২ রাজাবলী 6:2 - Chakma Bible

² তুই অনুমতি দিলে আমি যর্দন গাঙর্‌ ইদু যেইনে পত্তিজনে এক্কো গুরি তুনি তোগেই নিইনে সিয়েনত্‌ আমাত্তে এক্কান্‌ থেবার্‌ জাগা বানেবং।” তে কলঅ, “আচ্ছা, যঅ।”

২ রাজাবলী 6:2 ပူးပေါင်းရင်းမြစ်များ

২ রাজাবলী 6:1

একদিন্যে শিচ্চ্য-ভাববাদীগুনে ইলীশায়রে কলাক্‌, “চাহ্, যে জাগানত্‌ আমি তঅ লগে কধা কবাত্তে বুজিই সে জাগাগান্‌ আমাত্তে অমকদ চিগোন্‌।

২ রাজাবলী 6:3

সেক্কে তারার্‌ ভিদিরেত্তুন্‌ একজনে কলঅ, “তুইয়ো তর্‌ চাগরুনোর্‌ লগে আদিচ্‌।” জোবত্‌ ইলীশায় কলঅ, “আচ্ছা, যেই।”

যোহন 21:3

শিমোন-পিতর তারারে কলঅ, “মুই মাছ ধুুরিবাত্তে যাঙর্।” তারা কলাক্, “আমিয়ো তঅ সমারে যেবং।” সেক্কে তারা নিগিলিনে নগানত্ উদিলাক্, মাত্তর্ সে রেদোত্ কিচ্চু ধুরি ন-পারিলাক্।

প্রেরিত্‌ 18:3

তারা ধোক্ক্যেন্ তেয়ো তাম্বুল বানাইদ্যে কাম্ গত্ত বিলি তারা সমারে থেইনে কাম্ গরা ধুরিলো।

১ করিন্হীয় 9:6

বার্ণবা আর মত্তুন্ কি বানা কাম্ গুরি হা পুরিবো?

১ থিষলনীকীয় 2:9

ভেইলগ্, আমার কামানি আর দুঘোর্ কধানি খামাক্কায় তমার্ ইদোত আঘে। তমা ইধু গোজেনর্ গম হবরান্ ফগদাং গুরিবার সময় আমি দিন-রেত্ কাম গোজ্জ্যেই, যেনে আমি তমার কারঅ উগুরে কাঙেলেত্যে ন-ওই।

২ থিষলনীকীয় 3:8

দাম ন-দিইনে কারঅ হানা ন-হেই। আমি দিন-রেত্ কাম আর কষ্ট গোজ্জ্যেই যেনে আমি তমার কারঅ কাঙেলেত্যে ন-ওই।

১ তীমথিয় 6:6

মাত্তর্ আসলে হুজী মনে খ্রীষ্টীয় ধর্ম-বিশ্বেজ্ মজিম চলিলে বিরেট্ লাভ অয়।