২ রাজাবলী 7:7 - Chakma Bible

⁷ ইয়েন্‌ কোইনে তারা সাজোন্যের্‌ আগেন্দি তারার্‌ তাম্বুল, ঘোড়া, গাধা বেক্কানি থোই যেইনে ধেই গেলাক্‌। তাম্বুলানি যেধোক্কেন্‌ এলঅ সেধোক্কেন্‌ রাগেইনে তারা পরাণ দরে ধেই গেলাক্‌।

২ রাজাবলী 7:7 ပူးပေါင်းရင်းမြစ်များ

১ রাজাবলী 10:29

মিসর দেজত্তুন্‌ আন্যে এক্কান্‌ রথর দাম পড়িদো সাত কেজি আস্‌তোশত্‌ গ্রাম রূবো আর ইক্কো ঘোড়ার দাম পড়িদো সাত কেজি আস্‌তোশত্‌ গ্রাম রূবো। সে বণিক্‌কুনে হিত্তীয় আর অরামীয় বেক্‌ রাজাগুনোর ইদু সিয়েনি বিজিদাক্‌।

১ রাজাবলী 20:20

তারা পত্তিজনে তারারে মানাগুরিয়্যেগুনোরে মারে ফেলেলাক্‌। সিয়েন্‌ দেগিনে অরামীয়গুনে ধেই গেলাক্‌ আর ইস্রায়েলীয়গুনে তারার্‌ পিজেন্দি লোড়েলাক্‌। মাত্তর্‌ অরামর রাজা বিন্‌হদদে তার্‌ কয়েক্কো ঘোড়াচালেয়্যেরে সমারে নেযেইনে ঘোড়া পিদিত্‌ গুরিনে ধেই গেলাক্‌।

ইয়োব 18:11

দরান্‌ তা চেরোকিত্তে থেবঅ; তা পত্তি পোইধেত্‌ সিয়েনে তার্‌ পিজে থেবঅ।

গীতসংহিতা 33:17

রোক্ষ্যে পেবাত্তে ঘোড়া উগুরে বিশ্বেজ্ গরানা মিজে আজা; অমকদ বল্ থেলেয়ো ঘোড়াবো রোক্ষ্যে গুরি ন-পারে।

গীতসংহিতা 68:12

সেই মিলেগুনে কন্দে, “সৈন্যদলর রাজাগুনে ধেই যাদন, ধেই যাদন, আর ঘরত্ থেইয়্যে মিলেগুনে লুদেয়্যে পযাপিরানি ভাগাভাগি গত্তন্।

গম্ উপদেজ্ 21:1

লগেপ্রভু আঢত্ রাজার মনান্ পানি গঙার ধোক্ক্যেন্; লগেপ্রভু যিয়েনত্ চায় সিয়েনত্ তারে চালায়।

গম্ উপদেজ্ 28:1

কনজনে ন-লোড়েলেয়ো পাজি মান্‌‌জ্যে ধেই যান, মাত্তর্ গোজেন ভক্ত মান্‌‌জ্যে সিংহ ধোক্ক্যেন্ ন-দোরেয়্যেগুরি বজত্তি গরে।

গম্ উপদেজ্ 6:5

শিগেরী আঢত্তুন্ উরিঙো ধোক্ক্যেন্ গুরি, পেগো শিগেরীত্তুন পেগো ধোক্ক্যেন্ গুরি তুই নিজোরে ছাড়েই নেযা।

যিশাইয় 2:20

সেদিন্যে মান্‌জ্যে তারার্ পূজোত্তে বানেয়্যে সোনা আর রূবোর্ মুত্তিগুন্ চুজি হেইয়্যে আর বাদোলুনো ইদু ফেলেই দিবাক্।

ইব্রীয় 6:18

গোজেনর্ এগেম্ আর শমথ্‌তান কনদিন্অ ন-বদলায়। গোজেন, যিবের্ পৌইদ্যেনে মিজে মাঢানা সম্ভব নয়, তেয়ই এ এগেমান্ আর শমথ্‌তান গোজ্জ্যে, যেনে আমা মুজুঙোত্ যে আজাগান আঘে সিয়েন গমেডালে ধুরিবাত্যে ধাবা দিবাত্যেই আমি বোউত্ উচ্চোমি পেই।

বিচের গুরিয়্যেগুন 7:21

তাম্বুলোর চেরোকিত্তে গিদিয়োনর মানুচ্চুনে যেক্কে তারার জাগায়ানিত্‌ দরমড় গুরি থিয়্যেলাক্‌ সেক্কে বেক মিদিয়নীয়গুনে ধাবাদিইনে রঅ ছাড়িনেই ধেই যাহ্ ধুরিলাক্‌।

১ শমূয়েল 14:15

ইয়েনর্ কারণে পলেষ্টীয়গুনোর যুদ্ধোর মাদর্‌ তাম্বুলোত্‌ আর বেক্‌ সৈন্যগুনো ভিদিরে এক্কান দর্‌বুক দেগা দিলো; এন্‌ কি, তারার মিক্‌মসর তাম্বুলোত্‌ আর আর্মিগুনেয়ো দরে গির্‌গিরা ধুরিলাক্, আর সেই লগে ভূজোল্অ বেলঅ। সেই অমহদ দরান্‌ গোজেনর ইত্তুন্‌ এচ্চ্যে।