২ রাজাবলী 8:12 - Chakma Bible

¹² হসায়েলে পুযোর্‌ গুরিলো, “মঅ গিরোজ্‌সো কিত্তেই কানর্‌?” জোবত্‌ ইলীশায় কলঅ, “তুই ইস্রায়েলীয়গুনোরে কি ক্ষতি গুরিবে সিয়েন্‌ মুই হবর্‌ পাং। তুই তারার্‌ তাম্বুলানিত্‌ আগুন্‌ বাজেই দিবে, অসিলোই তারার্‌ গাবুজ্যে পূয়োগুনোরে মারে ফেলেবে, তারার্‌ চিগোন্‌ চিগোন্‌ পূয়ো-ঝিগুনোরে মাদিত্‌ আযার্‌ মারিবে আর তারার্‌ পিদিলী মিলেগুনোর্‌ পেটতুন্‌ ফাদি দিবে।”

২ রাজাবলী 8:12 ပူးပေါင်းရင်းမြစ်များ

১ রাজাবলী 18:13

ঈষেবল যেক্কে লগেপ্রভুর ভাববাদীগুনোরে মারে ফেলেয়্যে সেক্কে মুই কি গোজ্যং সিয়েন্‌ কি মঅ গিরোজ্‌সো ন-শুনে? লগেপ্রভুর ভাববাদীগুনোরে একশঅ জনরে পঞ্চাশজন পঞ্চাশ জন গুরিনে দ্বিবে গাদত্‌ লুগেই রাগেয়োং আর তারার্‌ হানা আর পানি যুগেই দুয়োং।

১ রাজাবলী 19:17

হসায়েলর অসিগান্‌ যিগুনে বাদ দিইনে যেবাক্‌ যেহূ তারারে মারে ফেলেব আর যেহূর ছুড়িগানরে যিগুনে বাদ দিইনে যেবাক্‌ ইলীশায় তারারে মারে ফেলেব।

২ রাজাবলী 12:17

এ সময়োত্‌ অরামর রাজা হসায়েলে যেইনে গাৎ আক্রমণ গুরিনে সিয়েন্‌ গজক গুরি নেযেল। সে পরেন্দি তে যিরূশালেমান্‌ আক্রমণ গুরিবাত্তে উজেই গেলঅ।

২ রাজাবলী 12:18

সেক্কে যিহূদার রাজা যোয়াশে তার্‌ নিজোর্‌ আর তা পূরোণি মানুচ্চুনোর, অত্তাৎ যিহূদার রাজা যিহোশাফট, যিহোরাম আর অহসিয়োর দিয়্যে লগেপ্রভুর নাঙে যুদো গোজ্যে বেক্‌ পযাপিরানি অরামর রাজা হসায়েল ইদু পাধেই দিলো। ইয়েনিবাদে সে সমারে তে লগেপ্রভুর ঘর ধনভান্ডালত আর রাজঘর বেক্‌ সোনাগানিয়ো তাইদু পাধেই দিলো। সেক্কে হসায়েলে যিরূশালেমান্‌ ছাড়ি গেলগোই।

২ রাজাবলী 13:22

যিহোয়াহসর পুরো রাজাগিরি সময়ান ধুরিনে অরামর রাজা হসায়েলে ইস্রায়েল উগুরে অত্যেচার্‌ গোজ্যে।

২ রাজাবলী 13:3

সেনত্তে ইস্রায়েল বিরুদ্ধে লগেপ্রভুর রাগ্‌কান্‌ জুলি উদিলো; আর তে অরামর রাজা হসায়েল আর তা পুয়ো বিন্‌হদদ আঢত্‌ বার্‌ বার্‌ তারারে তুলি দিলো।

২ রাজাবলী 13:7

পঞ্চাশজন ঘোড়া সৈন্য, দশছান্‌ রথ আর দশ আজার আত্যের্‌বলা সৈন্য বাদে যিহোয়াহসর সৈন্যদলত্‌ আর কনজনে ন-এলাক্‌, কিত্তে অরামর রাজা বাদবাগি বেক্কুনোরে ভস্ত গুরি দিলো। তে তারারে মাদি ধোক্ক্যেন টেঙোই উজ্যে।

