২ রাজাবলী 6:30 - Chakma Bible

³⁰ মিলেবোর্‌ কধানি শুনিনে রাজা তা পোজাক্কানি ফাদি ফেলেল। তে সেক্কেয়ো দেবাল উগুরেন্দি আদের্‌। সেক্কে মানুচ্চুনে দেগিলাক্‌, তার্‌ পোজাক্কানি ভিদিরে তে বস্তার্‌ সিলুম্‌ উরি আঘে।

২ রাজাবলী 6:30 ပူးပေါင်းရင်းမြစ်များ

১ রাজাবলী 21:27

আহাবে লগেপ্রভুর কধা শুনিনে নিজো কাবড়ান্‌ ফাদি ফেলেইনে বস্তা ফাদা উরিলো আর উবোস্‌ থেলঅ। তে বস্তা ফাদা উরিনে ঘুম্‌ যেদঅ আর নম্রগুরিনে আঢাউদো গুরিদো।

২ রাজাবলী 18:37

ইয়েন পরেন্দি রাজঘর নেতা হিল্কিয়োর পুয়ো ইলীয়াকীম, রাজার লিগিয়্যে শিব্‌ন আর বিজগ লিগিয়্যে আসফর পুয়ো যোয়াহ তারার্‌ কাবড়ানি ফাদিনে হিষ্কিয়ো ইদু গেলাক্‌ আর রব্‌শাকির বেক্‌ কধানি তারে জানেলাক্‌।

২ রাজাবলী 19:1

রাজা হিষ্কিয় এ কধাগান শুনিনে নিজো কাবড়ানি ফাদিলো আর বস্তার্‌ সিলুম্‌ উরিনে লগেপ্রভুর ঘরত্‌ গেলঅ।

২ রাজাবলী 5:7

ইস্রায়েলর রাজা সে চিদিগান পুরিপারাই তা কাবড়ান্‌ ফাদিনে কলঅ, “মুই কি গোজেন? মুই কি মারে ফেলেইনে আরঅ জিংকানিগান্‌ দি পারং? ফারাঙিত্তুন্‌ গম্‌ অবাত্তে কিত্তে এ মানুচ্চো মইদু একজনরে পাদেয়্যে? চঅ, কিঙিরিনে তে মঅ লগে কোল্‌-কোজ্যে বাজেবাত্তে চেট্ট্যা গরের্‌।”