২ রাজাবলী 6:16 - Chakma Bible

¹⁶ জোবত্‌ ভাববাদীবো কলঅ, “ন-দোরেচ্‌। যিগুনে আমা লগে আগন্‌ তারা সিগুনোত্তুন্‌অ জনেদি বেশ্‌।”

২ রাজাবলী 6:16 ပူးပေါင်းရင်းမြစ်များ

পত্থম 32:1

যাকোবেয়ো তা পধেদি যাহ্ ধুরিলো। পধথ্ এক্কান জাগাত্‌ তে গোজেনর্ দূত্তুনোরে দেগিলো।

২ রাজাবলী 6:15

তার্‌কেল্যে বেন্যেপোত্যে গোজেনর্‌ মানুচ্চোর্‌ চাগর্‌বো উদিনে যেক্কে বারেন্দি গেলঅ সেক্কে তে দেগিলোদে ঘোড়া আর রথ্‌তানি লোইনে একদল সৈন্য শঅরান্‌ ঘিরি ফেল্যন্‌। সে চাগর্‌বো সেক্কে কলঅ, “ও, হদা! ও মর্‌ গিরোজ্‌, আমি কি গুরিবোং?”

২ বংশধর 16:9

যিগুনোর্‌ মনান্‌ লগেপ্রভু উগুরে ভোক্তিলোই পরিপূরোণ্‌ থায় তারারে রোক্ষ্যে গুরিবাত্তে তা চোগ্‌কুন্‌ পিত্‌থিমীর বেক্‌ জাগাইদু থায়। তুই ভুল্‌মান্‌জ্যর কাম্‌ গোজ্যজ্‌। ইক্কিনেত্তুন্‌ ধুরি তুই বারবার যুদ্ধোত্‌ থাহ্ পুরিবো।”

গীতসংহিতা 11:1

মুই দঅ লগেপ্রভু ইদু আশ্রয় নেযেয়োং। তুমি কিত্তে কত্তে, “পেগো ধোক্ক্যেন্ উড়িনে তমা মুড়োবোত্ ধেই যঅ”?

গীতসংহিতা 27:3

সৈন্য দলুনেয়ো যুনি মরে ঘিরিনে ধরন্, তো মর্ মনত্ দর্‌বুগ্ ন-লাগিবো; যুনি মঅ বিরুদ্ধে যুদ্ধোয়ো আরম্ভ অয় তো সেক্কেনে মুই নিচিদে থেম্।

গীতসংহিতা 3:6

মঅ বিরুদ্ধে মর্ চেরোকিত্তে আজার আজার মানুচ্ উদিনে থিয়্যেয়োন, মাত্তর্ মুই তারারে ন-দরাং।

গীতসংহিতা 46:11

বেগত্তুন খেমতাবলা গিরোজ্ লগেপ্রভু আমা সমারে আঘে; যাকোবর গোজেনে আমা ঘর্।

গীতসংহিতা 46:7

বেগত্তুন খেমতাবান গিরোজ্ লগেপ্রভু আমা সমারে আঘে; যাকোবর গোজেনে আমা ঘর।

গীতসংহিতা 55:18

যে যুদ্ধোগান্ মঅ বিরুদ্ধে চোল্যে সেক্কে মর্ বিপক্ক দল্লো দাঙর্ এলঅ, সেনত্তে তে মরে ছাড়ি আনিনে গমেডালে রাগেয়্যে।

যাত্রা 14:13

মোশি তারারে কলঅ‌, “ন-দোরেয়ো। তুমি যিয়োত্‌ আগঅ‌ সিয়োদোই‌ থাগঅ আর লগেপ্রভুর উদ্ধোর্‌ গুরিবার্‌ কামান্‌ একবার্‌ চঅ। তে এইচ্যে তমাত্যে সিয়েন্‌ গুরিবো। যে মিসরীয়গুনোরে এইচ্যে তুমি দেগর্‌ ইয়েনর্ পরেদি তারারে আর কনদিন্‌‌অ ন-দেগিবা।

যিশাইয় 8:10

তুমি পরিকল্পনা গরঅ, মাত্তর্ সিয়েনি সফল ন-অবঅ; সে পরিকল্পনাগানর্ কধা তুমি কবা, মাত্তর্ সিয়েন ন-ঠিগিবো, কিত্তে ‘গোজেনে আমা সমারে আঘে।’ ”

যিরমিয় 39:17

মাত্তর্ মুই তরে উদ্ধোর্ গুরিম। যিগুনোরে তুই দরাচ্ তারা আঢত্ তরে দিয়্যে ন-অবঅ।

মথি লেখ্যে গম্ হবর্ 26:53

তুই কি মনে গরচ্, মুই মঅ বাপ্পোরে ডাগিলে তে ইক্কিনে মরে আজার্ আজার্ স্বর্গদূত্ পাধেই ন-দিবো? মাত্তর্ সালে পবিত্র বোইবোর্ কধাগান্ কেধোক্ক্যেন্ গুরি পূরোণ্ অবঅ?

মার্ক 16:6

সে গাবুজ্যেবো কলঅ, “আমক্ ন-ওইয়ো। মুই হবর্ পাং তুমি নাসরত আদামর্ যীশুরে তগর্, যিবেরে ক্রুশোত্ দিয়্যে ওইয়্যে। তে দঅ ইয়েনত্ নেই, তে জেদা ওই উঠ্যে। চগি, ইয়েনই সেই জাগায়ান্ যিয়েনত্ তে পড়ি এলঅ।

রোমীয় 8:31

সালে এ বেপারানি আমি কি কবং? গোজেনে যেক্কে আমা পক্ষে আঘে সেক্কে আমারে ক্ষতি গুরিবার কন্না আঘে?

ফিলিপীয় 1:28

যিগুনে তমা বিরুদ্ধে আঘন্ তারা ইন্দিত্তুন্ কনঅ কিজুলোই তুমি ন-দোরেইয়ো। ইয়েন্দোই প্রমাণ অবঅ যে, তারা ভস্ত অবাত্যে যাদন্ আর তুমি উদ্ধোর্ পেবাত্যে যর্; আর এ উদ্ধোরান গোজেনত্তুন্ এজে।

যিহোশূয় 11:6

সেক্কে লগেপ্রভু যিহোশূয়রে কলঅ‌, “তুই তারারে ন-দোরেচ্‌, কিত্যে এযেত্যে কেল্যে মুই এই সময়ো ভিদিরে ইস্রায়েলীয়গুনোর মুজুঙোত্‌ তারারে বেক্কুনোরে শেজ্‌ গুরি দিম্‌। তুই তারার্‌ ঘোড়াগুনোরে টেঙঅ রক্কুন্‌ কাবি দিবে আর রথ্‌তানি পুড়ি দিবে।”

১ যোহন 4:4

মাত্তর্ পুয়ো-ছা লগ্, তুমি গোজেনর্। তুমি সেই ভন্ডগুনো উগুরে জিত্য, তাত্তুন্ যিবে তমা মনভিদিরে আঘে তে মহান।