২ রাজাবলী 5:12 - Chakma Bible

¹² দামেস্কর অবানা আর পর্পর গাঙান্‌ কি ইস্রায়েলর গাঙর্‌ পানিগানিত্তুন্‌ গম্‌ নয়? সিদু গাদিনে কি মুই সিজি ওই ন-পারিদুং?” ইয়েন্‌ কোইনে তে রাগ গুরিনে ফিরি গেলঅ।

২ রাজাবলী 5:12 ပူးပေါင်းရင်းမြစ်များ

২ রাজাবলী 2:14

সে কাবড়ান্দোই তে পানিত্‌ বাজ্জেইনে কলঅ, “ইক্কিনে এলিয়োর্‌ গোজেন লগেপ্রভু কুদু?” তে পানিত্‌ বাজ্জানার্‌ পরেন্দি পানিগান ডেনে-বাঙে দ্বিভাগ ওই গেলঅ, আর তে পার্‌ ওই গেলঅ।

২ রাজাবলী 2:8

এলিয় তা কিয়্যের কাবড়ান্‌ বুদিনে সিয়েন্দোই পানিগান উগুরে বাজ্জেল। সেক্কে পানিগান ডেনে-বাঙে দ্বিভাগ ওই গেলঅ আর তারা দ্বিজনে শুগুনো মাদি উগুরেন্দি পার্ ওই গেলাক্‌।

২ রাজাবলী 5:11

মাত্তর্‌ নামানে অমকদ রাগ গুরিনে সিয়োত্তুন্‌ আঢি গেলগোই আর কলঅ, “মুই মনে গোজ্যংগে তে হামাক্কাই নিগিলি এইনে মইদু এবঅ আর থিয়্যেইনে তার্‌ গোজেন লগেপ্রভুরে ডাগিবো আর ফারাঙিগানর্‌ উগুরে তা আঢ্‌তান্‌ বাজেইনে মর্‌ ফারাঙিগান্‌ গম্‌ গুরি দিবো।

২ রাজাবলী 5:17

নামানে কলঅ, “তুই যুনি কিজু নঅ নেযাচ্‌ সালে দোয়্যে গুরিনে দ্বিবে গাধায় বুয়োই নেযেই পারন্‌ এধোক্ক্যেন মাদি তঅ চাগর্‌বোরে দে, কিত্তে তর্‌ এ চাগর্‌বো লগেপ্রভু বাদে আর কনদিন্‌অ কনঅ দেবেদার ইদু পূজ্যে আর অন্য উৎসর্ব ন-গরে।

গম্ উপদেজ্ 14:17

বদমেজাজি মানুচ্ ভুলো ধোক্ক্যেন কাম গরন, আর কুজুরোমি গুরিয়্যেবোরে বেক্কুনে ঘিনান্।

গম্ উপদেজ্ 16:32

যে সহজে রাগ ন-গরে তে যোদ্ধাত্তুন্অ গম্; যে শঅর্ জিদি নেযায় তাত্তুন্‌অ বেশ্ যে নিজোরে দোঙেই রাগায় তে গম্।

গম্ উপদেজ্ 19:11

যে মানুচ্চোর বুদ্ধি আঘে সে বুদ্ধিগানে তারে সহজে রাগ গুরিবাত্তে ন-দে; তা বিরুদ্ধে কনজনে দুষ্ গুরিলে সিয়েন ন-ধরানা তা পক্ষে বাঈনী গরে পারা।

পরমগীত 4:8

মেলা ঘরর্ মর্ বৌবো, লেবাননত্তুন্ মঅ সমারে আয়, মঅ সমারে লেবাননত্তুন্ আয়। অমানার্ মুড়ো চুক্কোত্তুন্, শনীর আর হর্মোণ মুড়োবোর্ উগুরেত্তুন্, সিংহ গাদত্তুন্, হোক্যে বাঘর্ মুড়োমুড়ি থেবার্ জাগানত্তুন্ তুই লামি আয়।

যিরমিয় 49:23

দামেস্ক পৌইদ্যেনে লগেপ্রভু কোইয়্যেদে, “হমাৎ আর অর্পদে দরে থির্‌‍‍‌‌‌‌‌নেইয়্যে ওইয়্যে, কিত্তে তারা ভান্ন্যেই হবর্ শুন্নোন্। তারা আশানেইয়্যে ওইয়োন, থির্ নেইয়্যে সাগর ধোক্ক্যেন ওলোঝোলো ওইয়োন্।

সখরিয় 13:1

মুই বেগত্তুন্ খেমতাবলা লগেপ্রভু কঙর্, সেদিন্যে দায়ূদো বংশর আর যিরূশালেম আদাম্মেগুনোর পাপ আর অসিজিগান ধোই ফেলেবাত্তে এক্কো পয়নালা খুলো অবঅ। সেদিন্যে দেজত্তুন্ মূত্তিগুন দূর গুরি দিয়্যে অবঅ আর তারার্ নাঙানিয়ো আর কারঅ মনত্ ন-থেবঅ। মুই দেজত্তুন্ তারার্ ভাববাদীগুনোরে দূর্ গুরি দিম আর ভান্ন্যেই আত্মাগুনোরেয়ো দূর্ গুরি দিম।

সখরিয় 14:8

সে অক্তত্ হরান্ন্যে আর ঝার্‌কালত্ যিরূশালেমত্তুন্ মিদে পানি নিগিলিনে অদ্দেক্কান পূগেদি সাগর ইন্দি আর অদ্দেক্কান্ পোজিমেদি সাগর ইন্দি বেঈ যেবঅ।

মার্ক 1:9

সে অক্তত্ যীশু গালীল রেজ্যর্ নাসরত্ আদামত্তুন্ এলঅ, আর যোহনে তারে যর্দন গাঙত্ বাপ্তিষ্ম দিলো।