২ রাজাবলী 6:32 - Chakma Bible

³² ইলীশায় সেক্কে তা ঘরত্‌ বোই এলঅ আর তা লগে এলাক্‌ বুড়ো নেতাগুনে। রাজা এক্কো মান্‌জ্যরে ইলীশায় ইদু পাধেই দিলো, মাত্তর্‌ মানুচ্চো সিদু লুমিবার্‌ আগেন্দি ইলীশায় বুড়ো নেতাগুনোরে কলঅ, “তুমি কি নঅ-দেগর্‌ সে খুনিবো মঅ মাধাবো কাবি ফেলেবাত্তে কিঙিরিনে এক্কো মান্‌জ্যরে পাদেয়্যে? চঅ, মানুচ্চো এজানার্‌ পরেন্দি তুমি দোরান্‌ বানি দিবা আর তা মুজুঙোত্‌ দোরান্‌ বানি রাগেবা। তা পিজেন্দি কি তা গিরোজ্‌সো টেঙ রঅবো শুনো ন-যার্‌?”

২ রাজাবলী 6:32 ပူးပေါင်းရင်းမြစ်များ

১ রাজাবলী 14:6

সেনত্তে দোরো ইদু তার্‌ টেঙ রঅবো শুনিনে অহিয় কলদে, আয়, যারবিয়ামর মোক্কো। তুই হিত্তেই এ ভান্ গরর্‌? তরে ভান্ন্যেই হবরান্‌ দিবাত্তে মরে কুয়ো ওইয়্যে।

১ রাজাবলী 18:4

ইষেবলে যেক্কে লগেপ্রভুর ভাববাদীগুনোরে মারে ফেলেল সেক্কে ওবদিয় একশজন ভাববাদীরে লোইনে পঞ্চাশজন পঞ্চাশজন গুরিনে দ্বিবে গাদত্‌ লুগেই রাগেল। তে তারার্‌ হানা আর পানি যুগেই দিদো।

১ রাজাবলী 21:10

তা মুজুঙোত্‌ দ্বিয়েন্‌ আসনত্‌ দ্বিজন বজং মান্‌জ্যরে বজঅ। তারা ইয়েন্‌ কোইনে তা বিরুদ্ধে সাক্ষি দেদোক্‌, তে গোজেন আর রাজার বিরুদ্ধে অগমানর্‌ কধা কোইয়্যে। সে পরেন্দি তারে সিয়োত্তুন্‌ নিগিলেনে পাত্তর্‌ মেলাহ্ মারিনে মারে ফেলঅ।”

১ রাজাবলী 21:13

সে পরেন্দি দ্বিজন বজং মানুচ্‌ এইনে নাবোতর্‌ মুজুঙোত্‌ বজিনে মানুচ্চুনোর্‌ ইদু তা বিরুদ্ধে এ সাক্ষীগান্‌ দিলাক্‌, তে গোজেন্‌ আর রাজার বিরুদ্ধে অগমানর্‌ কধা কোইয়্যে। সে পরেন্দি মানুচ্চুনে তারে শঅরর্‌ বারেন্দি নেযেইনে পাত্তর্‌ মেলাহ্ মারিনে মারে ফেলেলাক্‌।

১ রাজাবলী 21:19

তুই তারে কঅ, লগেপ্রভু কত্তে, ‘তুই কি ইক্কো মান্‌জ্যরে মারে ফেলেইনে তা সোম্বোত্তিগানি গজক্ ন-গরচ্‌?’ সে পরেন্দি তারে কঅ, লগেপ্রভু কত্তে, ‘কুগুরুনে যিয়েনত্‌ নাবোতর্‌ লোগান লেইলেই হেইয়োন্‌ সিয়েনত্‌ তারা তঅ লোগান, অয় তর্‌ লোগান লেইলেই হেবাক্‌।’”

২ রাজাবলী 5:26

মাত্তর্‌ ইলীশায় তারে কলঅ, “সে মানুচ্চো যেক্কে তঅ লগে দেগা গুরিবাত্তে রথ্‌তানত্তুন্‌ লাম্মে সেক্কে মর্‌ মনানে কি তঅ লগে ন-যায়? টেঙা-পোইজ্যে, কাবড়্‌-চুগোড়্‌, জলপাইয়োর্‌ বাগান, আংগুর-ক্ষেত, গোরু-ছাগল-ভেড়া আর চাগর্‌-চাগরানী নেযেবার্‌ ইবে কি সময়?

