ মিলেল।

২ রাজাবলী 16:3

তে ইস্রায়েলর রাজাগুনো ধোক্ক্যেন চলিদো; এন্‌ কি, লগেপ্রভু যিদুক্কুন্‌ জাদরে ইস্রায়েলীয়গুনোর মুজুঙেত্তুন্‌ দূর্ গুরি দিয়্যে তারা জঘন্য কামানি ধোক্ক্যেন তেয়ো তা পুয়োবোরে আগুনোত্‌ পড়িনে উৎসর্ব গুরিলো।

২ রাজাবলী 21:13

শমরিয়ার বিরুদ্ধে যে মাব দুড়িগান্‌ আর আহাব বংশগুনো বিরুদ্ধে যে ওলন দুড়িগান্‌ বেবহার গরা ওইয়্যে সিয়েন্‌ মুই যিরূশালেম বিরুদ্ধে বেবহার গুরিম। যেধোক্ক্যেন গুরিনে একজনে থাল্লো পুজিবাত্তে এপিট ওপিট গরে সেধোক্ক্যেন গুরিনে মুই যিরূশালেমরে বাদ দিম্‌।

২ রাজাবলী 21:3

তা বাপ্পো হিষ্কিয় পূজোর্ যেদক্কানি অজল্‌ জাগা চোইদেল গোজ্যে সিয়েনি তে আরঅ বানেল। ইস্রায়েল রাজা আহাবে যেধোক্ক্যেন গোজ্যে সেধোক্ক্যেন তেয়ো বাল দেবেদা নাঙে কয়েক্কো ডালিপূজো আর এক্কো আশেরা-খুদো বানেল। তে আগাজর বেক্‌ তারাগুনোরে পূজো আর সেবা গুরিদো।

২ রাজাবলী 8:26

তে যেক্কে রাজা অলঅ সেক্কে তার বয়জছান্‌ এলদে বেইশ্‌ বজর্‌ আর তে এক বজর্‌ যিরূশালেমত্‌ রাজাগিরি গোজ্যে। তা মাবো অথলিয়া এলদে ইস্রায়েলর রাজা অম্রির নাদিন্‌।

২ রাজাবলী 8:27

অহসিয় আহাবর বংশর মানুচ্চুনোর্‌ ধোক্ক্যেন্‌ চলিদো আর তারা ধোক্ক্যেন্‌ লগেপ্রভু চোগেন্দি যিয়েন্‌ ভান্ন্যেই তে সিয়েন গুরিদো, কিত্তে লোলি অনার্‌ মাধ্যমে আহাবর গিরির্‌ লগে তার্‌ কুদুম্মো ওইয়্যে।

২ বংশধর 18:1

যিহোশাফটর বোউত্‌ ধন-সোম্বোত্তি আর সর্মান এলঅ। তে বৌ নেযানার মাধ্যমে আহাবর লগে দাংগুত্ব গুরিলো।

২ বংশধর 19:2

সেক্কে হনানির পুয়ো দর্শক যেহূ নিগিলিনে তাইদু যেইনে কলঅ, “পাজিগুনোরে বল্‌ দেনা আর যিগুনে লগেপ্রভুরে ঘিনান্‌ তারারে কোচ্‌পানা কি তর্‌ উজিত্‌ ওইয়্যে? ইয়েনত্তে লগেপ্রভুর রাগ্‌কান্‌ তঅ উগুরে লামি এচ্ছ্যে।

২ বংশধর 21:6

আহাব বংশর মানুচ্চুনো ধোক্ক্যেন তে ইস্রায়েলর রাজাগুনোর পধেন্দি চলিদো, কিত্তে তে আহাবর এক্কো ঝিরে লোইয়্যে। লগেপ্রভুর চোগেন্দি যিয়েন্‌ বজং তে সিয়েনই গুরিদো।

মীখা 6:16

তুমি অম্রির রীদি-সুদোমানি পালেয়ো আর আহাব বংশর বেক্ অভ্যেস্ মজিম্ চোল্য। তুমি তারার্ সল্লা মজিম্ চোল্য। সেনত্তে মুই ভস্তর্ আঢত্ আর ঠাট্টা-মশ্‌‌কারীগুরিয়্যে গুনোর আঢত্ তমারে তুলি দিম; মঅ মানুচ্ ইজেবে তমার্ অসর্মান ভুগো পুরিবো।”