২ রাজাবলী 6:12 - Chakma Bible

¹² তার্‌ সেনাপতিগুনো ভিদিরেত্তুন্‌ একজনে কলঅ, “ও মর্‌ গিরোজ্‌ মহারাজ, আমা ভিদিরেত্তুন্‌ কনজনে নেই; মাত্তর্‌ তুই ঘুমযাইদে ঘরানত্‌ যে কধানি কচ্‌ সে কধানি পযন্ত ইস্রায়েলর ভাববাদী ইলীশায় ইস্রায়েলর রাজারে কোই দিদো।”

২ রাজাবলী 6:12 ပူးပေါင်းရင်းမြစ်များ

২ রাজাবলী 5:26

মাত্তর্‌ ইলীশায় তারে কলঅ, “সে মানুচ্চো যেক্কে তঅ লগে দেগা গুরিবাত্তে রথ্‌তানত্তুন্‌ লাম্মে সেক্কে মর্‌ মনানে কি তঅ লগে ন-যায়? টেঙা-পোইজ্যে, কাবড়্‌-চুগোড়্‌, জলপাইয়োর্‌ বাগান, আংগুর-ক্ষেত, গোরু-ছাগল-ভেড়া আর চাগর্‌-চাগরানী নেযেবার্‌ ইবে কি সময়?

২ রাজাবলী 5:3

একদিন্যে মিলেবো তা গিরোজ্‌সোর্‌ মোক্কোরে কলঅ, “মঅ গিরোজ্‌সো যুনি বানা একপল্লা শমরিয়ার ভাববাদীগুনোর্‌ লগে দেগা গুরি পারিদো, সালে তে তার্‌ ফারাঙিগান্‌ গম্‌ গুরি দিদো।”

২ রাজাবলী 5:8

গোজেন মানুচ্‌ ইলীশায় যেক্কে শুনিলো, ইস্রায়েলর রাজাবো কাবড়ান্‌ ফাদি ফেলেয়্যে সেক্কে তে তারে এ হবরান্‌ পাদেল, “কিত্তেই তুই তঅ কাবড়ান্‌ ফাদি ফেলেয়োচ্‌? মানুচ্চোরে মইদু পাধেই দে। সেক্কে তে জানি পারিবো, ইস্রায়েলত্‌ এক্কো ভাববাদী আঘে।”

২ রাজাবলী 6:11

ইয়েন্দোই অরামর রাজা জদবদে রাগ্‌ তুলিলো। তা সেনাপতিগুনোরে ডাগিনে তে কলদে, “কঅ, আমা ভিদিরে কন্না ইস্রায়েলর রাজার পক্ষেন্দি আঘে?”

২ রাজাবলী 6:13

সেক্কে রাজা এ উগুমান্‌ গুরিলো, “তে কুদু আগে তুমি যেইনে সিয়েন্‌ তোগেইনে নিগিলো যেনে মানুচ্‌ পাদেইনে মুই তারে ধুরি আনি পারং।” যেরেন্দি হবর্‌ এলঅ, তে দোথনত্‌ আঘে।

যাত্রা 8:3

নীল গাঙান্‌ বেঙোই ভুরি যেবাক্, আর গাঙত্তুন্‌ সিগুন্‌ উদি এবাক্‌, তঅ ঘরত, তঅ ঘুম্‌ যেবার্‌ ঘরত, তঅ বিচ্চোনত্, তঅ কাম্‌ গুরিয়্যেগুনোর্‌ ঘরত, তঅ মানুচ্চুনো ঘরত, তঅ চুলোবোত্‌ আর তঅ মোইদ্যে গুলিবার্‌ পিলেবোত্‌ যেইনে উদিবাক্‌।

গম্ উপদেজ্ 21:30

কনঅ জ্ঞান, কনঅ বুদ্ধি বা কনঅ পরিকল্পনা লগেপ্রভুর বিরুদ্ধে যেই ন-পারে।

উপদেশক 10:20

রাজারে মনে মনে অভিশাব্ ন-দুয়ো বা নিজো বিচ্চোন উগুরেত্তুন্ তাগোয়্যেগুনোরে অভিশাব্ ন-দুয়ো, কিত্তে আগাজ পেক্কুনেয়ো তঅ কধাগান্ বুয়োই নেযেই পারন্; তে উড়ি যেইনে তঅ কধানি কোই দি পারে।

যিশাইয় 29:15

অভিশাব্ পোড়োক্ সেই মানুচ্চুনোর্, যিগুনে লগেপ্রভু ইত্তুন্ তারার্ পরিকল্পনাগানি লুগেবাত্তে জদবদে চেট্ট্যা গরন্। তারা আন্ধারত্ তারার্ কামানি গরন্ আর ভাবন্, “কন্না আমারে দেখ্যে? কন্না কোই পারিবো?”

যিশাইয় 8:10

তুমি পরিকল্পনা গরঅ, মাত্তর্ সিয়েনি সফল ন-অবঅ; সে পরিকল্পনাগানর্ কধা তুমি কবা, মাত্তর্ সিয়েন ন-ঠিগিবো, কিত্তে ‘গোজেনে আমা সমারে আঘে।’ ”

দানিয়েল 2:47

রাজা দানিয়েলরে কলঅ, “তমা গোজেনে ঘেচ্চেকগুরি দেবেদাগুনোর্ গোজেন আর রাজাগুনোর গিরোজ্। মুই বুঝিলুং তে গুমুরো বিষয়ে ফগদাং গরে, কিত্যেই তুই এ গুমুরো বিষয়ান ফগদাং গুরি পাজ্যস্।”

আমোষ 3:7

আজলে প্রভু লগেপ্রভু তা চাগর্ ভাববাদীগুনো ইধু তার্ পরিকল্পানগান ফগদাং ন-গুরিনে কিচ্ছু ন-গরে।