২ রাজাবলী 4:27 - Chakma Bible

²⁷ মাত্তর্‌ কর্মিল মুড়োবোত্‌ গোজেন মানুচ্চুনোর্‌ ইদু লুমিনে তে তার্‌ টেঙানি আজাবোদে ধুরিলো। গেহসি তারে সোরেই দিবাত্তে এলে গোজেন মানুচ্চো কলঅ, “তারে মানা ন-গোজ্য। তা মনত্‌ অমকদ দুখ্‌, মাত্তর্‌ লগেপ্রভু; মত্তুন্‌ সিয়েন্‌ লুগেই রাগেয়্যে, মরে নঅ-কয়।”

২ রাজাবলী 4:27 ပူးပေါင်းရင်းမြစ်များ

পত্থম 18:17

পরেদি লগেপ্রভু কলঅ, “মুই যিয়েনি গুরিবাত্তে যাঙর্‌ সিয়েনি কি অব্রাহামত্তুন্‌ লুগেম্‌?

২ শমূয়েল 7:3

জোবত্‌ নাথনে রাজারে কলঅ, “তঅ মনত্‌ যিয়েনি আঘে তুই সিয়েনি গর্‌। লগেপ্রভু তা সমারে আঘে।”

২ রাজাবলী 4:25

ইঙিরিনে তে নিগিলিলো আর কর্মিল মুড়োবোত্‌ গোজেন মানুচ্চুনো ইদু যেইনে লুমিলো। মিলেবো দূরোত্‌ থাগদে গোজেন মানুচ্চো তারে দেগিনে তা চাগর্‌ গেহসিরে কলঅ, “উইয়োবু, সে শূনেমীয় মিলেবো।

২ রাজাবলী 4:26

তুই দাবা দিইনে তাইদু যেইনে তাত্তুন্‌ পুযোর্‌ গর্‌, তে, তা নেক্কো আর তার্‌ পুয়োবো গম্‌ আগে নাকি।” মিলেবো কলঅ, “বেক্কুনে গম্‌ আগন্‌।”

২ রাজাবলী 6:12

তার্‌ সেনাপতিগুনো ভিদিরেত্তুন্‌ একজনে কলঅ, “ও মর্‌ গিরোজ্‌ মহারাজ, আমা ভিদিরেত্তুন্‌ কনজনে নেই; মাত্তর্‌ তুই ঘুমযাইদে ঘরানত্‌ যে কধানি কচ্‌ সে কধানি পযন্ত ইস্রায়েলর ভাববাদী ইলীশায় ইস্রায়েলর রাজারে কোই দিদো।”

ইয়োব 10:1

মর্‌ বাঁজি থানাগানই মুই ঘিনাং, সেনত্তে মঅ দুঘোর্‌ কধানি মুই আভাংপাদারি কোম্‌ আর মঅ পরাণর্‌ তিদে অবস্থাত্তুন্‌ কধা কোম্‌।

গম্ উপদেজ্ 14:10

যিবের মনান্ তিদে তে সিয়েন নিজে বুঝে; একজন মন হুজির ভাগি অন্যজনে ওই ন-পারে।

গম্ উপদেজ্ 18:14

অসুগো অক্তত্ মন বলানে মান্‌জ্যরে ধুরি রাগায়, মাত্তর্ ভাঙা মনান্ কন্না সোজ্য গুরি পারে?

আমোষ 3:7

আজলে প্রভু লগেপ্রভু তা চাগর্ ভাববাদীগুনো ইধু তার্ পরিকল্পানগান ফগদাং ন-গুরিনে কিচ্ছু ন-গরে।

মথি লেখ্যে গম্ হবর্ 15:23

মাত্তর্ যীশু তারে এক্কান্ কধায়ো ন-কলঅ। সেক্কে তা শিচ্চ্যগুনে এইনে তারে কোজোলী গুরি কলাক্, “তারে বিদেয় গুরি দুয়ো, কিয়া তে আমা পিজে পিজে রঅ ছাড়ের্।”

মথি লেখ্যে গম্ হবর্ 20:31

তারা যেন অলর্ অন্ সেনত্তে মানুচ্চুনে তারারে ধমক্ দিলাক্। মাত্তর্ তারা আরঅ রঅ ছাড়িনে কলাক্, “প্রভু, দায়ূদোর বংশধর, আমারে দোয়্যে গর্।”

মথি লেখ্যে গম্ হবর্ 28:9

এন্ সময়োত্ যীশু আদিক্ক্যেগুরি সেই মিলেগুনো মুজুঙোত্ এইনে কলঅ, “তমার্ ভালেদি ওক্।” সেক্কে সেই মিলেগুনে তাইধু যেইনে তা টেঙত্ ধুরি সালাম্ গুরিনে তারে গোজেনর্ সর্মান দিলাক্।

মার্ক 10:13

পরেদি মানুচ্চুনে চিগোন্ গুরোগুনোরে যীশু ইধু আনিলাক্ যেন তে তারা উগুরে আঢ্‌‌‍তানি বাজায়্। মাত্তর্ শিচ্চ্যগুনে সে মানুচ্চুনোরে গেইল্ দিয়্যে ধুরিলাক্।

মার্ক 14:6

সেক্কে যীশু কলঅ, “জুরো অ, কিত্তে তুমি তারে দুঘ্ দোর্? তে দঅ মত্তে গম্ কামান্ গোজ্যে।

লূকে লেখ্যে গম্ হবর্ 7:38

পরেদি তে যীশু পিজেদি তা টেঙ কুরে যেইনে থিয়্যেল আর কানি কানি চোগো পানিয়ে তা টেঙান্ ভিজেল। সে পরেদি তে তার্ মাঢাবো চুলানিলোই তা টেঙান্ পুযি দিলো আর তা টেঙ উগুরে চুমিনে সেই আতরান্ ঢালি দিলো।

যোহন 15:15

মুই তমারে আর চাগর্ ন-কং, কিয়া গিরোজে কি গরে চাগরে সিয়েন্ কোই ন-পারে; বরং মুই তমারে সমাজ্যে কোইয়োং, কিয়া মঅ বাবাত্তুন্ যিয়েনি শুন্ন্যং সিয়েনি তমারে কোইয়োং।

যোহন 4:27

এমন্ সময় যীশুর শিচ্চ্যগুনে এইনে এক্কো মিলে সমারে যীশুরে কধা কধে দেগিনে আমক্ অলাক্। মাত্তর্ তো তারা কনজনে ন-কলাক্, “তুই কি চর্?” বা “কিত্তে তুই তা সমারে কধা কর্?”

১ শমূয়েল 1:10

মনত্‌ দুগে হান্না লগেপ্রভু ইদু অমহদ কানি কানি তবনা গরা ধুরিলো।