২ রাজাবলী 15:16

যেরেন্দি মনহেমে তির্সাত্তুন্‌ নিগিলিনে তিপ্‌সহ শঅর্‌ আর সিদুগোর্‌ আদাম্মেগুনোরে আর তা চেরোকিত্তে চাগালার্‌ বেক্কুনোরে আক্রমণ গুরিলো, কিত্তে তারা তারার্‌ শঅর্‌-গেট্টো খুলি দিবাত্তে রাজী ন-অন্‌। সেনত্তে তে তিপ্‌সহ ভস্ত গুরিলো আর বেক্‌ পিদিলী মিলেগুনো পেট্টুন্‌ ফাদি দিলো।

২ রাজাবলী 4:28

মিলেবো কলঅ, “ও মর্‌ গিরোজ্‌, মুই কি তইদু এক্কো পুয়ো চেইয়োং? মুই কি তরে ন-কং, মরে তুই মিজে আজা নঅ-দিবে?”

যিশাইয় 13:16

তারা চোগো মুজুঙোত্ চিগোন পুয়োগুনোরে আজেরেনে মারা অবঅ; তারার্ ঘরানি লুদো অবঅ আর মিলেগুনোরে জাবা অবঅ।

যিশাইয় 13:18

তারা ধনুলোই গাবুজ্যেগুনোরে মারে ফেলেবাক্; তারা চিগোন পুয়োগুনোরে কনঅ মেয়্যে ন-গুরিবাক্ বা ঝি-পুয়োগুনোর ইন্দি মেয়্যের্ চোগেদি রিনি ন-চেবাক্।

হোশেয় 10:14

সেনত্তে তমা বিরুদ্ধে যুদ্ধোর্ কিজেক্ ছাড়ি উদিবো আর তমার্ বেক ঘরানি ভস্ত ওই যেবঅ, যেবাবোত্যেগুরি শল্‌‌‌‌‌‌মনে যুদ্ধোর্ দিনোত্ বৈৎ-অর্বেলান ভস্ত গোজ্যে। সেদিন্যে পুয়ো-ঝিগুনো সমারে মা গুনোরে মাদিত্ আছাড়্ মারা ওইয়্যে।

হোশেয় 13:16

শমরিয়ার মানুচ্চুনে তারার্ গোজেন বিরুদ্ধে উল্লোমী গোজ্যন বিলি দায়ী অবাক্। তারা যুদ্ধোত্ মুরি যেবাক্; তারার্ পুয়ো-ঝিগুনোরে মাদিত্ আছাড় মারিনে নিগুজ্ গরা অবঅ আর তারার্ পিদিলী মিলেগুনোর্ পেটতুন্ ফাদি ফেলা অবঅ।”

হোশেয় 14:1

ও ইস্রায়েল মানুচ্চুন, তমা গোজেন লগেপ্রভু ইধু তুমি ফিরি এজঅ। তমার পাপত্তে তুমি ফেলা যেইয়্যে ওইয়ো।

আমোষ 1:13

লগেপ্রভু কত্তে, “অম্মোনর তিনেন্ পাপ, এমন কি, চেরান পাপর্ কারনে মুই হামাক্কায় তারে সাজা দিম, কিত্যে তা দুজিগান বাড়েবাত্তে তে গিলিয়দর্ পিদিলী মিলেগুনোর্ পেট্‌‌‌তুন ফাদি দিয়্যে।

নহূম 3:10

তো তা মানুচ্চুনোরে বন্দী গুরিনে অন্য দেজত্ নেযা ওইয়্যে। পত্তি পধ মুয়োত্ তা চিগোন্ গুড়োগুনোরে আজার্ মাড়া ওইয়্যে। তার্ মুরুব্বীগুনোত্তে চাম্বা চেইনে তারারে চিগোল্লোই বানি নেযা ওইয়্যে।