২ রাজাবলী 5:15 - Chakma Bible

¹⁵ সেক্কে নামানে আর তা লগে যেইয়্যে বেক্‌ মানুচ্চুনে গোজেনর মানুচ্চুনোর্‌ ইদু ফিরি গেলাক্‌। নামানে তা মুজুঙোত্‌ থিয়্যেইনে কলদে, “মুই ইক্কিনে হবর্‌ পেলুং, বানা ইস্রায়েলর গোজেন বাদে গোদা দুনিয়েগানত্‌ আর কনঅ গোজেন নেই। ইক্কিনে তুই তঅ চাগের্‌বোত্তুন্‌ বক্‌শিস্‌ছান গুজি লঅ।”

২ রাজাবলী 5:15 ပူးပေါင်းရင်းမြစ်များ

পত্থম 33:11

গোজেনে মঅ উগুরে দোয়্যে গোজ্যে, আর মর্‌ যদেষ্ট আঘে। সেনত্তেই এ যে বক্‌শিজ্‌চান তইধু আনা ওইয়্যে সিয়েন্‌ তুই মানি লঅ।” যাকোবে এবাবোত্যেগুরি বোউত্‌ কোজোলী গরানার্‌ পর্‌ এষৌ সিয়েন্‌ মানি-ললঅ।

১ রাজাবলী 13:7

রাজা গোজেন মানুচ্চোরে কলদে, “তুই মঅ ঘরত্‌ এইনে কিজু হানা-দানা গুরিচ্‌ সেক্কে মুই তরে এক্কান্‌ বক্‌শিজ্ দিম্‌।”

১ রাজাবলী 18:36

বেইল্যে বেইল্যে উৎসর্বর সময়ানত্‌ ভাববাদী এলিয় মুজুঙোত্‌ উজেই এইনে তবনা গুরিলো, “ও লগেপ্রভু, অব্রাহাম, ইসহাক আর ইস্রায়েলর গোজেন, এচ্ছ্যে তুই জানেই দে, ইস্রায়েলর ভিদিরে তুয়ই গোজেন আর মুই তঅ চাগর্‌, আর তঅ উগুমে মুই ইয়েনি গোজ্যং।

২ রাজাবলী 19:15

হিষ্কিয় লগেপ্রভু ইদু এ তবনাগান্‌ গুরিলো, “দ্বিবে করূবো সংমধ্যে থেইয়্যে ও ইস্রায়েলর গোজেন লগেপ্রভু, তুই, বানা তুয়ই পিত্‌থিমীর্‌ বেক্‌ রেজ্যগানির্‌ গোজেন। তুই দাঙর্‌ আগাজ্‌ আর পিত্‌থিমীগান বানেয়োচ্।

২ রাজাবলী 19:19

ইক্কিনে ও আমা গোজেন লগেপ্রভু, আসিরিয়ার রাজা আঢত্তুন্‌ তুই আমারে রোক্ষ্যে গর্‌ যেনে পিতথিমীর্‌ বেক্‌ রেজ্যগানিয়্যে কোই পারে, তুয়ই, ও লগেপ্রভু, বানা তুয়ই গোজেন।”

২ রাজাবলী 5:8

গোজেন মানুচ্‌ ইলীশায় যেক্কে শুনিলো, ইস্রায়েলর রাজাবো কাবড়ান্‌ ফাদি ফেলেয়্যে সেক্কে তে তারে এ হবরান্‌ পাদেল, “কিত্তেই তুই তঅ কাবড়ান্‌ ফাদি ফেলেয়োচ্‌? মানুচ্চোরে মইদু পাধেই দে। সেক্কে তে জানি পারিবো, ইস্রায়েলত্‌ এক্কো ভাববাদী আঘে।”

যিশাইয় 44:6

লগেপ্রভু, যিবে ইস্রায়েলর রাজা আর উদ্ধোরগুরিয়্যে, যিবে বেগত্তুন্ খেমতাবলা লগেপ্রভু, তে এ কধাগান কোইয়্যেদে, “মুয়ই পত্তম আর মুয়ই শেজ্; মুই বাদে আর কনঅ গোজেন নেই।

যিশাইয় 44:8

তুমি গির্‌‌‌নগিরেয়ো বা ন-দোরেয়ো। মুই কি ভালোক্ দিন আগে ইয়েনি ফগদাং ন-গরং আর ন-জানাং? তুমি মর্ সাক্ষী; মুই বাদে আর কি কনঅ গোজেন আঘে? না, আর কনঅ আশ্রয়-মুড়ো নেই; মুই আর কনজনরে হবর্ ন-পাং‌।”

যিশাইয় 45:6

যেন পূগেত্তুন্ ধুরি পোজিমেদি সং মানুচ্চুনে হবর্ পান্, মুই বাদে আর কনজন নেই। মুয়ই লগেপ্রভু, অন্য আর কনজন নেই।

