২ রাজাবলী 7:15 - Chakma Bible

¹⁵ তারা যর্দন গাঙ সং তারারে তোগেলাক আর দেগিলাক্‌ অরামীয়গুনে যাদিমাদিগুরিনে ধেই যেবার্‌ সময়োত্‌ বেক্‌ পথ্‌তানিত্‌ তারার্‌ কাবড়-চুগোড়ানি আর বেক্‌ পযাপিরানি ফেলেই যেইয়োন্‌। যিগুনোরে পাদা ওইয়্যে তারা ফিরি যেইনে রাজারে বেক্‌ হবরানি জানেলাক্‌।

২ রাজাবলী 7:15 ပူးပေါင်းရင်းမြစ်များ

২ রাজাবলী 7:14

সেক্কে তারা ঘোড়া সহ দ্বিয়েন্‌ রথ বেই নিলাক্‌, আর রাজা অরামীয় সৈন্যগুনোরে তোগেবাত্তে তারারে পাধেই দিলো। রথ-চালেয়্যেগুনোরে তে এ উগুমান্‌ দিলো, “তুমি যেইনে হবর্‌ লঅ কি ওইয়্যে।”

২ রাজাবলী 7:16

সেক্কে মানুচ্চুনে নিগিলি যেইনে অরামীয়গুনোর্‌ তাম্বুলান্‌ লুদেলাক্‌। সেক্কে লগেপ্রভুর কধামজিম্‌ ছয় কেজি মোয়দে বার গ্রাম রূবোলোই আর বার কেজি কেজ্‌বিজি বার গ্রাম রূবোলোই বেজা অলঅ।

ইষ্টের 1:7

বেক্‌ পানীয়গুন্‌ নানান্‌ রঙর্‌ সনার্‌ পিলেত্‌ দিয়্যে ওইয়্যে। রাজার মনান্‌ দাঙর্‌ এলঅ বিলিনে রাজঘরত্‌ আংগুর-রস এলদে বজমান্‌।

ইয়োব 2:4

শদান্‌নো কলঅ, “তা জীংকানিগান তাইদু পরাণর পরান; মানুচ্‌ নিজো পরাণান বাঁজেবাত্তে তার্‌ যিয়েনি আঘে বেক্কানি দিবো।

উপদেশক 3:6

তোগেইনে পেবার্ সময় আর আরেবার্ সময়, রাগেবার্ সময় আর ফেলেই দিবার্ সময়,

যিশাইয় 10:3

সাজা পেবার্ দিনুনোত্ যেক্কে দূরোত্তুন্ দজা এবঅ সেক্কে তুমি কি গুরিবা? বল্ পেবাত্তে কাইদু দাবা যেবা? তমা ধন-সোম্বোত্তিগানি কুদু থোই যেবা?

যিশাইয় 2:20

সেদিন্যে মান্‌জ্যে তারার্ পূজোত্তে বানেয়্যে সোনা আর রূবোর্ মুত্তিগুন্ চুজি হেইয়্যে আর বাদোলুনো ইদু ফেলেই দিবাক্।

যিশাইয় 22:24

তা বংশবোর বেক্ কামানি তা কানাত্ থেবঅ। নানান্ বাবোত্যে চিগোন-চাগন্ পিলে যেধোক্ক্যেন খুদোত্ দুলোন সেধোক্ক্যেন তার ঝি-পুয়োগুন আর বংশধরুন তা কানাত্ দুলি দুলি থেবাক্।

যিশাইয় 31:7

কিত্তে সেদিন্যে তুমি বেক্কুনে যেদক্কানি সনা আর রূবোর্ মূত্তি বানেইনে পাপ গোজ্য সিগুন দূর্ গুরি দিবা।

যিহিষ্কেল 18:31

তমা বেক্ অন্যেয়ানি তমা নিজোত্তুন্ দূর গরঅ আর তমা রিবেঙানি আর মনানি নুয়ো গুরি তুলো। কিত্তে তুমি মুরিবা?

মথি লেখ্যে গম্ হবর্ 16:26

যুনি তুই পুরো পিত্‌থিমীগান পেইনেয়ো সিয়েনর বদলে আজল্ জিংকানিগান্ আরাস্ সালে সিয়েনর্ কি লাভ্ অলঅ? নিশ্চই নয়! সালে কেধোক্ক্যেন গুরি এক্কো মান্‌জ্যে তা জিংকানিগান ফিরি পেবঅ?

ইব্রীয় 12:1

সালে দেগা যাত্তে, গোজেন উগুরে বিশ্বেজর্ সাক্ষী ইজেবে বোউত্ মানুচ্‌ আমা চেরোকিত্যেদি ঝাগ্ গুরি আঘন্। ইয়েনত্যে এজঅ, আমি পত্তি ঝাগুলুগ্ জিনিস আর যে পাপ্পানিয়ে সহজে আমারে বেড়েকোরে ধুরিনে সিয়েনিরে দূরোত্ ঠেলি দিইনে মুজুঙেদি জিদেজিত্যে ধাবাদেনাত্ ধৈয্য ধুরিনে ধাবা দিই।