২ রাজাবলী 6:12

তার্‌ সেনাপতিগুনো ভিদিরেত্তুন্‌ একজনে কলঅ, “ও মর্‌ গিরোজ্‌ মহারাজ, আমা ভিদিরেত্তুন্‌ কনজনে নেই; মাত্তর্‌ তুই ঘুমযাইদে ঘরানত্‌ যে কধানি কচ্‌ সে কধানি পযন্ত ইস্রায়েলর ভাববাদী ইলীশায় ইস্রায়েলর রাজারে কোই দিদো।”

২ রাজাবলী 7:17

যে কাম্‌গুরিয়্যেবো রাজারে বল্‌ দিয়্যে তা উগুরে তে গেদোত্‌ দেগাশুনো গুরিবার্‌ ভারান্‌ দিলো, মাত্তর্‌ মানুচ্চুনে এন্‌গুরি নিগিলি গেলাক্‌, তে গেদো পথ্‌তানত্‌ মানুচ্চুনোর্‌ টেঙ তলে চাবা পড়িনে মুরি গেলঅ। গোজেন মানুচ্‌ ইলীশায় তা ঘরত্‌ রাজারে যে কধাগান কোইয়্যে সেধোক্কেন্‌ গুরিনে মুরি গেলঅ।

যিরমিয় 11:18

অনাথোত মানুচ্চুনোর কুজুরোমীর কধা লগেপ্রভু মইধু ফগদাং গোজ্যে বিলি মুই সিয়েন হবর্ পেইয়োং।

যিরমিয় 32:3

কিত্তে যিহূদার রাজা সিদিকিয় এ কধাগান কোইনে তারে বন্দী গোজ্যে, তুই এ কধাগান কোইনে আগামকধা গোজ্যস্, লগেপ্রভু কোইয়্যেদে, “মুই এ শঅরানরে বাবিলো রাজা আঢত্ তুলি দিবাত্তে যাঙর্ আর তে সিয়েন গজক্ গুরিবো।

যিহিষ্কেল 14:1

পরে ইস্রায়েলর কয়েক্কো বুড়ো নেতা মইধু এইনে মঅ মুজুঙোত্ বজিলাক্।

যিহিষ্কেল 20:1

সাত বজরর্ পাচ্ মাসর দশ দিনোত্ ইস্রায়েলর কয়েক্কো বুড়ো নেতা লগেপ্রভুর আওজ্ জানিবাত্তে এইনে মঅ মুজুঙোত্ বজিলাক্।

যিহিষ্কেল 33:31

মঅ মানুচ্চুনে অভ্যেস্ মজিম তইধু এজন্ আর তঅ কধানি শুনিবাত্তে তঅ মুজুঙোত্ বজন্, মাত্তর্ তারা সিয়েনি কামত্ ন-লাগান। মুয়োদি তারা কোচ্‌‌‌‌‌পানার কধা কন মাত্তর্ তারার মনত্ লুভ্‌‌‌‌‌পান থায়। ‌‌‌‌‌

যিহিষ্কেল 8:1

বন্দীদজাত্ থেবার ছয় বজরর্ ছয় মাসর্ পাচ্ দিনোত্ মুই যেক্কে মঅ ঘরত্ বুয়োই এলুং আর যিহূদার বুড়ো নেতাগুনে মঅ মুজুঙোত্ বুয়োই এলাক্ সেক্কে প্রভু লগেপ্রভুর আঢ্‌‌‌তানি সেই জাগানত মঅ উগুরে এলঅ।

লূকে লেখ্যে গম্ হবর্ 13:32

যীশু তারারে কলঅ, তুমি যেইনে সেই শিয়েল্লোরে কঅ, আর কয়েকদিন মুই ভান্ন্যেই আত্মা ধাবেম্ আর পিড়েল্ল্যেগুনোরে গম্ গুরিম আহ্ সে পরেদি মঅ কামানি থুম্ গুরিম।