২ রাজাবলী 5:16 - Chakma Bible

¹⁶ জোবত্‌ ভাববাদীবো কলঅ, “মুই যিবের্‌ সেবা গরঙ্‌ সে জেদা লগেপ্রভুর দিব্য, মুই এক্কান্‌ জিনিসঅ গুজি ন-লোম্‌।” নামানে জোর্‌ গুরিলেয়ো তে রাজী ন-অলঅ।

২ রাজাবলী 5:16 ပူးပေါင်းရင်းမြစ်များ

১ রাজাবলী 13:8

মাত্তর্‌ গোজেন মানুচ্চো রাজারে কলঅ, “তর্‌ সোম্বোত্তির্‌ অদ্দেক্‌ দিলেয়ো মুই তঅ সমারে ন-যেম্‌ বা কন হানা বা পানিয়ো ইদু ন-হেম্‌।

১ রাজাবলী 17:1

গিলিয়দর তিশ্‌বী আদামর্‌ এলিয় আহাবরে কলদে, “মুই যিবের্‌ সেবা গরঙ্‌ ইস্রায়েলীয়গুনোর সে জেদা গোজেন লগেপ্রভুরে শমক্‌ গুরিনে কঙর্‌, মুই ন-কনা সং আগামিদি কয়েক্‌ বজর্‌ সং শিরোপানিয়ো ন-পুরিবো, ঝড়অ ন-পুরিবো।”

১ রাজাবলী 18:15

এলিয় কলদে, “মুই যিবেরে সেবা গরঙ্‌, অত্তাৎ গোদা সংসারানর্‌ গিরোজ্‌ জেদা লগেপ্রভুরে শমক্‌ হেইনে কঙর্‌, মুই এচ্ছ্যে আহাবর্‌ মুজুঙোত্‌ হামাক্কায় আঝিল্ ওম্‌।”

২ রাজাবলী 3:14

ইলীশায় কলঅ, “মুই যিবেরে সেবা গরং সে বেগত্তুন্‌ খেমতাবলা জেদা গোজেনর্ নাঙে কঙর্, যিহূদার রাজা যিহোশাফটে যুনি ইদু ন-থেদঅ সালে মুই তইন্দি রিনিয়ো নঅ চেদুং, খিয়েল্‌অ ন-গুরিদুং।

২ রাজাবলী 5:26

মাত্তর্‌ ইলীশায় তারে কলঅ, “সে মানুচ্চো যেক্কে তঅ লগে দেগা গুরিবাত্তে রথ্‌তানত্তুন্‌ লাম্মে সেক্কে মর্‌ মনানে কি তঅ লগে ন-যায়? টেঙা-পোইজ্যে, কাবড়্‌-চুগোড়্‌, জলপাইয়োর্‌ বাগান, আংগুর-ক্ষেত, গোরু-ছাগল-ভেড়া আর চাগর্‌-চাগরানী নেযেবার্‌ ইবে কি সময়?

দানিয়েল 5:17

সেক্কে দানিয়েলে জোবত্ রাজারে কলঅ, তঅ বক্‌‌‌শিজ্‌‌‌চান তর্ থোক্ বা সিয়েনি তুই অন্য কাররে দিচ। মাত্তর্ মুই মহারাজ ইধু লেগাগান পড়িম আর সিয়েনর ভেদ্‌তান্ তারে কোম্।

মথি লেখ্যে গম্ হবর্ 10:8

ইয়েন বাদেয়ো অসুখ্যেগুনোরে গম্ গরঅ, মরাগুনোরে জিংকানি দুয়ো, ফারাঙি বলাগুনোরে গম্ গরঅ আর ভান্ন্যেই আত্মাগানিরে ধাবেই দুয়ো। তুমি মাগানা পেইয়ো, মাগানা দুয়ো।

১ করিন্হীয় 6:12

কেঅ কেঅ কন্, “কনঅ কিজু গরানা মর্ পক্ষে অনুচিত নয়।” সিয়েন থিক্, মাত্তর্ বেক্কানি যে মান্‌জ্যর্ উপকার্ গরে, সিয়েন নয়। কনঅ কিজু গরানা মর্ পক্ষে অনুচিত নয় সত্য, মাত্তর্ মুই কনঅ কিচ্চুর্ চাগর্ ন-ওম্।

২ করিন্হীয় 12:14

মুই ইক্কিনে এই তিন বার তমা ইধু যেবাত্যে যুক্কোল্ ওই আঘং। মুই তমার্ লবাদোস্যে ন-ওম্, কিয়া মুই তমার্ কনঅ কিজু পেবাত্যে ন-চাং, তমারে পেবাত্যে চাং। পুয়ো-ছাগুনে যে তারার্ মা-বাবত্যে টেঙা-পৌইজ্যে জোমেবাক্ সিয়েন নয়, বরং পুয়ো-ছাগুনোত্যে টেঙা-পৌইজ্যে থুবোনা মা-বাব্‌পুনোর্ উচিত।