দানিয়েল 2:47

রাজা দানিয়েলরে কলঅ, “তমা গোজেনে ঘেচ্চেকগুরি দেবেদাগুনোর্ গোজেন আর রাজাগুনোর গিরোজ্। মুই বুঝিলুং তে গুমুরো বিষয়ে ফগদাং গরে, কিত্যেই তুই এ গুমুরো বিষয়ান ফগদাং গুরি পাজ্যস্।”

দানিয়েল 3:29

সেনত্তে মুই এ উগুমান দুয়োঙর্, কনঅ জাদর্, দেজর্ বা ভাষার মানুচ্ যুনি শদ্রক, মৈশক আর অবেদ্-নগোর গোজেন বিরুদ্ধে কিজু কন্ সালে তারে কট্টা কট্টা গুরিনে কাবি ফেলা অবঅ আর তার ঘরানি কাজর-কুড়্ বানা অবঅ, কিত্যে আর কনঅ দেবেদা এবাবোত্যেগুরি উদ্ধোর্ গুরি ন-পারে।”

দানিয়েল 4:34

সে সময়ান শেজ্ ওই গেলে পরেদি মুই নবূখদ্‌নিৎসর স্বর্গ ইন্দি রিনি চেলুং আর মর্ মনান্ গম্ পেলুং। সেক্কে মুই মহান গোজেনরে বাঈনী গুরিলুং; যিবে উমরত্যে বাঁজি আঘে মুই তারে সর্মান দেগেলুং আর তারে নাঙ্ গিনিলুং। মুই কলুং, “গোজেনর রেজ্যগান উমরর্ রেজ্য; তাঁর রাজাগিরি যুগে যুগে থিদেবর্ গোজ্যে।

রোমীয় 10:10

কিয়া মনেদি বিশ্বেজ্ গরানার্ ফলে গোজেনে মান্‌জ্যরে নিদ্দুজি বিলিনে মানি লয় আর মুয়োদি স্বিগের্ গরানার্ ফলে পাপত্তুন্ উদ্ধোর্ গরে।

২ করিন্হীয় 9:5

সেনত্যে মুই এ ভেইয়ুনোর্ আগে তমা ইধু যেবাত্যে কোজোলি গরানা দরকার মনে গুরিলুং, যেন তুমি যে দাঙর্ দান দিবাত্যে এগেম্ গোজ্জ্য সিয়েনর্ বেবস্থা তারা আগেদি গুরিনে থোই পারন্। ইয়েন্দোই তমাত্তুন্ জোর্ গুরিনে আমার্ কিজু আদায় গরা ন-পুরিবো, বরং তুমি যিয়েন দিবা সিয়েন দান ইজেবে আগেত্তুন্ ধুরি যুক্কোল্ থেবা।

যিহোশূয় 9:24

জোবত্‌ তারা যিহোশূয়রে কলাক্‌, “এই গোদা দেজ্‌ছানই তমারে দিবাত্তে আর তমা মুজুঙোত্তুন্‌ এ দেজছানর্‌ বেক্কুনোরে পুজি ফেলেবাত্তে যে উগুমান তঅ‌ গোজেন লগেপ্রভু তা চাগর্‌ মোশিরে দিয়্যে সিয়েন গমেডালেই তর্‌ এই চাগরুনোরে কুয়ো ওইয়্যে। সেনত্তে তমা পৌইদ্যেনে বেক্‌ কধানি শুনিনে পরাণর দরে আমি এ কামানি গোজ্যই।

যিহোশূয় 9:9

জোবত্‌ তারা কলাক্‌, “তঅ‌ গোজেন লগেপ্রভুর সুনাং শুনিনে তর্‌ এই চাগরুনে বোউত্‌ দূর দেজত্তুন এচ্চ্যন্‌। তে মিসর দেজত্‌ যিয়েনি গোজ্যে সে হবরানি আমি পেইয়্যেই।

১ শমূয়েল 25:27

এ চাগরানীবো তা গিরোজ্‌সোত্তে যে বক্‌শিজ্‌চান্‌ আন্যে সিয়েনি তা লগে মানুচ্চুনোরে দিয়্যে অয়।

১ শমূয়েল 9:7

শৌল তার চাগরবোরে কলঅ, “মাত্তর্‌ যুনি আমি সিদু যেই সালে মানুচ্চোত্তে কি লোই যেবং? আমার থৈল্যে ভিদিরে যে খানাগানি এলঅ সিয়েনি দঅ শেজ্‌ ওই যেইয়্যে। গোজেনর মানুচ্চোরে দিবাত্তে কনঅ বক্‌শিজ্অ আমাত্তুন্‌ নেই। কি আঘে আমার?”