২ রাজাবলী 6:1 - Chakma Bible

¹ একদিন্যে শিচ্চ্য-ভাববাদীগুনে ইলীশায়রে কলাক্‌, “চাহ্, যে জাগানত্‌ আমি তঅ লগে কধা কবাত্তে বুজিই সে জাগাগান্‌ আমাত্তে অমকদ চিগোন্‌।

২ রাজাবলী 6:1 ပူးပေါင်းရင်းမြစ်များ

১ রাজাবলী 20:35

লগেপ্রভুর উগুমে শিচ্চ্য-ভাববাদীগুনো ভিদিরে একজনে তা সমাজ্যেবোরে কলঅ, “দোয়্যে গুরিনে মরে আঘাত্‌ গর্‌।” মানুচ্চো সেক্কে রাজী ন-অলঅ।

২ রাজাবলী 2:15

যিরীহোর যে ভাববাদী সমাজ্যেগুনে সিয়েনত্‌ থিয়্যেই এলাক্‌ তারা ইলীশায়রে দেগিনে কলাক্‌, “এলিয়োর আত্মাগানে ইলীশায় উগুরে বিশ্বেজ্ গোজ্যে।” তারা ইলীশায়র লগে দেগা গুরিবাত্তে গেলাক্‌ আর তা মুজুঙোত্‌ মাদিত্‌ মাধাবো লোঙেইনে সালাম গুরিনে কলাক্,

২ রাজাবলী 2:3

বৈথেলর ভাববাদী সমাজ্যেগুনে ইলীশায়র ইদু যেইনে কলাক্‌, “তুই কি হবর্‌ পাজ্‌, লগেপ্রভু তঅ গিরোজ্‌সোরে এচ্ছ্যে তর্‌ কায়-কুরেত্তুন্‌ নেযেব?” জোবত্‌ ইলীশায় কলঅ, “অয়, আমি হবর্‌ পেই। তুমি এ পৌইদ্যেনে আর্‌ কনঅ কিজু ন-কবা।”

২ রাজাবলী 2:5

যিরীহোর ভাববাদী সমাজ্যেগুনে ইলীশায় ইদু যেইনে কলাক্, “তুই কি হবর্‌ পাজ্‌, লগেপ্রভু তঅ গিরোজ্‌সোরে এচ্ছ্যে তত্তুন্‌ নেযেব?” জোবত্‌ ইলীশায় কলঅ, “অয়, মুই হবর্‌ পাং। তুমি এ পৌইদ্যেনে আর কনঅ কিজু ন-কবা।”

২ রাজাবলী 2:7

এলিয় আর ইলীশায় যর্দন গাঙ পারত্‌ যেইনে থামেলাক্ আর তারাত্তুন্‌ কিজু দূরোত্‌ পঞ্চাশজন ভাববাদী সমাজ্যে এইনে থিয়েলাক্।

২ রাজাবলী 4:1

শিচ্চ্য-ভাববাদীগুনোর দলত্তুন্‌ একজন মোগে রঅ ছাড়িনে ইলীশায়রে কলঅ, “তর চাগর্‌ মঅ নেক্কো মুরি যেইয়্যে আর তুই হরব্‌ পাজ্‌, তে লগেপ্রভুরে ভোক্তি গুরিদো। মাত্তর্‌ ইক্কিনে মঅ নেক্কোর্‌ এক্কো পাওনাদার মর্‌ দ্বিবে পূয়োরে তা চাগর্‌ বানেবাত্তে হজা এচ্ছ্যে।”

২ রাজাবলী 4:38

ইলীশায় গিল্‌গলত্‌ ফিরি গেলঅ। সেক্কে সে চাগালাত্‌ ভাদঅ রাত্‌ চলের্‌। একদিন্যে একদল শিচ্চ্য-ভাববাদীয়্যে তা লগে বুয়োই এলাক্‌। সেক্কে তে তা চাগর্‌বোরে কলঅ, “দাঙর্‌ পিলেবো ধোইনে ইগুনোত্তে কিজু তোন্‌ রানঅ।”

২ রাজাবলী 6:2

তুই অনুমতি দিলে আমি যর্দন গাঙর্‌ ইদু যেইনে পত্তিজনে এক্কো গুরি তুনি তোগেই নিইনে সিয়েনত্‌ আমাত্তে এক্কান্‌ থেবার্‌ জাগা বানেবং।” তে কলঅ, “আচ্ছা, যঅ।”

ইয়োব 36:16

দুগোর্ আধত্তুন তে তরে নিগিলেনেই আনিবাত্তে চায়; তে তরে এমন্ দাঙর্ জাগাত্ নেযেবাত্তে চায় যিয়েনত্ কনঅ মানা নেই। সিয়েনত্ তর্ টেবিলান দোল্ দোল্ হানালোই ভরা থেবঅ।

ইব্রীয় 11:34

জদবদে আগুনোর্ তেজ্‌চান কোমেই দুয়োন্, ছুরির্ আঘাদত্তুন্ রোক্ষ্যে পেইয়োন, বল্-পোজ্জ্যে অলেয়ো বোলী ওইয়োন, যুদ্ধোত্ বল্ দেগেয়োন আর বিদেশী সৈন্যদলুনোরে ধাবেই দুয়োন্।

যিহোশূয় 17:14

যোষেফ-গুট্টির মানুচ্চুনে যেইনে যিহোশূয়রে কলাক্‌, “সোম্বোত্তি ইজেবে কিত্তেই তুই আমারে বানা এক ভাগ দুয়োচ্‌? লগেপ্রভুর আশিদ্‌বাদে আমার মান্‌জ্যর সোংখ্যে বোউত্‌।”

যিহোশূয় 19:47

দান-গুট্টি তারার্‌ ভাগঅ জাগায়ানি বেক্কানি গজগত্ ন-নেযান্‌ বিলিনে তারার্‌ পক্ষেদি জাগায়ানি চিগোন্‌ ওইয়্যে। সেনত্তেই তারা লেশম শঅরান্‌ আক্রমণ গুরিনে সে জাগার্‌ মানুচ্চুনোরে ওদেই দিলো আর বেক্কুনোরে মারে ফেলেইনে সিয়েন গজক্ গুরিলাক্‌। তারা লেশমত্ বজত্তি গরা ধুরিলাক্‌ আর তারার্‌ পূরোণি মানুচ্চুনোর নাঙানি অনুসারে সে জাগায়ানর নাঙান্‌ রাগেলাক্‌ “দান।”

১ শমূয়েল 19:20

এ কধাগান শুনিনে তে দায়ূদোরে ধুরি আনিবাত্তে মানুচ্‌ পাধেই দিলো। সে মানুচ্চুনে যেইনে দেগিলাক্ এক ঝাক্‌ ভাববাদী শমূয়েলর অধীনোত্‌ গোজেনর কধা কদন্‌। গোজেনর আত্মাগানে সেক্কে শৌলর মানুচ্চুনো উগুরেয়ো এলঅ আর তারায়ো ভাববাদী ইজেবে গোজেনর কধা কুয়ো ধুরিলাক্।