২ রাজাবলী 7:6 - Chakma Bible

⁶ লগেপ্রভু রথ, ঘোড়া আর দাঙর্‌ এক্কো সৈন্যর্‌ রঅ অরামীয়গুনোরে শুনেয়্যে। সেক্কে অরামীয় সৈন্যগুনে তারে তে কলাক্‌, “চঅ, আমারে আক্রমণ গুরিবাত্তে ইস্রায়েলর রাজা হিত্তীয় আর মিসরীয় রাজাগুনোরে টেঙা দিয়্যে।”

২ রাজাবলী 7:6 ပူးပေါင်းရင်းမြစ်များ

২ শমূয়েল 10:6

অম্মোনীয়গুনে বুঝি পারিলাক্, তারা দায়ূদোর ঘিনাইদে মানুচ্‌ ওইয়োন। সেনত্তেই তারা বৈৎ-রহোব আর সোবাত্তুন্‌ কুড়ি আজার অরামীয় সৈন্য, এক আজার সৈন্যসুমুত্তো মাখার রাজারে আর টোবত্তুন্‌ বার আজার মান্‌জ্যরে ভাড়া গুরিলাক্।

২ শমূয়েল 5:24

বেঙা গাজ্‌চুনোর্‌ মাঢাত্‌ যেক্কে তুই সৈন্যদলুনোর্‌ আঢি যানা রঅ শুনিবে সেক্কে নিগিলিবে। ইয়েনর্ ভেদ্‌তান্ অলদে, পলেষ্টীয় সৈন্যগুনোরে আঘাত্‌ গুরিবাত্তে লগেপ্রভু তঅ আগে আগে যেইয়্যে।”

১ রাজাবলী 10:29

মিসর দেজত্তুন্‌ আন্যে এক্কান্‌ রথর দাম পড়িদো সাত কেজি আস্‌তোশত্‌ গ্রাম রূবো আর ইক্কো ঘোড়ার দাম পড়িদো সাত কেজি আস্‌তোশত্‌ গ্রাম রূবো। সে বণিক্‌কুনে হিত্তীয় আর অরামীয় বেক্‌ রাজাগুনোর ইদু সিয়েনি বিজিদাক্‌।

১ রাজাবলী 20:20

তারা পত্তিজনে তারারে মানাগুরিয়্যেগুনোরে মারে ফেলেলাক্‌। সিয়েন্‌ দেগিনে অরামীয়গুনে ধেই গেলাক্‌ আর ইস্রায়েলীয়গুনে তারার্‌ পিজেন্দি লোড়েলাক্‌। মাত্তর্‌ অরামর রাজা বিন্‌হদদে তার্‌ কয়েক্কো ঘোড়াচালেয়্যেরে সমারে নেযেইনে ঘোড়া পিদিত্‌ গুরিনে ধেই গেলাক্‌।

২ রাজাবলী 19:7

শুন্‌, মুই তা ভিদিরে এন্‌ এক্কান্‌ মনোভাব জাগেই দিম্‌ যিয়েনত্তে তে এক্কান্‌ হবর্‌ শুনিলে তা দেজত্‌ ফিরি যেবঅ আর সিদু মুই তারে লাম্বা ছুড়িলোই শেজ্‌ গুরি দিম্‌।’ ”

২ রাজাবলী 7:5

ইয়েন্‌ কোইনে সাজ্যেন্যের্‌ আগেন্দি তারা অরামীয়গুনোর তাম্বুলোত্‌ গেলাক্‌। তাম্বুলোর্‌ ঢাগেন্দি যেইনে চেলাক্‌ সিয়েনত্‌ এক্কো মানুচ্‌অ নেই।

ইয়োব 15:21

তা কানত্‌ দর্‌গরেপারা রঅ সুমিবো; যেক্কেনে বেক্কানি গম্‌ চলের্‌ বিলিনে মনে অবঅ সেক্কে লুদেয়্যেগুনে তারে আক্রমণ গুরিবাক্।

