২ রাজাবলী 4:30 - Chakma Bible

³⁰ মাত্তর্‌ পুয়োবোর্‌ মাবো কলঅ, “জেদা লগেপ্রভুর আর তঅ পরাণান নাঙে কঙর্, মুই তরে ছাড়ি ন-যেম্‌।” সেনত্তে ইলীশায় উদিনে মিলেবোর্‌ পিজে পিজে গেলঅ।

২ রাজাবলী 4:30 ပူးပေါင်းရင်းမြစ်များ

পত্থম 32:27

মানুচ্চো কলঅ, “তঅ নাঙান্‌ কি?” তে কলঅ, “মঅ নাঙান্‌ যাকোব।”

২ রাজাবলী 2:2

এলিয় ইলীশায়রে কলঅ, “তুই ইয়োত্‌ থাক; লগেপ্রভু মরে বৈথেলত্‌ যেবাত্তে কোইয়্যে।” ইলীশায় কলঅ, “জেদা লগেপ্রভুর নাঙে আর তঅ পরাণান নাঙে কঙর্, মুই তরে ফেলেই ন-যেম্‌।” সেনত্তে তারা বৈথেলত্‌ গেলাক্‌।

২ রাজাবলী 2:4

ইয়েন পরেন্দি এলিয় তারে কলঅ, “ইলীশায়, তুই ইয়োত্‌ থাক্‌; লগেপ্রভু মরে যিরীহোত্‌ যেবাত্তে কোইয়্যে।” ইলীশায় কলঅ, “জেদা লগেপ্রভুর নাঙে আর তঅ পরাণানর নাঙে কঙর্, মুই তরে ফেলেই ন-যেম্‌।” সেনত্তে তারা যিরীহোত্‌ গেলাক্‌।

২ রাজাবলী 2:6

ইয়েন পরেন্দি এলিয় তারে কলঅ, “তুই ইয়োত্‌ থাগ্‌; লগেপ্রভু মরে যর্দন গাঙ পারত্‌ যেবাত্তে কোইয়্যে।” জোবত্‌ তে কলঅ, “জেদা লগেপ্রভুর নাঙে আর তঅ পরাণান নাঙে কঙর্, মুই তরে ফেলেই ন-যেম্‌।” সেনত্তে তারা দ্বিজনে যাহ্ ধুরিলাক্‌।

২ রাজাবলী 6:3

সেক্কে তারার্‌ ভিদিরেত্তুন্‌ একজনে কলঅ, “তুইয়ো তর্‌ চাগরুনোর্‌ লগে আদিচ্‌।” জোবত্‌ ইলীশায় কলঅ, “আচ্ছা, যেই।”

১ শমূয়েল 1:26

হান্না কলদে, “ও মর্‌ প্রভু, তরে সাক্ষী রাগেইনে মুই শমক্‌ খেইনে কঙর্‌, মুয়ই সেই মিলেবো, যে ইদু তর্‌ মুজুঙোত্‌ ঠিয়্যেইনে লগেপ্রভুর ইদু তবনা গোজ্যে।