২ রাজাবলী 7:17 - Chakma Bible

¹⁷ যে কাম্‌গুরিয়্যেবো রাজারে বল্‌ দিয়্যে তা উগুরে তে গেদোত্‌ দেগাশুনো গুরিবার্‌ ভারান্‌ দিলো, মাত্তর্‌ মানুচ্চুনে এন্‌গুরি নিগিলি গেলাক্‌, তে গেদো পথ্‌তানত্‌ মানুচ্চুনোর্‌ টেঙ তলে চাবা পড়িনে মুরি গেলঅ। গোজেন মানুচ্‌ ইলীশায় তা ঘরত্‌ রাজারে যে কধাগান কোইয়্যে সেধোক্কেন্‌ গুরিনে মুরি গেলঅ।

২ রাজাবলী 7:17 ပူးပေါင်းရင်းမြစ်များ

২ রাজাবলী 5:18

মাত্তর্‌ এ এক্কান পৌইদ্যেনে যেনে লগেপ্রভু তার্‌ চাগর্‌ মরে ক্ষেমা গরে। মর্‌ গিরোজ্‌সো যেক্কে রিম্মোণ দেবেদার মন্দিরোত্‌ সুমিনে মর্‌ বল্লোই রিম্মোনর নাঙে মাদিত্‌ মাধা নিগিরে সেক্কে মত্তুনঅ সিদু মাদিত্‌ মাধা নিগিরে পড়ে। এ পৌইদ্যেনে যেনে লগেপ্রভু মরে ক্ষেমা গরে।”

২ রাজাবলী 6:32

ইলীশায় সেক্কে তা ঘরত্‌ বোই এলঅ আর তা লগে এলাক্‌ বুড়ো নেতাগুনে। রাজা এক্কো মান্‌জ্যরে ইলীশায় ইদু পাধেই দিলো, মাত্তর্‌ মানুচ্চো সিদু লুমিবার্‌ আগেন্দি ইলীশায় বুড়ো নেতাগুনোরে কলঅ, “তুমি কি নঅ-দেগর্‌ সে খুনিবো মঅ মাধাবো কাবি ফেলেবাত্তে কিঙিরিনে এক্কো মান্‌জ্যরে পাদেয়্যে? চঅ, মানুচ্চো এজানার্‌ পরেন্দি তুমি দোরান্‌ বানি দিবা আর তা মুজুঙোত্‌ দোরান্‌ বানি রাগেবা। তা পিজেন্দি কি তা গিরোজ্‌সো টেঙ রঅবো শুনো ন-যার্‌?”

২ রাজাবলী 7:2

রাজারে যে কামগুরিয়েবো বল্‌ দিয়্যে তে গোজেন মানুচ্চোরে কলঅ, “চাহ্, লগেপ্রভু যুনি আগাজ দোরান্‌অ খুলি দে তো কি ইয়েন্‌ ওই পারে?” জোবত্‌ ইলীশায় কলঅ, “তুই নিজোর্‌ চোগেন্দি সিয়েন্‌ দেগিবে, মাত্তর্‌ সিয়েনির্‌ কনগান্‌ তুই হেই ন-পারিবে।”

২ রাজাবলী 9:33

যেহূ কলঅ, “তারে তলেন্দি ফেলেই দুয়ো।” সেক্কে তারা ঈষেবলরে তলেন্দি ফেলেই দিলাক্‌ আর যেহূর রথ্‌তান ঘোড়াগুনে তারে টেঙন্দি উরিলাক্‌। সেক্কে তা লো-গান্‌ ছিদি পুরিনে দেবালত্‌ আর ঘোড়াগুনো ইদু বাঁজিলো।

যিশাইয় 25:10

লগেপ্রভুর আঢ্‌‌তান এ মুড়োবো উগুরে থেবঅ। গবর সমারে যেধোক্ক্যেন্ হেরানি টেঙোই মাড়া অয় ঠিগ্ সেধোক্ক্যেন্ গুরি মোয়াবরেয়ো তে টেঙোই মাড়িবো।

মীখা 7:10

সেক্কে আমা শত্রুগুনে সিয়েন দেগিনে অমকদ লাজেবাক্। তারা দঅ আমারে কদাক্, “তমার্ গোজেন লগেপ্রভু কুধু?” মাত্তর্ আমা চোগ্‌‌‌কুনে তারারে পত্তে দেগিবাক্; এন্ কি, পধ কাদা ধোক্ক্যেন তারারে টেঙোই মাড়া অবঅ।‌

ইব্রীয় 10:29

সালে গোজেনর্ পুয়োবোরে যে ঈচ্ গোজ্জ্যে, যে লো-গান্দোই তে সিজি ওইয়্যে গোজেনর্ সেই বেবস্থার্ লো-গানরে যে অপবিত্র মনে গোজ্জ্যে আর যে দোয়্যে গরে সেই পবিত্র আত্মাগানরে যে অগমান গোজ্জ্যে, ভাবি চঅ, তে আরঅ কত্তমান বেশ্ সাজা পেবার্!

বিচের গুরিয়্যেগুন 20:43

তারা বিন্যামীনীয়গুনোরে লোড়েইনে ঘিরি ফেলেলাক্‌ আর গিবিয়ার পূগেন্দি তারার ঝিরেবার জাগানত্‌ তারারে মারে ফেলেলাক্‌।