২ রাজাবলী 4:38 - Chakma Bible

³⁸ ইলীশায় গিল্‌গলত্‌ ফিরি গেলঅ। সেক্কে সে চাগালাত্‌ ভাদঅ রাত্‌ চলের্‌। একদিন্যে একদল শিচ্চ্য-ভাববাদীয়্যে তা লগে বুয়োই এলাক্‌। সেক্কে তে তা চাগর্‌বোরে কলঅ, “দাঙর্‌ পিলেবো ধোইনে ইগুনোত্তে কিজু তোন্‌ রানঅ।”

২ রাজাবলী 4:38 ပူးပေါင်းရင်းမြစ်များ

পত্থম 25:29

একদিন্যে যাকোবে ডেল্‌ রানের্‌, এ অক্তত্‌ এষৌ মাদত্তুন্‌ ফিরি এলঅ। সেক্কে তে অমকদ বল্‌পোজ্য এলঅ।

২ শমূয়েল 21:1

দায়ূদোর রাজাগিরি গরানার সলাবোত্‌ উদোউত্যে তিন বজর সং ভাদরাত্‌ ওইয়্যে। সেনত্তে দায়ূদে লগেপ্রভু ইদু ইয়েনর কারণান পুযোর্‌ গুরিলো। জোবত্‌ লগেপ্রভু কলদে, “ইয়েন্‌ ওইয়্যেদে শৌল আর তা গুট্টিগুনোত্তে। তারা লো ঝরানার্ দুজে দুষী; শৌল গিবিয়োনীয়গুনোরে মারে ফেলেয়্যে।”

১ রাজাবলী 17:1

গিলিয়দর তিশ্‌বী আদামর্‌ এলিয় আহাবরে কলদে, “মুই যিবের্‌ সেবা গরঙ্‌ ইস্রায়েলীয়গুনোর সে জেদা গোজেন লগেপ্রভুরে শমক্‌ গুরিনে কঙর্‌, মুই ন-কনা সং আগামিদি কয়েক্‌ বজর্‌ সং শিরোপানিয়ো ন-পুরিবো, ঝড়অ ন-পুরিবো।”

২ রাজাবলী 2:1

লগেপ্রভু যেক্কেনে এক্কান্‌ থুট্ট্যে বোইয়্যের্‌লোই এলিয়রে স্বর্গত্‌ তুলি নিবাত্তে চেলঅ সেক্কেনে এলিয় আর ইলীশায় গিল্‌গলত্তুন্‌ নিগিলি এলাক্।

২ রাজাবলী 2:3

বৈথেলর ভাববাদী সমাজ্যেগুনে ইলীশায়র ইদু যেইনে কলাক্‌, “তুই কি হবর্‌ পাজ্‌, লগেপ্রভু তঅ গিরোজ্‌সোরে এচ্ছ্যে তর্‌ কায়-কুরেত্তুন্‌ নেযেব?” জোবত্‌ ইলীশায় কলঅ, “অয়, আমি হবর্‌ পেই। তুমি এ পৌইদ্যেনে আর্‌ কনঅ কিজু ন-কবা।”

২ রাজাবলী 4:1

শিচ্চ্য-ভাববাদীগুনোর দলত্তুন্‌ একজন মোগে রঅ ছাড়িনে ইলীশায়রে কলঅ, “তর চাগর্‌ মঅ নেক্কো মুরি যেইয়্যে আর তুই হরব্‌ পাজ্‌, তে লগেপ্রভুরে ভোক্তি গুরিদো। মাত্তর্‌ ইক্কিনে মঅ নেক্কোর্‌ এক্কো পাওনাদার মর্‌ দ্বিবে পূয়োরে তা চাগর্‌ বানেবাত্তে হজা এচ্ছ্যে।”

২ রাজাবলী 4:39

সেক্কে শিচ্চ্য-ভাববাদীগুনো ভিদিরে একজনে শাক্‌ তুলি আনিবাত্তে ক্ষেদত্‌ যেইনে ঝার্‌বো মামারা লুদি দেগিলো। তে সিয়েনত্তুন্‌ কিজু ফল তুলিনে ঝলাত্ ভোরেল। সে পরেন্দি ফিরি এইনে সিগুন্‌ কাবিনে তে তোন্‌ পিলেবোত্‌ দিলো, মাত্তর্‌ সিগুন্‌ কি সিয়েন্‌ কারর্‌ জানা ন-এলঅ।

