২ রাজাবলী 4:42 - Chakma Bible

⁴² বাল্‌-শালিশাত্তুন্‌ এক্কো মান্‌জ্যে গোজেন মানুচ্চোত্তে পত্তমে তুল্যে ফসলত্তুন্‌ কুড়িবো কেশ্‌বিজিলোই বানেয়্যে রুটি সিগিনে আনিলো, আর তা লগে কিজু নূয়ো ফসল আনিলো। ইলীশায় কলঅ, “ইগুন্‌ মানুচ্চুনোরে হেবাত্তে দে।”

২ রাজাবলী 4:42 ပူးပေါင်းရင်းမြစ်များ

১ রাজাবলী 14:3

তুই লগে গুরিনে দশছান্‌ রুটি, কিজু পিদে আর এক কুম্‌ মধুলোই তাইদু যাহ্। পূঅবোর্‌ কি অবঅ সিয়েন্‌ তে তরে কোই দিবো।”

২ রাজাবলী 4:38

ইলীশায় গিল্‌গলত্‌ ফিরি গেলঅ। সেক্কে সে চাগালাত্‌ ভাদঅ রাত্‌ চলের্‌। একদিন্যে একদল শিচ্চ্য-ভাববাদীয়্যে তা লগে বুয়োই এলাক্‌। সেক্কে তে তা চাগর্‌বোরে কলঅ, “দাঙর্‌ পিলেবো ধোইনে ইগুনোত্তে কিজু তোন্‌ রানঅ।”

২ রাজাবলী 5:5

জোবত্‌ অরামর্‌ রাজা কলঅ, “ঠিগ্‌ আঘে, তুই যাহ্। ইস্রায়েল রাজার্‌ ইদু মুই এক্কান্‌ চিদি দিম্‌।” সেনত্তে নামানে তিনশঅ নব্বই কেজি রূবো, আদাত্তোর্ কেজি সোনা আর দশ তান্‌ কাবড়্‌ লোইনে নিগিলিলো।

২ রাজাবলী 7:1

ইলীশায় কলঅ, “লগেপ্রভু কি কোইয়্যে সিয়েন শুনো। তে কত্তে, এজেত্তে কেল্যে শমরিয়ার গেদোত্‌ বার গ্রাম রূবোলোই ছয় কেজি মোয়দে আর বার গ্রাম রূবোলোই বার কেজি কেজ্‌বিজি বেজা অবঅ।”

যাত্রা 23:16

তুমি খেদত্‌ যিয়েনি লাগেবা সিয়েনির্ পত্তম ফসল্লোই ক্ষেত-ক্ষেত্তি কাবিবার্‌ পরপ্পো পালেবা। চাষকামর্‌ শেষ্‌ মাজত্‌ ক্ষেদত্তুন্‌ ফসল্‌ তুলিবার্‌ অক্তত্‌ তুমি ফসল তুবেবার্ পরপ্পো পালেবা।

গণাণা 18:12

“ইস্রায়েলীয়গুনে তারার পত্তমে তুল্যে ফলুনোর বেগত্তুন্‌ গম্‌ যে জলপাইয়র্‌ তেল, নূয়া আংগুরো-রস আর শোজ্য লগেপ্রভুরে দিবাক সিয়েনি বেক্কানি মুই তরে দিলুং।

গণাণা 18:13

লগেপ্রভু ইদু আন্যে তারার ভূইয়োর পত্তম্ ফলুন তর্‌ অবঅ। তর্‌ পরিবারত্‌ যিগুনে সিজি অবস্থায় থেবাক তারা সিয়েনি খেই পারিবাক্।

যোহন 6:13

মানুচ্চুনে হানার্ পরেদি সে পাচ্চান্ রুটির যিয়েনি বাগী এলঅ শিচ্চ্যগুনে সিয়েনি থুবেইনে বারবো লেই ভোরেলাক্।

যোহন 6:9

আন্দ্রিয় যীশুরে কলঅ, “ইয়েনত্ এক্কো পুয়োর্ পাচ্চান্ মোক্ক্যে রুটি আর দ্বিবে মাছ আঘে; মাত্তর্ ইদুক্কুন্ মান্‌জ্যর সিগুন্দোই কি অবঅ?”

১ করিন্হীয় 9:11

আমি যেক্কে তমা ভিদিরে আত্মিক বীজি লাগেইয়্যেই সেক্কে তমাত্তুন্ যুনি জাগতিক্ হানা-উরোনা থুবোং সালে সিয়েন কি ভারী বেশ্ কিজু?

গালাতীয় 6:6

যিবেরে গোজেনর্ কধা শিক্ষ্যে দিয়্যে অয় তে যেন তা মাষ্টরবোরে তার্ বেক্‌ গম জিনিস্‌চানির্ ভাগ্ দে।

দ্বি’লম্বর বিররণ 12:6

তুমি তমার পুজ্যে-উৎসর্গ আর অন্য য়েমান-উৎসর্ব, তমার আয়র্‌ দশ ভাগর এক ভাগ, তমার বিশেষ দান আর মান্যা ছিড়েবার উৎসর্ব, তমার নিজোর আওজে গোজ্যে উৎসর্ব আর তমার গোরু-ছাগল-ভেড়ার পত্তম্‌ ছঅবুয়ো সিয়োদোই নেযেবা।

দ্বি’লম্বর বিররণ 32:14

তে তারে হাবেল গোরুর দুধোর্ দই ছাগল আর ভেড়ার দুধ, আর হাবেল পক্তা-মক্তা ভেড়া ছাগলর্ য়েরা, ছাগলর য়েরা আর বাশন দেজর পাদা ভেড়া ছাগলর্ য়েরা। তে তারে হাবেল পক্তা-মক্তা গম। ও ইস্রায়েল, তুই গেজে উঠ্‌ আংগুর-রস হেইয়োচ্‌।

দ্বি’লম্বর বিররণ 8:8

সিদু আগেদে নানান্‌ বাবোত্যে গম আর কেচবিজি, আংগুর আর ডোমোর্‌ গাজ্‌ আর ডালুম, জলপাইয়র তেল আর মধু।

১ শমূয়েল 9:4

শৌলে সেক্কে সিগুনোরে তোগাদে তোগাদে ইফ্রয়িমর মুড়ো-মুুড়ি বামত্‌ আর শালিশা বামর্‌ ভিদিরেন্দি গেলঅ, মাত্তর্‌ সিগুনোরে ন-পেলঅ। সে পরেন্দি তারা শালীম বামান ইন্দি গেলঅ, মাত্তর্‌ গাধীগুনোরে সিদুয়ো পাহ্ ন-গেলঅ। সে পরেন্দি তারা বিন্যামীনীয়গুনোর বামত্‌ গেলাক্, আর সিদুয়ো সিগুনোরে ন-পেলঅ।

১ শমূয়েল 9:7

শৌল তার চাগরবোরে কলঅ, “মাত্তর্‌ যুনি আমি সিদু যেই সালে মানুচ্চোত্তে কি লোই যেবং? আমার থৈল্যে ভিদিরে যে খানাগানি এলঅ সিয়েনি দঅ শেজ্‌ ওই যেইয়্যে। গোজেনর মানুচ্চোরে দিবাত্তে কনঅ বক্‌শিজ্অ আমাত্তুন্‌ নেই। কি আঘে আমার?”