২ রাজাবলী 6:22 - Chakma Bible

²² জোবত্ তে কলঅ, “না, তারারে ন-মারিবে। তর্ নিজোর্ তলোয়ার আর ধনুলোই তুই যিগুনোরে বন্দী গোজ্যস্ তারারে কি মারে ফেলেবে? তারারে তুই হানা আর পানি দিচ্, যেনে তারা হেইনে-থেইনে তারা গিরোজ ইদু ফিরি যেই পারন।”

২ রাজাবলী 6:22 ပူးပေါင်းရင်းမြစ်များ

পত্থম 48:22

তমা ভেইয়ুনোত্তুন্‌ বেশ্‌ সোম্বোত্তি মুই তরে দিলুং। যে জাগাগান্‌ মুই তলোয়ার আর ধনুলোই যুদ্ধো গুরিনে ইমোরীয়গুনো আঢত্তুন্‌ পেইয়োং সে জাগাগান্‌ মুই তরে দিলুং।”

গীতসংহিতা 44:6

মর্ ধনুগান উগুরে মুই বিশ্বেজ্ ন-গরং, মর্ লাম্বা ছুড়িগানে মরে জিদেই দি ন-পারে;

হোশেয় 1:7

মাত্তর্ যিহূদার মানুচ্চুনোরে দোয়্যে গুরিম আর তারারে উদ্ধোর্ গুরিম। সেই উদ্ধোর ধনুগান, লাম্বা ছুরিগান্ বা যুদ্ধো বা ঘোড়াবলা দিইনে ন-অবঅ, বরং মুই তারার্ গোজেন লগেপ্রভু তারারে উদ্ধোর্ গুরিম।”

হোশেয় 2:18

সেদিন্যে মুই তাত্তে য়েমান, পেগ্ আর বুগেদি আঢি বেড়েয়্যে প্রাণিগুনো লগে মিজেম। মুই দেজত্তুন্ ধনু, লাম্বাছুরি আর যুদ্ধো দূর্ গুরি দিম যেনে বেক্কুনে গমেডালে ঘুম যেই পারন্।

মথি লেখ্যে গম্ হবর্ 5:44

মাত্তর্ মুই তমারে কঙর্, তমা শত্রুগুনোরেয়ো কোচ্‌পেয়ো। যিগুনে তমারে অত্যেচার্ গরন্ তারাত্তে তবনা গোজ্য,

যিহোশূয় 24:12

মুই তমা আগেন্দি বলাপুগ্‌ পাধেই দিলুং; বলাপুক্কুন্‌ তমা মুজুঙোত্তুন্‌ সে দ্বি’জন ইমোরীয় রাজারে ধাবেই দিলো। তুমি যে তমার লাম্বা ছুড়ি বা সেল্‌-ধনুগানিলোই ইয়েনি গোজ্য সিয়েন্‌ নয়।