২ রাজাবলী 7:18 - Chakma Bible

¹⁸ তে রাজারে যেধোক্কেন্‌ কোইয়্যে সেধোক্কেন্‌ ঘটনাগান্‌ ঘুদিলো। তে কোইয়্যেদে, “এজেত্তে কেল্যে এ সময়োত্‌ শমরিয়ার গেদোত্‌ ছয় কেজি মোয়দে বার গ্রাম রূবোলোই আর বার কেজি কেজ্‌বিজিলোই বার গ্রাম রূবো বেজা অবঅ।”

২ রাজাবলী 7:18 ပူးပေါင်းရင်းမြစ်များ

পত্থম 18:14

লগেপ্রভু ইধু ন-পারে পারা কি কিজু আঘে? এজেত্তে বজর্‌ ঠিগ্ এ সময়োত্‌ মুই আরঅ তমা ইধু ফিরি এইম্‌ আর সেক্কে সারা করত্‌ এক্কো পুয়ো থেবঅ।”

২ রাজাবলী 6:32

ইলীশায় সেক্কে তা ঘরত্‌ বোই এলঅ আর তা লগে এলাক্‌ বুড়ো নেতাগুনে। রাজা এক্কো মান্‌জ্যরে ইলীশায় ইদু পাধেই দিলো, মাত্তর্‌ মানুচ্চো সিদু লুমিবার্‌ আগেন্দি ইলীশায় বুড়ো নেতাগুনোরে কলঅ, “তুমি কি নঅ-দেগর্‌ সে খুনিবো মঅ মাধাবো কাবি ফেলেবাত্তে কিঙিরিনে এক্কো মান্‌জ্যরে পাদেয়্যে? চঅ, মানুচ্চো এজানার্‌ পরেন্দি তুমি দোরান্‌ বানি দিবা আর তা মুজুঙোত্‌ দোরান্‌ বানি রাগেবা। তা পিজেন্দি কি তা গিরোজ্‌সো টেঙ রঅবো শুনো ন-যার্‌?”

২ রাজাবলী 7:19

জোবত্‌ সে কাম্‌গুরিয়্যেবো গোজেন মানুচ্চোরে কোইয়্যেদে, “চাহ্, লগেপ্রভু যুনি আগাজ দোরান্‌অ খুলি দে তো কি ইয়েন্‌ ওই পারে?” গোজেন মানুচ্চো কোইয়্যেদে, “তুই নিজের্‌ চোগে সিয়েন্‌ দেগিবে, মাত্তর্‌ সিয়েনি কিচ্ছু তুই হেই ন-পারিবে।”

যিশাইয় 44:26

মাত্তর্ মুই মঅ চাগরুনোর কধানি সফল্ অবাত্তে দুয়োং আর মঅ দূত্‌তুনোর কধা পূরোণ গরং। মুই যিরূশালেম পৌইদ্যেনে কঙর্, ‘সিয়েনত্ মানুচ্চুনে বজত্তি গুরিবাক্,’ আর যিহূদার্ শঅরানি পৌইদ্যেনে কঙর্, ‘সিয়েনি আরঅ বানা অবঅ।’ মুই দেজর্ ভস্তর্ জাগায়ানি আরঅ বানেম্।