২ রাজাবলী 7:9 - Chakma Bible

⁹ যেরেন্দি তারা তারে তে কলাক্‌, “আমা কামান্‌ দোল্‌ ন-অর্‌। এচ্ছে এক্কো গম্‌ হ্‌বরর দিন আর আমি কাররে কিচ্ছু ন-কোইনে অলর্ গুরি আগিই। আমি যুনি বেন্যেমাদান্ সং দেরি গুরিই সালে সাজাগান আমা উগুরে লামি এবঅ। আদঅ, আমি ইক্কিনে যেইনে রাজঘরত্‌ হবরান জানেই।”

২ রাজাবলী 7:9 ပူးပေါင်းရင်းမြစ်များ

২ রাজাবলী 5:4

ইস্রায়েলত্তুন্‌ আন্যে সে মিলেবো যিয়েনি কোইয়্যে সিয়েনি নামানে যেইনে তা গিরোজ্‌সো ইদু কলগোই।

২ রাজাবলী 7:10

সেনত্তে তারা যেইনে শঅর-গেদো চুগিদারুনোরে ডাগিনে কলাক্‌, “আমি অরামীয়গুনোর তাম্বুলোত্‌ যেইয়্যেই। সিদু এক্কো মানুচ্‌অ নেই, কারঅ রঅয়ো নেই; বানা ঘোড়া আর গাধাগুন্‌ বান্যে আগন্‌ আর তাম্বুলানি যেবাবোত্যে এলঅ সেবাবোত্যে গুরি রাগেইনে তারা যেইয়োন্‌।”

২ রাজাবলী 7:3

সেক্কে শঅর-গেদোত্‌ সুমিবার্‌ পথ্‌তানত্‌ চের্‌জন ফারাঙিবলা রোগি এলাক্‌। তারে তে কলাক্‌, “আমি ইদু থেইনে কিত্তে মুরিবোং?

২ রাজাবলী 7:6

লগেপ্রভু রথ, ঘোড়া আর দাঙর্‌ এক্কো সৈন্যর্‌ রঅ অরামীয়গুনোরে শুনেয়্যে। সেক্কে অরামীয় সৈন্যগুনে তারে তে কলাক্‌, “চঅ, আমারে আক্রমণ গুরিবাত্তে ইস্রায়েলর রাজা হিত্তীয় আর মিসরীয় রাজাগুনোরে টেঙা দিয়্যে।”

২ রাজাবলী 7:8

সে ফারাঙিবলা মানুচ্চুনে তাম্বুলোর্‌ কায়কুরে লুমিনে এক্কান্‌ তাম্বুলো ভিদিরে গেলাক্‌। তারা হান-দানা গুরিনে সোনা, রূবো আর কাবড়-চুগোড়্‌ লোই গেলাক্‌ আর সিয়েনি লুগেই রাগেলাক্‌। সে পরেন্দি তারা ফিরি এইনে আর এক্কান্‌ তাম্বুলোত্‌ সুমিনে কয়েক্কান্‌ জিনিস লুগেই রাগেলাক্‌।

গম্ উপদেজ্ 24:16

কিত্তে গোজেন ভক্ত মান্‌‍জ্যে সাত পল্লা পুড়িলেয়ো আরঅ উদে, মাত্তর্ পাজিগুনোর দজা এলে তারা এক্কুবারে ভাঙি পড়ন্।

যিশাইয় 41:27

মুই পত্তমে সিয়োনানরে কোইয়োং, আর চঅ, তারা এচ্চোন্। মুই যিরূশালেমরে এক্কো গম্ হবর্ কোইয়্যে দুয়োং।

যিশাইয় 52:7

যে মানুচ্চো গম্ হবর্ দিবাত্তে এজে, সুগ্-শান্দি ফগদাং গরে, ভালেদির হবর্ আনে, উদ্ধোরান্ ফগদাং গরে আর সিয়োনানরে কয়, তঅ গোজেনে রাজাগিরি গরে, মুড়োমুড়ি উগুরেদি এবার্ অক্তত্ সেই মানুচ্চোর টেঙান কেধোক্ক্যেন দেগায়।

নহূম 1:15

যে মানুচ্চো গম্ হবর্ আনে আর শান্তি ফগদাং গরে, উই চাহ্, মুড়ো-মুড়ি উগুরে তা টেঙানি। ও যিহূদা, তর্ পরব্‌‌পুন পালা আর মান্যেগানি বেক্কানি ছিড়ে। পাজিগুনে আর্ তরে আক্রমণ ন-গুরিবাক্; তারারে এক্কুবারে ভস্ত গুরি ফেলা অবঅ।

গণাণা 32:23

মাত্তর্‌ যুনি তুমি সিয়েন্‌ ন-গরঅ সালে লগেপ্রভুর বিরুদ্ধে তুমি পাপ গুরিবা। তুমি ইয়েন্‌ জানি রাগেয়ো, তমার পাপ তমারে রেহাই ন-দিবো।

লূকে লেখ্যে গম্ হবর্ 2:10

স্বর্গদূত্তো তারারে কলঅ, “ন-দোরেয়ো, কিয়া মুই তমাইধু ভারী হুজির্ হবর্ আন্যং। এ হুজিগান্ বেক্ মানুচ্চুনোত্তে।

ফিলিপীয় 2:4

বানা নিজোরে লোইনে কামত্ ন-থেইয়ো, বরং একজন আরেক জনত্যে চিন্তে গরঅ।