২ রাজাবলী 6:18 - Chakma Bible

¹⁸ শত্রুগুনে যেক্কে ইলীশায়র ইন্দি লামি এত্তন্‌ সেক্কে তে লগেপ্রভু ইদু এ তবনাগান্‌ গুরিলো, “এ মানুচ্চুনোরে তুই পহ্‌রর্‌ ঝিমিলেনিলোই কান্‌ গুরি দে।” ইলীশায়র তবনা মজিম লগেপ্রভু তারারে কান্‌ গুরি দিলো।

২ রাজাবলী 6:18 ပူးပေါင်းရင်းမြစ်များ

পত্থম 19:11

সে পরেদি তারা পহ্‌র গুরি ঝিমিলেনি দিলাক্, আর সেক্কে দোরান বারেন্দি ঠিয়েই রোইয়্যে গাবুজ্যে আর বুড়ো মানুচ্চুনে অদাতদ্‌ চোগেদি আর ন-দেগিলাক্‌। সেক্কে সে মানুচ্চুনে দোরান্‌ তগাদে তগাদে অরান্‌ ওই পড়িলাক্।

২ রাজাবলী 6:19

ইলীশায় তারারে কলদে, “ইয়েন্‌ সে পথ্‌তানঅ নয় আর সে শঅরানঅ নয়। তুমি আমা পিজে পিজে এজঅ; যে মানুচ্চোরে তুমি তগর্‌ মুই তাইদু তমারে নেযেম্‌।” ইয়েন্‌ কোইনে তে শমরিয়াত্‌ তারারে নেযেল।

ইয়োব 5:14

দিনোত্‌ তারা উগুরে আন্ধার্‌ লামি এজে; দিবুজ্যে তারা রেদো ধোক্ক্যেন্ বিজিরে বিজিরে বেড়ায়।

হোশেয় 1:7

মাত্তর্ যিহূদার মানুচ্চুনোরে দোয়্যে গুরিম আর তারারে উদ্ধোর্ গুরিম। সেই উদ্ধোর ধনুগান, লাম্বা ছুরিগান্ বা যুদ্ধো বা ঘোড়াবলা দিইনে ন-অবঅ, বরং মুই তারার্ গোজেন লগেপ্রভু তারারে উদ্ধোর্ গুরিম।”

সখরিয় 12:4

সেদিন্যে মুই পত্তি ঘোড়ারে দর্‌বুক্ লাগেম্ আর ঘোড়াচালেয়্যেগুনোরে পাগল বানেম। যিহূদার মানুচ্চুনো উগুরে মুই উজিয়ার গুরি নজর্ রাগেম্, মাত্তর্ অন্য জাদ্‌‌‌‌‌‌তুনোর বেক ঘোড়াগুনোরে চোগ্‌কান্ গুরি দিম।‌‌‌

যোহন 12:40

“গোজেনে তারা চোগ্‌কুন্ নাঢি দিয়্যে আর মনানি বাজে গুরি দিয়্যে, যাতে তারা চোগেদি ন-দেগন্ আর মনানদি ন-বুঝোন্, আর গম্ অবাত্তে তাইধু ফিরি ন-এজন্।”

যোহন 9:39

যীশু কলঅ, “মুই এ পিত্‌থিমীত্ বিচের্ গুরিবাত্যে এচ্চ্যং, যেন যিগুনে ন-দেগন্ তারা দেগন্ আর যিগুনে দেগন্ তারা কানা অন্।”

প্রেরিত্‌ 13:11

চাহ্, প্রভুর আঢ্‌‌তানি তঅ বিরুদ্ধে উত্ত্যে। তুই চোগ্ কানা ওই যেবে আর কয়েক দিন সং বেল পহ্‌র ন-দেগিবে।” সেক্কেনে খুয়ো আর আন্ধারানে তারে ঢাগি ফেলেল আর কেঅ যেন তারে আঢত্ ধুরিনে নেযেই পারে ইয়েনত্তে সেক্কে তে লুদিক্ ধুরি বেড়া ধোল্ল্য।

রোমীয় 11:7

সালে বুঝো যায়, ইস্রায়েলীয়গুনে যিয়েন্ পেবার চেট্ট্যা গোজ্জ্যন্ সিয়েন তারা ন-পান্, মাত্তর্ গোজেনে যিগুনোরে বেঈ থোইয়্যে সিগুনে সিয়েন পেইয়োন, আর অন্য বেক্কুনোর্ মনানি পাত্তর ধোক্ক্যেন্ দর ওই যেইয়্যে।

দ্বি’লম্বর বিররণ 28:28

তে পাগলামি আর চোখ্‌ কান্দোই আর চিদে-চজ্জানি বর্‌বাদ্ গুরি দিইনে তমারে আরঅ দুখ্‌ দিবো।