২ রাজাবলী 7:5 - Chakma Bible

⁵ ইয়েন্‌ কোইনে সাজ্যেন্যের্‌ আগেন্দি তারা অরামীয়গুনোর তাম্বুলোত্‌ গেলাক্‌। তাম্বুলোর্‌ ঢাগেন্দি যেইনে চেলাক্‌ সিয়েনত্‌ এক্কো মানুচ্‌অ নেই।

২ রাজাবলী 7:5 ပူးပေါင်းရင်းမြစ်များ

২ রাজাবলী 7:4

যুনি কোই আমি শঅরত্‌ যেবং সালে সিদুয়ো ভাদরাত্‌ আর আমি মুরিবোং। যুনি ইয়োত্‌ থেই তুয়ো মুরিবোং। বরং আমি যেই, আমি অরামীয়গুনোর তাম্বুলোত্‌ যেইনে তারা আঢত্‌ নিজোরে তুলি দিই। যুনি তারা আমারে বাজান্ সালে আমি বাঁজিলোং, আর নয়দ মুরিবোং।”

২ রাজাবলী 7:6

লগেপ্রভু রথ, ঘোড়া আর দাঙর্‌ এক্কো সৈন্যর্‌ রঅ অরামীয়গুনোরে শুনেয়্যে। সেক্কে অরামীয় সৈন্যগুনে তারে তে কলাক্‌, “চঅ, আমারে আক্রমণ গুরিবাত্তে ইস্রায়েলর রাজা হিত্তীয় আর মিসরীয় রাজাগুনোরে টেঙা দিয়্যে।”

যিহিষ্কেল 12:12

তারা ভিদিরে শাজন্‌গুরিয়্যেবো আন্ধারত্ তার পযাপিরানি কানাত্ তুলিনে নিগিলিবো আর দেবালত্ গাঢ্ কুড়ো অবঅ যেনে তে সিবে ভিদিরেদি নিগিলিনে যেই পারে। তে তার্ চোগ্‌কুন নাঢিবো যেনে তে তা দেজর্ মাদিগান ন-দেগে।

লেবীয় 27:26

কনঅ য়েমানর্‌ পত্তম চেলা ছঅবো কনজনে লগেপ্রভুর নাঙে যুদো গুরি রাগেই ন-পারিবো, কিত্যে বেক্‌ য়েমানর্‌ পত্তম ছঅগুন্‌ লগেপ্রভুর। ছঅবো গোরুর ওক্‌ বা ভেড়ার ওক্ সিবে লগেপ্রভুর।

লেবীয় 27:8

মান্যেদে সিবে যুনি নাদা অয় আর এ ঠিগ্ গোজ্যে দামান্‌ দি ন-পারে সালে তাত্তুন্‌ উৎসর্ব গোজ্যে মানুচ্চোরে নেযেইনে ধর্মগুরুবো ইদু যাহ্‌ পুরিবো। ধর্মগুরুবো সেক্কে মান্যেদে সিবের্‌ দিবার্‌ খেমতাগান বুঝিনে তার্‌ দামান্‌ ঠিগ্ গুরি দিবো।

দ্বি’লম্বর বিররণ 28:7

যিগুনে শত্রু ওইনে তমার বিরুদ্ধে থিয়্যেবাক লগেপ্রভু এমন্‌ গুরিবো যেনে তারা তমা ইদু উদিই যান। তারা এক কিত্তেন্দি তমারে আক্রমন গুরিবাত্তে এইনে সাত কিত্তেন্দি ধেই যেবাক।

দ্বি’লম্বর বিররণ 32:25

শঅরর্‌ বারেন্দি লাম্বা ছুড়ির আঘাতে তারার পূঅ-ঝিগুনে মুরি যেবাক্, আর ঘর ভিদিরে দর্‌ দর্‌ ভাব লাগিবো। তারার বেক গাবুজ্যে-গাবুরী, চিগোন পূঅ-ঝি আর বুড়োগুনে ভস্ত ওই যেবাক্।

দ্বি’লম্বর বিররণ 32:30

কেন্‌জান্ গুরি একজনে আজার জনরে ধাবেই-দে, কেন্‌জান্ গুরি দ্বিজনরে দেগিনে দশ আজার মানজ্যে ধেই যান, যুনি তারার জিরেবার-মুড়োবো শত্রুগুনোর আদত্‌ তারারে বেজা দিইনে থান, যুনি লগেপ্রভু শত্রুগুনোর আদত্‌ তারারে তুলি দিইনে থায়?

১ শমূয়েল 30:17

দায়ূদে সেদিন্যে বেল্যেত্তুন্‌ ধুরি আরাম্ভ গুরিনে তারকেল্যে সাজোন্যে সং তারার্‌ লগে যুদ্ধো গুরিলো। তারা ভিদিরেত্তুন্‌ কনজনে রোক্ষ্যে ন-পেলাক্, বানা চেরশত্‌ গাবুজ্যে উদোর্‌ পিদিত্‌ গুরিনে ধেই গেলাক্‌।