গীতসংহিতা 14:5

গোজেনে তা ভক্তগুনোর্ লগে আঘে, সেনত্তেই সেই মানুচ্চুনে অমকদ দোরে দোরে থেবাক্।

যিশাইয় 31:1

অভিশাব্ পোড়োক্ যিগুনে সাহায্যত্তে মিসরত্ যান! তারা দঅ ঘোড়া উগুরে নির্ভর গরন্ আর তারার্ ভালোক্কানি রথ উগুরে আর ঘোড়া মাউত্তুনোর্ খেমতা উগুরে বিশ্বেজ্ রাগান্, মাত্তর্ তারা ইস্রায়েলর সেই পবিত্র মানুচ্চো ইন্দি রিনি ন-চান বা লগেপ্রভু ইত্তুন্ সাহায্য ন-চান।

যিশাইয় 36:9

যুনি সিয়েন ন-পারস্ সালে মঅ গিরোজ্‌সো কামগুরিয়্যেগুনো ভিদিরে বেগত্তুন্ যে চিগোন তারে বা তুই কেধোক্ক্যেন গুরি মানা গুরিবে, যুনিয়ো তুই মিসরর্ রথ আর ঘোড়া চালেয়্যেগুনো উগুরে বিশ্বেজ্ গরর্?‍‍

যিরমিয় 46:21

মিসরর্ বেতনবলা সৈন্যগুন পক্তা মক্তা গোরু ধোক্ক্যেন্। তারায়ো ফিরিনে একসমারে ধেবাক্; তারা থির্ থেইনে যুদ্ধো ন-গুরিবাক্, কিত্তে তারা উগুরে ভস্ত অবার্ দিন এজের্, তারার সাজা পেবার সময় এচ্চ্যে।

যিহিষ্কেল 1:24

প্রাণিগুন আঢিলে পরেদি মুই তারার্ ডুয়োগানির্ রঅ শুনিদুং; সিয়েনি এলদে বান পানি গঙার রঅ ধোক্ক্যেন, বেগত্তুন্ খেমতাবলাবোর্ রবো ধোক্ক্যেন, এক্কো সৈন্যদলর্ কোল্‌‌বাজেয়্যে ধোক্ক্যেন। প্রাণিগুন থির্ ওইনে থিয়্যেলে পরেদি তারা তারার্ ডুয়োগানি বুদি নেযেদাক্।

যিহিষ্কেল 10:5

করূব্‌পুনোর ডুয়োগানির রঅ বারেদি উদোন সং শুনো যার্; সেই রবো এলদে বেগত্তুন্ খেমতাবলা লগেপ্রভুর কধা কবার্ রঅ ধোক্ক্যেন।

ফগদাং পেইয়্যে 9:9

তারার্ বুগোত্ বুগ রোক্ষ্যে গুরিবার লুয়ো পজাক্ এলঅ। ভালোক্কুন ঘোড়া একসমারে যুদ্ধোর রথ্‌তানি টানিনে দাবা দিলে যেধোক্ক্যেন রঅ অয়, তারার্ ডুয়োগানির রঅগুন ঠিগ্ সেধোক্ক্যেন এলঅ।

বিচের গুরিয়্যেগুন 7:21

তাম্বুলোর চেরোকিত্তে গিদিয়োনর মানুচ্চুনে যেক্কে তারার জাগায়ানিত্‌ দরমড় গুরি থিয়্যেলাক্‌ সেক্কে বেক মিদিয়নীয়গুনে ধাবাদিইনে রঅ ছাড়িনেই ধেই যাহ্ ধুরিলাক্‌।

১ শমূয়েল 14:15

ইয়েনর্ কারণে পলেষ্টীয়গুনোর যুদ্ধোর মাদর্‌ তাম্বুলোত্‌ আর বেক্‌ সৈন্যগুনো ভিদিরে এক্কান দর্‌বুক দেগা দিলো; এন্‌ কি, তারার মিক্‌মসর তাম্বুলোত্‌ আর আর্মিগুনেয়ো দরে গির্‌গিরা ধুরিলাক্, আর সেই লগে ভূজোল্অ বেলঅ। সেই অমহদ দরান্‌ গোজেনর ইত্তুন্‌ এচ্চ্যে।

১ শমূয়েল 26:6

দায়ূদে যেক্কে হিত্তীয় অহীলেমক আর সরূয়ার পূঅ যোয়াবর ভেই অবীশয়রে কলঅ, “সেই তাম্বুলো ভিদিরে শৌলর ইদু তুমি কন্না মঅ লগে যেবা?” অবীশয় কলঅ, “মুই যেম্‌।”