২ রাজাবলী 8:1

ইলীশায় যে মিলেবোর্‌ পুয়োবোরে জেদা গোজ্যে তারে তে কলঅ, “তুই তঅ ঘোর্বোগুন লোইনে যিয়েনত্‌ পারচ্‌ সিয়েনত্‌ যেইনে কয়েকদিন্‌ থাক্কোই, কিত্তে লগেপ্রভু এ দেজত্‌ ভাদরাত্‌ পাধেই দিবো, আর সিবে সাত্‌ বজর্‌ সং চলিবো।”

ইয়োব 30:4

তারা ঝুবো ভিদিরেত্তুন্ চুয়োত্ নেইয়্যে শাক্ তুলিদাক্; রেতম গাজ শিঙোর্ তারার হানা এলঅ।

গম্ উপদেজ্ 8:34

যে মানুচ্চো মঅ কধানি শুনে আর পত্তিদিন মঅ দোরো ইদু জাগি থায় আর মঅ দোরো ফ্রেমান ইদু বাজ্জেই থেইনে তে সুগি;

যিহিষ্কেল 11:3

তারা কদন্, ‘ঘর বানেবার সময় কি ন-নয়? এ শঅরান যেন রানেদে পিলে আর আমি ওত্ত্যে য়েরা।’

যিহিষ্কেল 11:7

“সেনত্তে প্রভু লগেপ্রভু কোইয়্যেদে, ‘ঘেচ্চেকগুরি এ শঅরান্ রানি খাইদ্যে পিলে, মাত্তর্ যে মানুচ্চুনোরে তুই শঅরত্ মারে ফেল্যচ্ সিগুনে য়েরা; আর মুই সিয়েনত্তুন্ তমারে ধাবেইনে নিগিলেই দিম্।

যিহিষ্কেল 14:13

ও মান্‌‌জ্য পুয়োবো, ধুরিচ্, অবিশ্বেজি ওইনে কনঅ দেজ্ মঅ বিরুদ্ধে পাপ গুরিলো আর মুই তা বিরুদ্ধে আঢ্ বাবেইনে তা হানার যোগানানি বন্ধ গুরিলুং আর ভাদরাত্ পাধেইনে তা মানুচ্ আর এ্যামানুনোরে মারে ফেলেলুং।

যিহিষ্কেল 24:3

এ উল্লোমী জাদ ইধু এ উপমাগান কধা কঅ। তারারে কঅ, প্রভু লগেপ্রভু কোইয়্যেদে, পিলেবো চোলুন চড়া, চোলুন চড়া আর সিবে ভিদিরে পানি দে।

লেবীয় 26:26

মুই তমারে হানার্‌ অভাব-অনটনত্‌ ঘোদেম্‌। সেক্কে দশজন মিলের্‌ রুটি সেঁক্‌কে এক্কোত্তুন্‌ বেশ্‌ চুলো ন-লাগিবো, আর হেবার্‌ অক্তত্‌ তুমি রুটি মাবি মাবি দিবা। তুমি পেট ভুরি হেই ন-পেবা।

আমোষ 7:14

জোবত্ আমোষে অমৎসিয়রে কোইয়্যেদে, “মুই ভাববাদীয়ো ন-এলুং, ভাববাদীর শিচ্চ্যয়ো ন-এলুং; আজলে মুই এক্কো গরক্, আর মুই ডোমোর গাজরে দেগাশুনোয়ো গুরিদুং।

মার্ক 6:37

যীশু কলঅ, “তুমি তারারে কিজু হেবাত্তে দুয়ো।” শিচ্চ্যগুনে তারে কলাক্, “আমি যেইনে দ্বিশত্ দীনারর্ রুটি কিনি আনিনে কি তারারে হেবাত্তে দিবোং?”

লূকে লেখ্যে গম্ হবর্ 10:39

মরিয়ম নাঙে মার্থার্ এক্কো বোন এলঅ। তে প্রভুর টেঙ কুরে বোইনে তা কধা শুনের্।

লূকে লেখ্যে গম্ হবর্ 2:46

যেরেদি তিন দিন পরেদি তারা তারে উবোসনা-ঘরত্ পেলাক্। তে মাষ্টরুনো সংমোধ্যে বোইনে তারার্ কধানি শুনের্ আর তারারে নানান্ কধা পুযোর্ গরের্।

লূকে লেখ্যে গম্ হবর্ 4:25

এ কধাগান সত্য যে, এলিয় সময়োত্ যেক্কে সাড়ে তিন বজর্ ঝড় ন-অয় আর বেক্ দেজ ইধু ভাদ-রাট্ ওইয়্যে সেক্কে ইস্রায়েল দেজত্ ভালোক্কুন্ রানি মিলে এলাক্।

