২ রাজাবলী 8:11 - Chakma Bible

¹¹ ইয়েন্‌ কোইনে হসায়েলে লাজত্ ন-পড়ানা সং ইলীশায় তাইন্দি চেই রলঅ। সে পরেন্দি গোজেন মানুচ্চো কানানা আরাম্ভ গুরিলো।

২ রাজাবলী 8:11 ပူးပေါင်းရင်းမြစ်များ

পত্থম 45:2

তে এদক্‌ গুজুরি গুজুরি কানা ধুরিলোদে, মিসরীয়গুনে সিয়েন্‌ শুনিলাক্ আর সেই হবরান্‌ ফরৌণ ঘরত্‌ যেইনে লুমিলো।

২ রাজাবলী 15:29

ইস্রায়েলর রাজা পেকহর সময়োত্‌ আসিরিয়ার রাজা তিগ্লৎ-পিলেষর এইনে ইয়োন, আবেল-বৈৎ-মাখা, যানোহ, কেদশ, হাৎসোর, গিলিয়দ, গালীল আর নপ্তালির পুরো চাগালাগান গজক গুরিলো আর মানুচ্চুনোরে বন্দী গুরিনে আসিরিয়াত্‌ নেযেল।

২ রাজাবলী 2:17

মাত্তর্‌ তারা বার্‌ বার্‌ কোজোলী গুরিলে তে লাজত্‌ পড়িনে কলঅ, “আচ্ছা, যঅ।” সেক্কে সে পঞ্চাশজন মান্‌জ্যে এলিয়রে তোগেবাত্তে গেলাক্‌। সে মানুচ্চুনে তিন দিন সং তোগেনেয়ো তারে ন-পেলাক্‌।

গীতসংহিতা 119:136

মঅ চোগো পানিগান গঙার ধোক্ক্যেন বেঈ যার্, কিত্তে মান্‌জ্যে তঅ উগুমান ন-মানন্।

যিরমিয় 13:17

তুমি যুনি কধা ন-শুনো সালে তমা বাড়্‌বোগানত্তে মুই গুমুরে গুমুরে কানিম্, জদবদে কানিম্ আর মঅ চোগ্‌কুন চোগো পানিয়ে ভাজি যেবাক্, কিত্তে লগেপ্রভুর মানুচ্চুনোরে বন্দী গুরি নেযা অবঅ।‌‍‍‍

যিরমিয় 14:17

“তুই মানুচ্চুনো ইধু এ কধাগান কঅ, ‘মঅ চোগো পানি ন-থামেইনে দিন-রেদ মঅ চোগ্‌‍‍‍‍কুনোত্তুন উগুরি পোড়োক্, কিত্তে মঅ জাদর্ মানুচ্চুনে অমকদ আঘাত্, চুরমার-গোজ্যে আঘাত্ পেইয়োন।‍

যিরমিয় 4:19

হায়, মর্ মনান, মর্ মনান্! মুই যন্ত্রনালোই মজরা হাঙর্। হায়, মর্ মনান! মঅ ভিদিরে মঅ মনান ধুক্ ধুক্ গরের্। মুই জুরো গুরি থেই ন-পারঙর্, কিত্তে মুই শিঙের রঅ শুন্যং, মুই যুদ্ধোর্ ডাগ শুন্যং।

যিরমিয় 9:1

হায়, মঅ মাঢাবো যুনি পানির ঝুর্‌ঝুরি অদঅ, আর মঅ চোগ্‌কো অদঅ পানির পয়নালা! সালে মঅ জাদর্ যে মানুচ্চুনোরে মারে ফেলা ওইয়্যে তারাত্তে মুই দিনে রেদে কানিদুং।‌‌‌

যিরমিয় 9:18

তারা যাদিমাদি এইনে আমাত্তে আবিলেচ্ গোরোদোক্ যেধক্কন সং আমা চোগেদি পানি ভাসি ন-যায় আর চোগো পাদাত্তুন পানি বেই ন-যায়।

লূকে লেখ্যে গম্ হবর্ 19:41

তারা যেক্কে যিরূশালেম ইধু এলাক্ সেক্কে যীশু শঅরান্ দেগিনে কানিলো ।

যোহন 11:35

সেক্কে যীশু কানিলো।

প্রেরিত্‌ 20:19

যিহূদীগুনোর নানান্ কুজুরোমির্ কারনে মত্তুন্ জদবদে পোরোক্ষ্যেত্ পরা পোজ্জ্যে, মাত্তর্ মুই খুব্ নম্র গুরিনে চোগো পানিলোই প্রভুর্ চাগর্ ওইনে তার্ সেবা গোজ্জ্যং।

প্রেরিত্‌ 20:31

ইয়েনত্তে তুমি উজিয়ার্ থাগঅ। ইদোত্ রাগেবা, তিন বজর্ সং দিন-রেদ্ চোগো পানিলোই মুই তমারে পত্তিজনরে উজিয়ার্ গোজ্জ্যং, কনদিন্অ জুরো গুরি ন-থাগঅ।

ফিলিপীয় 3:18

মুই তমারে বার্ বার্ কোইয়োং আর ইক্কিনে চোগো পানিলোই আরঅ কঙত্তে, এমন ভালোকজন আঘন্ যিগুনে খ্রীষ্টর্ ক্রুশোর শত্রু ধোক্ক্যেন আঢাউদো গত্তন।