২ রাজাবলী 4:39 - Chakma Bible

³⁹ সেক্কে শিচ্চ্য-ভাববাদীগুনো ভিদিরে একজনে শাক্‌ তুলি আনিবাত্তে ক্ষেদত্‌ যেইনে ঝার্‌বো মামারা লুদি দেগিলো। তে সিয়েনত্তুন্‌ কিজু ফল তুলিনে ঝলাত্ ভোরেল। সে পরেন্দি ফিরি এইনে সিগুন্‌ কাবিনে তে তোন্‌ পিলেবোত্‌ দিলো, মাত্তর্‌ সিগুন্‌ কি সিয়েন্‌ কারর্‌ জানা ন-এলঅ।

২ রাজাবলী 4:39 ပူးပေါင်းရင်းမြစ်များ

পত্থম 25:29

একদিন্যে যাকোবে ডেল্‌ রানের্‌, এ অক্তত্‌ এষৌ মাদত্তুন্‌ ফিরি এলঅ। সেক্কে তে অমকদ বল্‌পোজ্য এলঅ।

১ রাজাবলী 6:18

তবনা-ঘর ভিদিরে এরস গাজ তক্তানি উগুরে লদা গাজর্‌ ফল আর ফুট্যে ফুল কাবিনে লেগা অলঅ। বেক্কানি এরস গাজ তক্তালোই এলঅ, কনঅ পাত্তর্‌ দেগা ন-যায়।

২ রাজাবলী 4:38

ইলীশায় গিল্‌গলত্‌ ফিরি গেলঅ। সেক্কে সে চাগালাত্‌ ভাদঅ রাত্‌ চলের্‌। একদিন্যে একদল শিচ্চ্য-ভাববাদীয়্যে তা লগে বুয়োই এলাক্‌। সেক্কে তে তা চাগর্‌বোরে কলঅ, “দাঙর্‌ পিলেবো ধোইনে ইগুনোত্তে কিজু তোন্‌ রানঅ।”

২ রাজাবলী 4:40

সে তোনান্‌ মানুচ্চুনোরে হাবেবাত্তে ঢালি দিয়্যে অলঅ, মাত্তর্‌ সিয়েন্‌ হাদে আরাম্ভ গুরিলে তারা কিজেগ্‌কারি উদিলাক্‌, “ও গোজেন মানুচ্‌, পিলেবো ইদু মরণান!” তারা সিয়েন হেই ন-পারিলাক্‌।

গম্ উপদেজ্ 19:2

আরঅ জ্ঞাননেইয়্যে অনায়ো গম্ নয়; যে মানুচ্চো হিজেহিচ্চ্যে গুরিনে বেক্ কামানি গুরিবাত্তে যায় তে ভুল্ গরে।

যিশাইয় 5:4

মঅ আংগুর খেদ্‌‌তানত্তে মুই যিয়েনি গোজ্যং সিয়েনত্তুন্ বেশ্ আর্ কি গরা যেদঅ? যেক্কে মুই গম্ গম্ আংগুরত্তে বাজ্জেই থেলুং সেক্কে কিত্তে সিয়েনত্ বানা ঝার আংগুর ধুরিলাক্?

যিরমিয় 2:21

মুই দঅ তরে নখ্‌বাজ্ গোজ্যে বিজিত্তুন জোর্মেয়্যে গম্ আংগুরোর্ চারা ইজেবে লাগেয়োং; সালে কেধোক্ক্যেন গুরি তুই এক্কো ভান্ন্যেই ঝার আংগুর গাজ্ ওইয়োচ্?

মথি লেখ্যে গম্ হবর্ 15:13

জোবত্ তে কলঅ, “যে চারাবো মর্ স্বর্গর্ বাপ্পো ন-লাগায় সিগুন বেক্কুন্ উগুরে ফেলা অবঅ। তারা কধা বাদ্ দুয়ো।

ইব্রীয় 12:15

চঅ, কেঅ যেন গোজেনর্ দোয়্যেত্তুন্ বাদ্ ন-পড়ন্। চঅ, বিষ্‌বলা তিদে গাজ শিঙোর ধোক্ক্যেন্ গেজেই উদিনে কেঅ যেন দুঘ্ বাড়েইনে ভালোক্ জনরে অসিজি ন-গরন্।