২ রাজাবলী 7:1 - Chakma Bible

¹ ইলীশায় কলঅ, “লগেপ্রভু কি কোইয়্যে সিয়েন শুনো। তে কত্তে, এজেত্তে কেল্যে শমরিয়ার গেদোত্‌ বার গ্রাম রূবোলোই ছয় কেজি মোয়দে আর বার গ্রাম রূবোলোই বার কেজি কেজ্‌বিজি বেজা অবঅ।”

২ রাজাবলী 7:1 ပူးပေါင်းရင်းမြစ်များ

১ রাজাবলী 22:19

মীখায় কুয়ো ধুরিলো, “সালে তুই লগেপ্রভুর কধা শুন্‌। মুই চেলুং, লগেপ্রভু তার্‌ সিংহাসনত্‌ বোই আঘে আর তা ডেনে আর বাঙেন্দি বেক্‌ স্বর্গদূত্তুনে আগন্‌।

২ রাজাবলী 20:16

সেক্কে যিশাইয় হিষ্কিয়রে কলঅ, “লগেপ্রভু যিয়েনি কোইয়্যে সিয়েনি তুই শুন্‌।

২ রাজাবলী 4:42

বাল্‌-শালিশাত্তুন্‌ এক্কো মান্‌জ্যে গোজেন মানুচ্চোত্তে পত্তমে তুল্যে ফসলত্তুন্‌ কুড়িবো কেশ্‌বিজিলোই বানেয়্যে রুটি সিগিনে আনিলো, আর তা লগে কিজু নূয়ো ফসল আনিলো। ইলীশায় কলঅ, “ইগুন্‌ মানুচ্চুনোরে হেবাত্তে দে।”

২ রাজাবলী 6:25

সেক্কে শঅরত্‌ অমকদ ভাদরাত্‌ দেগা দিলো। এ ঘিরেনাগান্‌ এদকদিন ধুরি চলিলোদে, এক্কো গাধার মাধা পেরায় এক কেজি রূবোলোই আর এক পাবা কোদোরোর্‌ ঘু সাত গ্রাম রূবোলোই বেজা যেদঅ।

২ রাজাবলী 6:33

ইলীশায় সেক্কেয়ো কধা কর্‌ এন্‌ সময়োত্‌ সে মানুচ্চো তাইদু এলঅ। সে পরেন্দি রাজা এইনে কলঅ, “এ দযাগান্‌ লগেপ্রভুত্তুন এচ্ছে। মাত্তর্‌ লগেপ্রভুত্তে আর্‌ মুই কিত্তে দেরি গুরিম?”

২ রাজাবলী 7:16

সেক্কে মানুচ্চুনে নিগিলি যেইনে অরামীয়গুনোর্‌ তাম্বুলান্‌ লুদেলাক্‌। সেক্কে লগেপ্রভুর কধামজিম্‌ ছয় কেজি মোয়দে বার গ্রাম রূবোলোই আর বার কেজি কেজ্‌বিজি বার গ্রাম রূবোলোই বেজা অলঅ।

গীতসংহিতা 46:5

গোজেনে সেই শঅরানত্ থায়, সেনত্তে সিয়েন থির্ থেবঅ; বেন্যেপোত্যে গোজেনে তারে বল্ দিবো।

যাত্রা 14:13

মোশি তারারে কলঅ‌, “ন-দোরেয়ো। তুমি যিয়োত্‌ আগঅ‌ সিয়োদোই‌ থাগঅ আর লগেপ্রভুর উদ্ধোর্‌ গুরিবার্‌ কামান্‌ একবার্‌ চঅ। তে এইচ্যে তমাত্যে সিয়েন্‌ গুরিবো। যে মিসরীয়গুনোরে এইচ্যে তুমি দেগর্‌ ইয়েনর্ পরেদি তারারে আর কনদিন্‌‌অ ন-দেগিবা।

যাত্রা 16:12

“ইস্রায়েলীয়গুনে মর্‌ বিরুদ্ধে যেদক্কানি কধা কদন্‌ সিয়েনি মুই শুন্যং। তারারে এই কধাগান্‌ কোই‌ দুয়ো, তারা সাজোন্যা অক্তত্‌ য়েরা হেবাক্‌ আর বেন্যে মাদান হেবাক্‌ পেট ভরন্‌ পিদে। সেক্কে তারা জানি পারিবাক্‌, মুই লগেপ্রভু তারার্‌ গোজেন।”

যাত্রা 8:23

মঅ মানুচ্চুনোরে মুই রেহাই দিম, তঅ মানেইয়ুনোরে নয়। এজেত্যে কেল্যে এ আমক্‌ অবার বেপারান্‌ দেগা যেবঅ।’ ”

যিশাইয় 1:10

ও সদোমর শাজন্‌গুরিয়্যেগুন্, লগেপ্রভুর কধানি শুনো। ও ঘমোরার মানুচ্চুন্, আমা গোজেনর উগুমানি কান্ পাদঅ।

যিহিষ্কেল 37:4

সেক্কে তে মরে সেই আড়ুনো ইধু এই আগাম্ কধানি কবাত্তে কলঅ, “ও শুগুনো বেক্ আড়ুন, তুমি লগেপ্রভুর কধানি শুনো।

যোহন 6:9

আন্দ্রিয় যীশুরে কলঅ, “ইয়েনত্ এক্কো পুয়োর্ পাচ্চান্ মোক্ক্যে রুটি আর দ্বিবে মাছ আঘে; মাত্তর্ ইদুক্কুন্ মান্‌জ্যর সিগুন্দোই কি অবঅ?”

যিহোশূয় 3:5

ইয়েনর্ পরেন্দি যিহোশূয় মানুচ্চুনোরে কলঅ‌, “তুমি নিজোরে সিজি গুরি নেযঅ‌, কিত্যে এযেত্যেকেল্যে লগেপ্রভু তমা ভিদিরে ভালক্কানি আমক্‌ কাম্‌ গুরিবো।”

ফগদাং পেইয়্যে 6:6

আর মুই সেই চের্‌বো জেদা পরাণবলাগুনোর্ সংমধ্যে কাররে কধে শুনিলুং, “এক্কো কামগুরিয়্যের্ এক দিনোর আয় বানা এক সের্ গম বা তিন সের্ কেচ্‌বিজি পাহ্ যায়। তেল আর আঙ্গুর-রচ্‌‌সান তুই বর্‌বাদ ন-গুরিচ।”

১ শমূয়েল 11:9

যাবেশত্তুন যে মানুচ্চুনে হবর্ আন্যন্‌ গিবিয়ার মানুচ্চুনে তারারে কলাক্, “যাবেশ-গিলিয়দর মানু্‌চ্চুনোরে যেইনে জানেবাদে, এযেত্যে কেল্যে দিবুজ্যেমাদান ভিদিরে তারারে উদ্ধোর্ গরা পুরিবো।” এই কধাগান যাবেশর্ মানুচ্চুনোরে কুয়া অলে পরেন্দি তারা অমহদ হুুজি অলাক্।

১ শমূয়েল 15:1

শমূয়েল শৌলরে কলঅ, “লগেপ্রভু তা মানুচ্‌ ইস্রায়েলীয়গুনো উগুরে তরে রাজা ইজেবে অভিষেগ্ গুরিবাত্তে মরে পাদেয়্যে। ইক্কিনে তুই লগেপ্রভুর কধানি শুনিচ্‌।