লূকে লেখ্যে গম্ হবর্ 8:35

কি ওইয়্যে সিয়েন্ চেবাত্তে সেক্কে মানুচ্চুনে নিগিলি এলাক্। যীশু ইধু এইনে তারা দেগিলাক্, যিবে ভিদিরেত্তুন্ ভান্ন্যেই আত্মাগুন্ নিগিলি যেইয়োন্ তে কাবড়-চুগোড়্ পিনিনে গম্ মনে যীশু টেঙ কুরে বুয়োই আঘে। ইয়েন্ দেগিনে তারা দোরেলাক্।

লূকে লেখ্যে গম্ হবর্ 8:38

যে মানুচ্চো ভিদিরেত্তুন্ ভান্ন্যেই আত্মাগুন্ নিগিলি যেইয়োন্ সে মানুচ্চো যীশুরে কোজোলী গুরিলো যেন তে তা সমারে যেই পারে। মাত্তর্ যীশু তারে এ কধাগান্ কোইনে ঘরত্ পাধেই দিলো,

লূকে লেখ্যে গম্ হবর্ 9:13

যীশু তারারে কলঅ, “তুমি নিজেই তারারে কিজু হেবাত্তে দুয়ো।” তারা কলাক্, “মাত্তর্ আমা ইধু বানা পাচ্চান্ রুটি আর দ্বিবে মাছ বাদে আর কিচ্ছু নেই। বানা আমি যুদি যেইনে এই বেক্ মানুচ্চুনোত্তে হানা কিনি আনি পারিদোং সেক্কে তে তারারে হাবেই পারিদোং।”

যোহন 21:5

তে শিচ্চ্যগুনোরে কলঅ, “মঅ সমাজ্যেগুন্, কনঅ কিজু ন-পঅ?” তারা কলাক্, “নাঢে, ন-পেই।”

যোহন 21:9

কুলো-চরত্ লামি এইনে তারা গাজ আঙারার্ আগুন আর আগুনো উগুরে মাছ দেগিলাক্; সিয়েনত্ রুটিয়ো এলঅ।

প্রেরিত্‌ 10:38

তুমি ইয়েন-অ কোই পারঅ যে, গোজেনে নাসরতর্ যীশুরে পবিত্র আত্মালোই আর খেমতালোই অভিষেগ্ গোজ্যে। গোজেনে তা সমারে এলঅ বিলিনে তে গম্ কাম গুরিনে বেড়েদ আর শদান আঢত্ যিগুনে দুঘ্ পেদাক্ তারারে বেক্কুনোরে গম্ গুরিদো।

প্রেরিত্‌ 15:36

কয়েক দিন বাদে পৌল বার্ণবারে কলঅ, “যেদক্কানি জাগাত্ আমি প্রভুর কধা ফগদাং গোজ্যেই, যেই, ইক্কিনে সেই বেক্‌ জাগানিত্ ফিরি যেইনে বিশ্বেজি ভেইয়ুনো সমারে দেগা গুরিই আর তারা কেধোক্ক্যেন্ আগন্ সিয়েন চেইয়োই।”

প্রেরিত্‌ 22:3

মুই এক্কো যিহূদী। কিলিকিয়ার তার্ষ শঅরত্ মর্ জর্ম, মাত্তর্ মুই এ শঅরত্ দাঙর্ ওইয়োং। গমলীয়েলর্ টেংঅ কুরে বৈইনে মুই আমা পূরোণি মানুচ্চুনোর রীতি-সুদোম বেক্কানি শিক্ষ্যে পেইয়োং। গোজেন পৌইদ্যেনে এচ্চ্যে তুমি যেবাবোত্যেগুরি আওজ্ দেগর্ মুই নিজেয়ো সেবাবোত্যেগুরি আওজি এলুং।

১ শমূয়েল 19:20

এ কধাগান শুনিনে তে দায়ূদোরে ধুরি আনিবাত্তে মানুচ্‌ পাধেই দিলো। সে মানুচ্চুনে যেইনে দেগিলাক্ এক ঝাক্‌ ভাববাদী শমূয়েলর অধীনোত্‌ গোজেনর কধা কদন্‌। গোজেনর আত্মাগানে সেক্কে শৌলর মানুচ্চুনো উগুরেয়ো এলঅ আর তারায়ো ভাববাদী ইজেবে গোজেনর কধা কুয়ো ধুরিলাক্।